Malasi 4:4 - Kazambale lé Sebe Sauunu 1979

⁴ Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

Malasi 4:4 ပူးပေါင်းရင်းမြစ်များ

Ézai 42:21

É sɔ Gakelebale lɛ léé, é migisan é ma bélidɔwe blɛn kɛlɛ, Izraɛl munu gi nanale we gi.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Rom munu 3:31

’Té ko bélidɔwe kɛla weboa nya blipale nyaa? Gba. Ko bélidɔwe dɔa gligli.

Bélidɔwesɛbɛ Fiézan 4:10

Yian nya lé ka dɔ Gakelebale, kalé Bale ’lɛ Orɛb, a sele ’é dɔ ka gi ma; ’bɛ yi la lé Gakelebale lé an lɛ léé, ’maa munu zén ékeva ’é sɔnɔ. É a a va léé, wo ’é dére ’ma, yé wo kanale ’é lee gi dɔɔ wolé tɛrɛla faa gi, yé wo ’é dérenu paa wolé nénu gi; a sele ’é dɔ ka gi ma.

Bélidɔwesɛbɛ Fiézan 4:23

’Ka yuɛ pa kabo va, gipawe lé Gakelebale, kalé Bale a kɛlɛ ka va, té é saan ka gi lo; miyili valé fɛ foto lé Gakelebale, kalé Bale a kɛlɛle yi ga ka lee, té ka wo kɛlɛ lo.

Bélidɔwesɛbɛ Fiézan 5:2

Gakelebale, kolé Bale a fe léé, ’ko gi pa do ’wo nya, Orɛb gɔ ma.

Bélidɔwesɛbɛ Fiézan 8:11

’Ka yuɛ pa kabozen va, té ka gi é san Gakelebale, kalé Bale ma lo, yé a sɔnnénu valé ka gɔnɔlawenu valé alé bélidɔwenu lé maa wo gɔɔn ka lɛ kyɔ yé ka ’ka wo ta tawo lo lo.

Bélidɔwesɛbɛ Fiézan 8:19

Dé ka gi san Gakelebale, kalé Bale ma, yé ka go bale bɛnu zuo, dé ka wo bɔ yé ka dia wo wuo, maa fe ka lɛ kpaklaa kyɔ léé, ka dan zamaga wo lɛ.