Munuan, wo dan i drɔɔ vo lɛ, maa dan wo drɔɔ vo lɛ. Munuan wo dan bale pa lɛ i ma, maa dan bale pa lɛ wo ma, yé i ma lé tɛrɛ la lelenu faa tere drɔɔ é dan vo lɛ.
Kleblele valé we lɛdɔle a gi a si tɛrɛ la, Munu lé wo tin wo nya ékeva, Wo va mi kyɛn ɛ bli vo a lɛ léé, Wa si mi yuɛmale lé tɛrɛ la Yé wa gyɛ anlé munu lé wenyané maa?
Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.
’té an dan sɔn vɔ lɛ Jakɔb valé an wuozan David kulunu ma, yé munu lé wo dan pla lɛ Abraam koo, Izak koo, Jakɔb koo, wo kulunu nwiin, maa ’ka dan wo si lɛ David kulunu va lo. Naa, maa dan da lɛ wolé luugimunu nya wo pa gi, yé an nyanai é dan zén lɛ wo ta, azama.
’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.
’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.
Bale ’ka blivolɛdére fe lɛ Abraam valé é kulunu lɛ léé, wo dan tɛrɛ ye lɛ ’wozé nya bélidɔwe ma lo, naa, blipale lé éé mi kɛla tegele, ’bɛ ma lé wo dan a ye lɛ.
Abraamnu a wo ɛ tranu nya, yé dé é a Krist lé tɛrɛlakɔlɛ lé we nya, wo ɛ kululazan lé, Krist lé ke fɛnu faa nwiin, ’té é ke Bale lé a drɔɔ ke é vole lɛɛfaama, a nya, wo ɛ kululazan lé. Amɛɛn.
Naa, Bale blivolɛdérenu fe Abraam valé é kulu lɛ. É ’ka a fe lɛ léé, kulunu, lo, bélé fɛan zo lé wa kiɛre, a zo lo, naa, é a fe, i kulu, ’bɛ gi léé, mi do kpen lé, yee lé ke Krist nya.