Malasi 3:7 - Kazambale lé Sebe Sauunu 1979

⁷ É sia ka tranu bléyi va, ka si an dére zuo, yé ka ’ka wo ta tawoo lɛ lo. ’Ka da an va ka pa gi, yé maa dan da lɛ ka va é ziin; a zo lé lai sunyanu lé Gakelebale a fe. Yé ka léé: Ko dan i va kaa? Ko ana ’ko.

Malasi 3:7 ပူးပေါင်းရင်းမြစ်များ

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Ézai 65:2

Nwamimazannu lé woo tawoo zi naané ta wobozen lé bɔn‐in bɔrɔle yɛrama, maa an bɛ soian yifaama wo lɛ.

Jérémi 16:11

Yé bé zi pa wo lɛ léma: Gakelebale léma: Ka tranu sɔn vɔ an ma, ’té woo goo bale bɛnu zuo, yé wo wo bɔ yé wo dia wo bli la wo ’lɛ; wo sɔn vɔ an ma yé wo ’ka tawo lɛ anlé bélidɔwe ta lo.

Jérémi 16:12

Yé ’kaa, kalé wenaané kɛlɛle mini ka tranu zé ta, yé ka faa do do, ka we kɛla ka bligiwe naané yɛrama, ’té ka ’ka ka tɔné dɔa an lɛ pelo.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 7:25

Yian nya lé ka tranu si Éjipiti tɛrɛ la, é sia ’bɛ bléyi ma fɔɔ kyɔ, maa an wuozannu, balelayemunu pa ka lɛ zia; maa wo paan zia yifaama, yé an ’ka daan lɛ a ma lo.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Ézékiɛl 2:3

É lé an lɛ léé: Blami be, maa i pa zia Izraɛl munu lé woo bɔrɔ vɔɔan an nwiin, ’té woo nwaan an ma, wo va. Wo valé wo tinu, wo wenyané kɛlɛ an ma fɔɔ kyɔ yi ’ko nya.

Ézékiɛl 20:13

Yé Izraɛl munu nwa an ma bwi gi. Wo ’ka anlé bélidɔwenu tawe kɛlɛ lɛ lo yé an dérenu lé é a lé blami a ta tawo a vole é yuɛma we gi bɛ, wo sɔn vɔ wo ma, yé wo anlé flinyi sɛrɛ tata. É dɔ an gi léé, an wɛwɛ dɔ wo ma bwi gi, wo kulu gale we ma.

Ézékiɛl 20:21

Yé wo benu nwa an ma. Wo ’ka tawo lɛ anlé wepladérenu yɛrama lo; an déretawenu lé é a lé blami a ta tawo a vole é yuɛma we gi bɛ, wo ’ka wo ta tawo lɛ lo. Yé wo anlé flinyinu sɛrɛ. É dɔ an gi léé, an wɛwɛ dɔ wo ma, yé an bli flile lɛ é sɔɔ wo ma bwi gi.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 20:8

Yé wo nwa an ma, yé é ’ka sɔ lɛ wo lɛ léé, wo tɔné dɔ an dére lɛ lo. Boafɛnu lé ’bɛnu éé wo sian ana, wovazan do kpen ’ka sɔn vɔ lɛ ’bɛnu ma lo, yé wo ’ka daan lɛ Éjipitinu lé miyilinu ma monomono lo. É dɔ an gi léé, an wɛwɛ dɔ wo ma yé an bli flile lɛ é sɔɔ wo ma Éjipiti tɛrɛ la.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

Zakari 1:3

Amalé bé fe wo lɛ léma: Lai sunyanu lé Gakelebale léma: ’Ka da maa, lai sunyanu lé Gakelebale va é ziin, yé maa dan da lɛ é ziin ka va. A zo lé Gakelebale a fe.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Malasi 3:13

Gakelebale léé: Ka a dére nyané fena an ma. Yé ka léé: Ko mɛ we ɛ fe i ma dére nyané nyaa?

Matio 23:27

Sɛbɛgifemunu valé Farizimunu, bodrɔzannu, ka gale nyɔ. Ka a bélé mi vunnu lé wo tɔrɛ fu gié wo ma, a zo. Wo ma a é nɔnɔmi yé wo gi a é fanle migale wɔlɛnu valé fɛ naané gɔnɔ faa nya.

WENÉNÉ LÉ LUK A GYE (Évangile selon Luc) 15:16

Mi do kpen ’ka fɛ no a lɛ lo, amale fɛ kɔlɛnu lé surunu a blé bɛ, é a a va léé, ’é ’bɛ ble yé ’é kan.

Rom munu 10:21

Naa, é lé Izraɛl lé we ma léé: Maa bɛ soi bladi nyanadi Zavɔbɛn lé a tɔné gi ke plɛplɛ, a lɛ.

Rom munu 10:3

Kazambale éé mi kɛla tegele fɛan zo, wo ’ka a gi dɔɔa lo; wa kwa kulina léé, ’wo ’wobozen kɛlɛ tegele. Kazambale éé mi kɛla tegele fɛan zo, wo ’ka ’bɛ nyi sié lo;

Rom munu 7:9

É vinin, dé maa ’ka bélidɔwe la lo, ’té maa a é yuɛma; naa, bélidɔwe da aan wo, é a bélé fɛan zo lé wenyané vuo, yé an ga, a zo.

Bélidɔwesɛbɛ Fiézan 31:20

Naa, an dan go lɛ munu ’konu nya tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, a ta. Tɛrɛ nyɔnɔzan lé. Wo dan fɛ ble lɛ, wo dan kan lɛ, wo dan bua lɛ. ’Bɛ zuo wo dan nɔla lɛ yé wo go bale bɛnu zuo, ’té woo wo bɔa; wo dan ’wo lɔlu plɛn lɛ an ma, yé wo dan anlé gipawe sɛrɛ lɛ;

SEBE LÉ JAK A GYE (Épitre de Jacques) 4:8

’Ka bié Kazambale sɔnɔ yé é dan bié lɛ ka sɔnɔ. ’Kaa wenyanékɛlɛmunu, ’ka bɛ ma foli. Ka lé ka vɔa we faa ’lɛ, ’ka ka bli kɛlɛ tegele.