Malasi 3:3 - Kazambale lé Sebe Sauunu 1979

³ É dan nyana lɛ, yé é dan gɔɔlifu sele lɛ yé é a bo si a va; yé é dan Lévi kulunu ma bɔ lɛ; é dan fɛ naané si lɛ wo ma bélé woo gɔɔlifu valé kyan bo sié é ma fɛan zo, a zo, yé wo dan we tegele blɛ kɛlɛ lɛ Gakelebale lɛ.

Malasi 3:3 ပူးပေါင်းရင်းမြစ်များ

Lɛrɛvɔ Sɛbɛ 116:17

Maa dan i ban lɛ i bɔvɔle nya, Yé an dan Gakelebale laa lɛ é tɔ nya.

Lɛrɛvɔ Sɛbɛ 4:5

Ka ma ’é nyɔɔn, té ka wenyané kɛlɛ lo;

Lɛrɛvɔ Sɛbɛ 4:6

’Ka Gakelebale ban wetegele nya ma, Yé ’ka kabo bɛ pa Gakelebale lee.

Lɛrɛvɔ Sɛbɛ 50:14

Bale bɔvɔle ’é kɛlɛ kalé saraka bole nya ma, Yé’i ilé balekunle lɛ sɔɔ Loruzan lɛ.

Lɛrɛvɔ Sɛbɛ 50:23

Mian éé an baan an bɔvɔle nya, éé an tɔ zin bɔa, Yé mian éé yuɛ paan élé tawobɛ va, Fɛan zo lé Bale éé mi sié we gi, maa dan a gɔɔn lɛ a lɛ.

Lɛrɛvɔ Sɛbɛ 51:19

Dé mi léli si é ta élé wenyané ma, ’bɛ a saraka lé é sɔ Bale lɛ, a nya; Baleoo, Bale, mi lé a bli gi kyɛ dɔ fɔɔ yé é so a kɔlɛ zi, i ’ka serele boo ’bɛ ma lo.

Lɛrɛvɔ Sɛbɛ 66:10

Oo Bale, naa, i ko gi dan Bélé fɛan zo lé woo gɔɔlifu selean kyɛ ta, a zo.

Wegɔnévɔlenu 17:3

Fɛselebɔ a gɔɔlifu zé nya, yé bɔɔnwoli ’léé a kyan zé nya, naa, mi lé éé mi blinu gi daan, Gakelebale lé.

Wegɔnévɔlenu 25:4

’I gɔɔlifu bo si é va yé é dan kɛlɛ lɛ kana nya é folizan lɛ.

Ézai 1:25

An dan fɛ duun lɛ i lɛ; an dan ilé gɔɔlifu bo ’yibo lɛ bélé gwɛn lé wa zén a va. An dan lɛe wɔlɛnu si lɛ a ma.

Ézai 48:10

Maa ka pa fɛseleégibɔ gi bélé gɔɔlifu zo; Maa ka gi dan ’furu kyɛ lé ke we tɔntɔn nya, a va.

Ézai 61:6

Naa, ’kaa, wo dan ka laa lɛ Gakelebale banzannu, Wo dan tɔ pa lɛ ka ma léé, kolé Bale wuozannu; Ka dan bɛnnu lé fuafɛnu ble lɛ, Yé ka dan kabo tɔ bɔ lɛ wo tɔbɔfɛnu gi.

Jérémi 9:7

Amalé lai sunyanu lé Gakelebale léma: Ka ye, maa dan wo zuo kuli lɛ, yé maa dan wo gi dan lɛ, Naa, maa dan a kɛlɛ lɛ kaa anlé munu lé we maa?

Ézékiɛl 20:38

Tɔnégiplɛplɛzannu valé munu lé woo nwaan an ma, maa dan wo si lɛ ka va. Tɛrɛ lé wo ke a ta bɛnnu nya, maa dan wo si lɛ ’bɛna. Naa, wo ’ka dan go lɛ Izraɛl tɛrɛ la lo. Yé ka dan a gi dɔɔ lɛ léé, maa ɛ ke Gakelebale nya.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Daniɛl 12:10

Mi kiɛre é dan kɛlɛ lɛ sauun, yé wo gi é bɔ, yé wo kɛlɛ wéiin. Weplekɛlɛmunu é dan wenaané kɛlɛ lɛ, yé wenyané kɛlɛmunu va mi do kpen ’ka dan we ’ma lɛ lo. Naa, munu lé wo ’wuo ke wo ta, wo dan we ’ma lɛ.

OZÉ (Osée) 14:2

’Ka da Gakelebale va yé ’ka ka gi we fe. ’Ka fe a lɛ léma: ’I ko ma we vo kolé weple faa ma, yé ’i ko si é zima. Ko ’ka dan i ban lɛ diri nya lo, naa, ko dan i ban lɛ ko lɔlu nya.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Mi Nɔnɔle 8:6

’I Lévinu si Izraɛlnu méléna, yé ’i wo kɛlɛ tegele.

WENÉNÉ LÉ LUK A GYE (Évangile selon Luc) 3:16

É lé wo faa lɛ léé: Maa ka batizéwoo ’yi nya, naa, mi lé é ke plɛplɛ é mini an ta yé a yara ’ka an yara lé maa alé sawala bale fuo lo, é dan da lɛ. Yee ɛ dan ka batizéwo lɛ Léli Sauun valé kyɛ nya.

Rom munu 12:1

Bɛwemalé, an bwenu, maa we plaan ka lɛ Kazambale lé nyanai zénle nya léé, ’ka kabozennu nɔ saraka yuɛmale lé é ke Bale zé nya, ’té é sɔ Kazambale lɛ bɛ, a nya, yee ɛ ke kalé Bale bɔle tegele nya.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Filip munu 2:17

Dé wo kalé blipale nɔ Kazambale lɛ bélé saraka zo, dé a ta’yi kɛlɛ an nyɛ nyaoo, ’bɛ an gi nanaan, yé kaa faa gi ’é nana ékeva.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

2 Timoté 4:6

Naa, maa, an kɛlɛ saraka nya é kwakwa, yé an gobléyi bɔ é pu.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 12:10

Kaa tinu éé we lɛdɔa kaa gi bléyi ke nya, wa ye é zima kaazé nya fɛan zo, a zo, naa, Kazambale éé we lɛdɔa kaa gi wezin kɛlɛle kaa lɛ we ma yé kaa kɛlɛ sauun ’é zo.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

Wegɔɔnle 1:6

yé é kaa kɛlɛ bɛngɔnɔ do nya, é Ti Bale banzannu nya bɛ, fua valé plale mi nwiin ’é kɛlɛ azé nya lɛɛfaama ma. Amɛɛn.

Wegɔɔnle 3:18

amalé maa we plaan i lɛ léé, ’i fɛnu ’ko lɛ an lee: kyan lé wa gi dan kyɛ nya, ’bé lɔ ilé fuablele we gi, yé ’i sɔ funu lɔ, wo zénle i ta we gi léé, té i porole yara i gyɛ lo, yé ’i yuɛ lia lɔ yé bé zén i yuɛ va, ilé fɛna yele we ma.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.