Malasi 4:2 - Kazambale lé Sebe Sauunu 1979

² Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Malasi 4:2 ပူးပေါင်းရင်းမြစ်များ

2 Samuɛl 23:4

É a bélé bladi fɛna fu zo, ’té dé yiri a bina, ’Té lati ’ka la gi lo, a zo; A san éé fɛnu gɔn bɔa lɛɛ dale zuo.

Lɛrɛvɔ Sɛbɛ 103:3

Yee ɛ i ma we voo ilé weplenu faa ma, Yee ɛ i bélié ilé gyɛnu faa gi,

Lɛrɛvɔ Sɛbɛ 147:3

Munu lé wo bli kyɛ dɔ é baba, éé fu vɔa wo bli ma, Yé éé wo tuonanu paan.

Lɛrɛvɔ Sɛbɛ 61:5

Maa a a va lé an nyana i va yifaama ilé kɔn gi, té ’bɛ glɛ é dɔ lo, Yé an yɔɔ i bɛ wuo. Ka ye do.

Lɛrɛvɔ Sɛbɛ 67:1

David lɛrɛ ’ko vɔle gɔɔn lɛrɛvɔmunu zilɛzan lɛ. Kɔnɔnu lé a balenu ke, ’wa gyɛ a va. Pisɔmé lé. Bale tɔbɔlɛrɛ lé.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Lɛrɛvɔ Sɛbɛ 85:9

Bale, Gakelebale éé wean fé, maa dan an tɔné dɔ lɛ a lɛ. Naa, éé dére drɔɔ fé élé munu valé élé yarapawelamunu lɛ, ’Té dé wo ’ka vɔ lɛ wolé ’tugyɛwe gi é ziin lo.

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

Ézai 30:26

Gakelebale lé munu lé é wo tuo bɛ, dé é sɔ vuru wo tuona ta, dé é wo tuonanu nyaa, ’té moné bile é dan kɛlɛ lɛ bélé yiri bile zo, yé yiri bile taa é dan pa lɛ fɔɔ gɔnɔ sɔrafié; yi do yiri bile é dan kɛlɛ lɛ bélé yi sɔrafié zé zo.

Ézai 35:6

Ganesuruzannu é dan fɔrɔ lɛ bélé gan zo, Yé bobogyɛzannu ’léé lɛ é dan so lɛ ginanale nya. Naa, ’yi é dan so lɛ nyéné saa lé fɛna, Yé ’yinu é dan yoro lɛ bwi gi.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Ézai 53:5

Kolé wenyané ma lé é tuo, Kolé weplenu ma lé wa ’wii; We lɛ lé é a kɔɔn lé wa dɔ ko gi, é dia yee ɛ ta, yé ko vo drɔɔ, Yé a tuolenu ma lé ko béli.

Ézai 9:2

I munu ’ko kɛlɛ kiɛre, I ginanamawe kɛlɛ wo lɛ. Wo gi a nanana i ’lɛ bélé ’sagyɛmunu gi nanale zo, Woo siaan ginanale nya, bélé gulizarafɛ gulizannu zo.

Jérémi 17:14

Gakelebale, ’i an béli, yé an dan béli lɛ. ’I an si we gi, yé an dan si lɛ we gi, naa, an bii ɛ tɔ bɔa.

Jérémi 30:17

Naa, maa dan i béli lɛ, maa dan i manɔnnu paa lɛ, Maa Gakelebale ɛ ke a fena. Naa, Siɔn ’ko, wa laama sɔnvɔma?-?zan, Siɔn ’ko lé, mi do kpen ’ka a mawe kɛla lo, yee lé.

Jérémi 33:6

Ka ye, maa dan wo manɔn paa lɛ, maa dan wo fuu dɔ lɛ wo ta, yé maa dan wo béli lɛ, yé maa dan vole drɔɔ valé yara pale we la ’wuo nɔ lɛ wo lɛ.

Ézékiɛl 47:12

’Yiyoro ’ko gɔ fiénu ta, yili gɔnɔ faa lé wo poro éé baama, wo dan kɛlɛ lɛ ana. Wo laanu ma ’ka dan yuru lɛ pelo, yé wo poro ’ka dan nyaa lɛ wo ma pelo. Wo dan tana lɛ moné faa do do ma, ’yinu lé wo dan bɔra lɛ fɛna sauun na, wo pli zi. Wo poronu é dan kɛlɛ lɛ blefɛ nya, yé wo laanu é dan kɛlɛ lɛ lia nya.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Malasi 3:16

Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

Matio 11:5

yuɛwiizannu a yɛrɛ yena, tunbozannu a tawona, pantɛn a sina pantɛngyɛmunu ma, tɔnéwiizannu a we ’mana, gazannu a nwana gale va, yé wa wenéné fena nyanégyɛzannu lɛ.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.

WENÉNÉ LÉ LUK A GYE (Évangile selon Luc) 1:50

Munu lé woo kanaan a lee, a nyanai éé zén‐é wo ta lɛɛfaama.

WENÉNÉ LÉ LUK A GYE (Évangile selon Luc) 1:78

Nyanai zén bli vɔ kolé Bale gi, Amalé é san bi ko la bélé bladi yiri zo,

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:4

A gi lé vole é yuɛma ke, yé yee vole é yuɛma a munu lé san nya.

WENÉNÉ LE JAN A GYE (Évangile selon Jean) 1:8

É ’ka san nya lo, naa, é da san lé we fele we gi.

WENÉNÉ LE JAN A GYE (Évangile selon Jean) 8:12

Jézu we fe wo lɛ é ziin, yé é léé: Maa lé é ke tɛrɛlamunu lé san nya. Mian éé dan an zuo, é ’ka dan tawo lɛ gunutinu va lo, naa, é dan mibélisan ye lɛ.

WENÉNÉ LE JAN A GYE (Évangile selon Jean) 9:4

Bléyian va lé fɛna a é kinile, mi lé é an pa zia, é a lé maa alé nyanama pa; béli a dana tan lɛ, ’té mi do kpen ’ka bɔa nyanama pale lɛ lo.

Kelewenu 13:26

An bwenu, ka lé ka ke Abraam kululazannu nya, ka lé ka kanaan Kazambale léé, wo misiéwegidére ’ko pa kaanu ɛ lɛ zia.

Kelewenu 13:47

Mizambale ko béli dɔ yee ɛ zo; é léé: Maa i dɔ bɛnnu lé kyɛsan nya, Maa i dɔ léé, ’i misiéwegidére fe fɔɔ tɛrɛ glɛ sina.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

2 Tɛsalɔnik munu 1:3

Bwenu, kalé blipale gi a gyɛna, yé ka sɔle ka ke lɛ gi a gyɛna, bɛwemalé é a lé ko Kazambale bɔ vɔ kalé we ma bléyi faa ma. ’Bɛ a we tegele nya.

2 Piɛri 1:19

Amalé é a ko gi léé, balelayezannu dére a sɔbɛlawe nya é mini we bɛnu faa ta, yé é a é zima léé, ka tɔné dɔ a lɛ, naa, é a bélé kyɛbɔ lé ke bina gunuti va, a zo, azama. Amalé ’ka tɔné dɔ a lɛ fɔɔ yé tukinibléyi é bɔ yé bladi monéné é nwa ka bli gi.

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.

1 Jan 2:8

Naa, duowo, bélidɔwe dɛrɛ lé maa a gyɛna ka lɛ. We ’ko na a é gɔɔnle Jézu lé tawobɛ gi, yé a na a é gɔɔnle é ziin kazé tawobɛ gi, naa, gunutinu a giéna yé san bozen da é kwakwa.

Wegɔɔnle 11:18

Bɛnnu bli fli; yé izé bliflile nwa yé migalenu lé weblebléyi bɔ; i wuozan balelayemunu koo, Kazambale lé munu koo, mi kiénénu valé mi segelenu lé woo kanaan i tɔ lee koo, wo faa goolipabléyi bɔ, yé tɛrɛ sɛrɛmunu kulugabléyi bɔ.

Wegɔɔnle 2:28

Yé maa dan bladi monéné nɔ lɛ a lɛ.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 22:2

Éé yoroan fla vuun méléna. Mibéliyili a é dɔle yee yuu gɔ fié la; éé poro yuɛɛ do do baan gɔnɔ vu ta fié, moné ma moné ma, yé a laanu a bɛnnu bélifɛ nya.

RUT (Ruth) 2:12

Gakelebale ’é a lɛi kɛlɛ i lɛ ma; Gakelebale Izraɛl lé Bale lé, i da i ta yɔɔ lɛ a bɛ wuo, ’é i banwo tegele ma.