Malasi 3:5 - Kazambale lé Sebe Sauunu 1979

⁵ Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Malasi 3:5 ပူးပေါင်းရင်းမြစ်များ

Wepélisiananu 20:11

Abraam a zi pa léé: Maa lé an bli gi léé, webozen lé, tɛrɛ ’ko la munu ’ka kanaan Bale lee lo, yé wo dan an gyɛ lɛ an na lé we ma.

Wepélisiananu 42:18

A yi yaazan nya, Jozɛfu lé wo lɛ léé: An kanaan Bale lee. ’Ka kɛlɛ ’ko zo yé ka vo é yuɛma.

Néémi 5:15

Munu lé wo wo dɔ gbɔrɔnamanu nya an ’lɛ é vinin, wo pla munu nwiin plɛplɛ; woo buru valé dɔrɔ sié wo lee; ’bɛ ta loru, woo gɔɔlifu sikla yɔ fié sié wo lee; wo wuozannu é ziin, wo yaa munu ta. An kanaan Bale lee, amalé an ’ka anzé kɛlɛ lɛ ’bɛ zo lo.

JOB (Job) 31:12

É a bélé kyɛ lé éé fɛnu faa blé, a zo, Yé é a kɔɔn lé é anlé fuafɛnu faa sɛrɛ.

JOB (Job) 7:2

Luu bli a é bɔle yirivɔle ma fɛan zo, Nyanamapazan éé ban lɛbɛn‐é fɛan zo,

Lɛrɛvɔ Sɛbɛ 36:1

David lɛrɛ ’ko vɔle gɔɔn lɛrɛvɔzannu zilɛzan lɛ. Gakelebale wuozan David zé lé.

Lɛrɛvɔ Sɛbɛ 81:8

Ilé kleblele gi i siaa, yé maa i si munu lee; Maa a zi pa zagele yɔɔna; Maa i gi dan Mériba lé ’yinu sɔnɔ. Ka ye do.

Lɛrɛvɔ Sɛbɛ 96:13

Gakelebale ’lɛ ma. Naa, é a dana, É a dana tɛrɛlamunu lé we ble lɛ; É dan tɛrɛlamunu lé we ble lɛ tegele, É dan migɔnɔnu lé we ble lɛ é yara pale we ta yɛrama.

Lɛrɛvɔ Sɛbɛ 98:9

Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.

Fwile 1:17

Naa, dɔtrɔlomu kana Kazambale lee yé wo ’ka Éjipiti mununwiinzan blɛn lɛdɔ lɛ a ma lo; wo nénu vo é yuɛma.

Fwile 18:21

’I munu vabo, yé munu lé woo we kɛla ’wo zua, ’té woo kanaan Kazambale lee, ’té wa mi wéiinnu nya, ’té wo bli bɔle fɛ ma za paan, ’i wo si munu va; ’i wo dɔ munu wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya.

Fwile 20:7

Té i Gakelebale, ilé Bale, tɔ fe é pla lo; mi lé é Gakelebale tɔ fe é pla, Gakelebale é dan ’é lɛdɔ lɛ ’bɛzan gi.

Fwile 22:20

Mian éé bale bɛnu baan Gakelebale pa gi, wo dan a si lɛ tɛrɛ la tata.

Wegɔnévɔlenu 16:6

Zin kɛlɛle valé yara pale we la éé mi lé weple ’yiboo, yé kanale Gakelebale lee ma lé woo nwun zi dɔa wenyané ta.

Wegɔnévɔlenu 8:13

Kanale Gakelebale lee lé ke wenyané za pale nya; É bɔluzan yele kiéné koo, boblɛn koo, tawobɛ naané koo, ’Léé nyané koo, wo za a an gi.

Ézai 57:3

Naa, ’kaa yokɛlɛ le benu, leginizan valé bɔrɔdɛ dɔgɔnɔ, ’ka bié ze.

Jérémi 23:10

Naa, tɛrɛ la fan gɔné ginile valé le ginile nya; Bale a é pale tɛrɛ ’ko la munu ma, amalé gyɛbole ke; Winu lé fɛblena lé é ke bwi la, ’bɛna lu a é gale. Munu éé vlan buruwo wenaané kɛlɛle we ma, Plɛplɛ lé é ke wo lee, é a weple saa kɛlɛfɛ nya.

Jérémi 27:10

Naa, woo balelawe fé ka lɛ vié nya, léé, ka si kalé tɛrɛ la baa yé maa ka bin yé ka zamaga wo.

Jérémi 27:9

Yé kalé balelayezannu koo, kalé ’monédɔzannu koo, kalé nyɛgyɛzannu koo, kalé monénénu va ’monédɔzannu koo, kalé yokɛlɛzannu koo, we lé wa fena ka lɛ léé, ka ’ka dan pla lɛ Babilɔn nwiinzan blɛn wuo lo, té ka tɔné dɔ wo lɛ lo.

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi 42:5

Yé wo lé Jérémi lɛ léé: We faa lé Gakelebale ilé Bale é dan a fe lɛ i lɛ kolé we nya, dé ko ’ka a faa kɛlɛ lɛ lo, Gakelebale ’é ana ye.

Jérémi 5:2

Dé wa fe boenwo léé: Gakelebale a é yuɛma, ’Té wa bale ’nyɔɔnna vié nya.

Jérémi 5:29

Gakelebale léé: Maa ’ka dan we lɛdɔ lɛ wo gi we ’konu ma loo? Maa ’ka dan anzé lɛgi pa lɛ ’bɛ zo bɛn ma loo?

Lévinu 19:13

Té ka yaa ka bɔlunu ta lo, té ka fɛ do kpen sia gla nya lo. Té ilé nyanamapazan ban é yii i lee fɔɔ yé tu é kini a ma lo.

Lévinu 20:10

Dé mi do wenyané kɛlɛ gɔné na va, dé é wenyané kɛlɛ é bɔlu do na va, ’wo we lɛdɔ gɔnézan valé gɔné gini le gi ga nya.

Lévinu 20:27

Dé gɔné léé, dé le léé, dé woo migale léli laan, ɛɛ, dé woo ’moné dɔa, ’wo we lɛdɔ wo gi ga nya; ’wo wo gyɛ gɔlɛ nya; wo nyɛ a wobo nwiin.

Lévinu 20:6

Dé mi do go miléli laamunu valé ’monédɔmunu va, yé é wo kɛlɛwe kɛlɛ, maa dan dɔ lɛ a ma yé maa dan a si lɛ élé munu va.

Misé 1:2

’Kaa munu faa, ’ka tɔné dɔ. Tɛrɛ valé é tafɛnu, ’ka we ’ma ma. Mizan Gakelebale ’é kɛlɛ ka ma wefezan nya ma, Mizan lé ke élé fuakɔn ’lɛzan gi, yee lé.

Abaku 1:12

Gakelebale, anlé Bale sauun, bian i lɛɛ ’ka lɛɛnu va lo loo? Ko ’ka dan ga lɛ lo. Gakelebaleoo, Gakelebale, i bɛn ’ko dɔ i déretawe kɛlɛzannu nya ilé munu ma. Anlé Gɔlɛgɔ, i bɛn ’ko nwa wo kɛlɛle ilé we lɛdɔ migizannu nya we ma.

Zakari 11:12

Yé maa lé wo lɛ léé: Dé é sɔ ka lɛ, ’ka anlé nyanama ma ban nɔ. Dé ’bɛ kaan lo, té ka a nɔ lo. Yé wo gɔɔlifu sikla yɔ do wɔlɛ vu si, yé wa nɔ anlé nyanama ma ban nya.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Malasi 2:14

Yé ka léé: Mɛmaléé? I boronéla le lé bé si, ’té é kɛlɛ i bɔavazan nya bɛ, ’té ka gi pa do a nya bɛ, i yuɛi blan a ma, yé Gakelebale kɛlɛ ka fié lé wenayezan nya, azamalé é kɛlɛ.

Malasi 2:17

Ka Gakelebale wɔlɛ gi nyaa é ma ka dére nya, yé ka léé, ’wo a wɔlɛ gi nyaa a ma mɛ nyaa? Ka fé léé: Miomian wenaané kɛlɛ, é a é zima Gakelebale yuɛ gi, yee ɛ Gakelebale gi nanaan. ’Bɛ dére ’ko ɛ Gakelebale wɔlɛi nyaa é ma; dé ’bɛ kaan lo, ka fé léé: We tegele kɛlɛ Bale a kyɛɛn?

WENÉNÉ LÉ LUK A GYE (Évangile selon Luc) 23:40

Naa, a bɔluzan we pla a lɛ léé: Bii lé wo ga duo dɔ i nwiin ’naan, i ’ka kanaan Bale lee loo?

Rom munu 3:8

É ’ka lé, ko wenyané kɛlɛ yé ’bɛ ’wuo ’é pla wezin nya loo? Yé weboen lé, mitɔsɛrɛmunu an wɔra ka ’léé, léé, Pɔl ɛ fe a zo. A yara lé wo we lɛdɔ munu ’konu gi.

Bélidɔwesɛbɛ Fiézan 15:13

Dé i zi nɔ a lɛ léé, ’é go, té bé pa zia é lee koro nya lo;

Bélidɔwesɛbɛ Fiézan 18:10

Té ka va mi do kpen é be valé é lu gié kyɛ va lo; ’monédɔzan koo, monéné va ’monédɔzan koo, wi va ’monédɔzan koo, gyɛzorowe kɛlɛzan koo,

Bélidɔwesɛbɛ Fiézan 24:17

Bɛn bɛ gi mi koo, ti valé bugalazan koo, té ka wolé se si wo lee lo; té i zanagalale lé sɔ si a bɛfɛ nya lo.

Bélidɔwesɛbɛ Fiézan 27:19

Bɛn bɛ mi koo, ti valé bugalazan koo, zanagalale koo, dé mian wolé wekɛlɛse si wo lee, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

Bélidɔwesɛbɛ Fiézan 5:11

Té i ’yee Gakelebale, kalé Bale tɔ fe é pla lo; mi lé é ’yee Gakelebale tɔ fe é pla, ’yee Gakelebale ’é dan ’é lɛ dɔ lɛ ’bɛzan gi,

1 Tɛsalɔnik munu 4:6

Té mi do é wenyané ’ko zo kɛlɛ é bwe lɛ lo. Mizan ɛ ’bɛ zoɛ wenu lɛgi paan; yee lé ko a fe ka lɛ é kyɛn, yé ko a gɔɔn ka lɛ wéiin.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

SEBE LÉ JAK A GYE (Épitre de Jacques) 5:12

An bwenu, we faa va we blɛn lé é ke ’ko: té ka fɛ ’nyɔɔn lo. Dé é a la nyaoo, dé é a tɛrɛ nyaoo, dé é a fɛofɛan nyaoo, té ka a do kpen ’nyɔɔn lo. Naa, kalé iin ’é kɛlɛ iin nya ma, yé kalé gba ’é kɛlɛ gba nya ma, dé we é da dɔ ka nwiin.

SEBE LÉ JAK A GYE (Épitre de Jacques) 5:4

Ka ye, nyanamapamunu lé wo kalé féifɛnu gyɛ, yé ’té ka ’ka wo gooli pa lɛ bɛ lo, wo ban a siaana, yé féifɛgyɛmunu lé siaalenu bɔ Sunyanuzan tɔné gi.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.