Malasi 3:2 - Kazambale lé Sebe Sauunu 1979

² A dayi nya ’naan, de ɛ dan dɔ lɛ a wuoo? Dé é da, de ɛ dan vo lɛ loru é dɔlee? Naa, é dan kɛlɛ lɛ bélé kyan selekyɛ zo, bélé sɔgibɔzan lé sabli kɛlɛ gwɛn zo.

Malasi 3:2 ပူးပေါင်းရင်းမြစ်များ

Wepélisiananu 19:28

Yé é yuɛ vɔ sɔdɔm valé Gɔmɔɔ vazia, yé é yuɛ vɔ fɛna pɛblɛɛ faa la, yé é ana kyɛgoi ye nwana bélé ’furu blɛn lé kyɛgoi zo.

JOB (Job) 28:1

Woo gɔɔlifu sié é kulina, Yé woo kyan sié é kulina a selele we ma;

Lɛrɛvɔ Sɛbɛ 130:3

Gakelebale, dé weplenu sele dɔ i gi, Mizan, de ɛ vonaa?

Lɛrɛvɔ Sɛbɛ 2:7

Maa dan i dére zana dɔɔ lɛ; Gakelebale lé maa lɛ léé: I a an be nya, Maa i yaa kyɔ.

Lɛrɛvɔ Sɛbɛ 76:7

Jakɔb lé Bale bon‐ɛn la wo nya tɔɔn, Wisoonu valé wo tazannu, yi go wo nya baa.

Wegɔnévɔlenu 25:4

’I gɔɔlifu bo si é va yé é dan kɛlɛ lɛ kana nya é folizan lɛ.

Ézai 1:18

Gakelebale léma: ’Ka da, kaa ana we fe. Dé kalé wenyané ka bli tié tiritiri bélé gla’yi zo‐oo, ka bli é dan kɛlɛ lɛ fu tata bélé glasépun zo; dé wo kɛlɛ sɔɔn bélé gulimagyan zo‐oo, ka bli é dan kɛlɛ lɛ fu tata bélé kununu lii zo.

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Ézai 4:4

Mizan é dan Siɔn lomu lé weplenu si lɛ wo lee. Mi nyɛ lé wa zana Jérusalɛm Gakelebale é dan a sia lɛ we tegele kɛlɛle valé wo sɛrɛle nya.

Jérémi 2:22

Dé ka zuru gwɛn sabli nyaoo, Dé ka sabli kiɛre giéan ka maoo, An dan kalé weple pagi ye lɛ an ’lɛ duowo. Maa Gakelebale ɛ ke a fena.

Ézékiɛl 22:14

Dé maa a we kɛlɛna i lɛ yian nya, i bli ta é dan dɔ lɛ plɛplɛɛ? I bɛnu é dan dɔ lɛ plɛplɛɛ? Maa Gakelebale, maa ɛ fe; maa dan we kɛlɛ lɛ i lɛ.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Matio 25:10

Wa gona aan wo a lɔ lɛ yé lesizan da. Wo lé wo ma ke é ’lɛrɛle, wo wɔra a va lesina fɛtikɛlɛkɔn gi yé wo kɔn lɛ tan.

Maak 9:3

alé sɔnu kɛlɛ nyananyana, yé wo kɛlɛ fu tata. Mian é sɔ zuruwo yé é kɛlɛ fu tata bélé sɔ ’ko zo, ’bɛzan ’ka tɛrɛ la ’ko lo.

WENÉNÉ LÉ LUK A GYE (Évangile selon Luc) 2:34

Siméɔn wo drɔɔ vo yé é lé né bu Mari lɛ léé: Bé ye, Bale né ’ko dɔ Izraɛl mi kiɛre saanzan valé wo drɔ?-?zan nya é ziin, yé é a dɔ tɔmase lé wo dan za vɔ lɛ a ta, a nya,

WENÉNÉ LÉ LUK A GYE (Évangile selon Luc) 21:36

Amalé ’ka vo é yuɛma yé ’ka bazoro yifaama, kalé plɛplɛ yele we ma, yé ka bɔ sile lɛ wenu faa lé wo dan bɔ lɛ bɛ, wo lee, yé ka bɔ dɔle lɛ loru, maa blami Be yara.

WENÉNÉ LÉ LUK A GYE (Évangile selon Luc) 3:17

Alé guli a a lee. É dan élé ’sa sunwo lɛ yé é a fɛɛ yé é dan élé ’sawɔlɛ zén lɛ ’sawɔlɛ tadɔna, naa, é dan ’sa pɛɛnu kyɛ ble lɛ, kyɛ lé é ’ka dirian monomono lo, a va.

WENÉNÉ LÉ LUK A GYE (Évangile selon Luc) 3:9

Wo zaa dɔ kɔɔn yili suni ma é kwakwa, bɛwemalé yili faa lé wo ’ka wo poro zima baan lo, woo wo bɔié yé woo wo vulian kyɛ va.

WENÉNÉ LÉ LUK A GYE (Évangile selon Luc) 7:23

Mi lé maa ’ka kɛla a saanzan nya lo, ’bɛzan zé a néné.

WENÉNÉ LE JAN A GYE (Évangile selon Jean) 8:55

Ka ’ka a dɔɔa lo; dé é a maa nya, maa a dɔɔ. Yé dé maa a fe léé, maa ’ka a dɔɔa lo, ’té maa kɛlɛ viéwozan nya bélé ka zo. Naa, maa a dɔɔ, yé an tawoo a dére ta.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

Wegɔɔnle 19:8

yé wa se kɛlɛ lezan lɛ léé, ’é lɛnsɔ zima nyananyana gibɔle zén ’é ta. Naa, lɛnsɔ a Kazambale lé munu kɛlɛwe tegelenu nya.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

Wegɔɔnle 6:17

naa, wo blifliyi blɛn bɔ yé mi kyɛn ɛ bɔa dɔle lɛɛ?

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.

1 Samuɛl 6:20

Bɛt‐Sémɛs munu léé: De ɛ bɔa dɔle lɛ Gakelebale, Bale sauun ’ko ’lɛɛ? Yé dé kɛsu si ko va é a lé é go de ɛ vaa?