Malasi 3:16 - Kazambale lé Sebe Sauunu 1979

¹⁶ Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

Malasi 3:16 ပူးပေါင်းရင်းမြစ်များ

Wepélisiananu 22:12

Lanje léé: Té i bɛ mane né ma lo; té i we do kpen kɛlɛ a lɛ lo; naa, sin maa a gi dɔɔ léé, i kanaan Kazambale lee yé i ’ka i be wɔlɛ do kpen Izak nyané kɛlɛ lɛ an lɛ lo.

2 Samuɛl 7:1

Minwiinzan a é nyanale élé kɔn gi aan wo, ’té Gakelebale flinle nɔ a lɛ, yé é a si a nyanémunu lé ke a zi, wo lee,

1 Minwiinzannu 18:12

A zuo, dé an si i va, Gakelebale léli é dan go lɛ i nya, dé fɛ kyɛnna léé? maa ’ka ’bɛna dɔɔa lo; yé dé an go a zuo fe lɛ Akab lɛ, yé é ’ka i ye lɛ lo, é dan an gyɛ lɛ. Dɔlé ’té i wuozan kanale Gakelebale lee pélisia é kénéné la bléyi va.

1 Minwiinzannu 18:3

Yé Akab élé kɔn nwiinzan Abudias laa. (Naa, Abudias éé kanaan Gakelebale lee é baba;

2 Minwiinmunu lé Wezuofe Sɛbɛ 6:7

É a an ti David gi léé, ’é kɔn dɔa Gakelebale, Izraɛl lé Bale tɔ nya.

Néémi 1:11

Aa, Mizan, ’i i wuozan lé bazorodére ban i tɔné nya, i wuozannu lé é sɔ wo lɛ léé, wo kana i tɔ ma, ’i tɔné dɔ wolé bazorodére lɛ. ’I wuozan lé we nyian wo kyɔ, yé maa mi ’ko yuɛi bɔ ma. ’Bɛ bléyi ’ko va ’té maa a minwiinzan blɛn lé dɔrɔtabinzan segele nya.

Esitɛɛ 2:23

Dé wo we ’ko gi kuli, dé wa ye léé, webozen lé, wo woo miblale fié ’ko gyɛ wo dunle nya yili ma. Yé wo we ’ko gyɛ minwiinzan blɛnnu lé sɛbɛ gi minwiinzan blɛn yuɛ va.

Esitɛɛ 6:1

Yee béli duo nya, minwiinzan blɛn ’ka yi gyɛna lo, yé é léé, ’wo da élé tɛrɛlawe zuofesɛbɛ nya ’é lɛ. Yé wa ta fe minwiinzan blɛn lɛ,

JOB (Job) 28:28

Yé é lé blami lɛ léé: I a yé loo? Kanale Mizan lee lé ke wedɔɔle nya, Sile wenaané ma baa ɛ ke gikinile nya.

Lɛrɛvɔ Sɛbɛ 10:4

Mi nyané a fé boblɛn naané nya léé: É ’ka we lɛdɔa mi gi lo. Bale ’ka pelo. Bé ye, alé ’wuogibɔrɔlenu faa lé ke bɛ.

Lɛrɛvɔ Sɛbɛ 104:33

An dan Gakelebale tɔ vɔ lɛ lɛrɛ nya anlé tɛrɛla faa gi, An dan anzé Bale kɛlɛ lɛ blɛn an yuɛma bléyi faa va.

Lɛrɛvɔ Sɛbɛ 111:10

Wedɔɔle pélisiana lé ke kanale Gakelebale lee nya; Munu faa lé woo tawoo ’bɛ ta, woo we maan tegele. Munu lé a tɔ zin fele éé voo ana lɛɛfaama.

Lɛrɛvɔ Sɛbɛ 115:13

Munuan woo kanaan Gakelebale lee, é dan wo drɔɔ vo lɛ, Mi kiénénu koo, mi segelenu koo, woo lé.

Lɛrɛvɔ Sɛbɛ 119:63

Munu faa lé woo kanaan i lee, maa a wo béé nya, Woo valé munu lé woo i déretawenu kɛla, wo nya.

Lɛrɛvɔ Sɛbɛ 139:4

Oo Gakelebale, dé dére ’ka tan bɔ lɛ an nɛnɛ ta lo, ’Té i ’bɛ faa dɔɔ tɛkɛ.

Lɛrɛvɔ Sɛbɛ 147:11

Munu lé woo kanaan Gakelebale lee, wonu ɛ sɔa a lɛ. Woan woo bli kɛla alé zin lɛ, wonu ɛ sɔa a lɛ.

Lɛrɛvɔ Sɛbɛ 16:3

Bale lé munu lé wo ke tɛrɛ la, Wo valé Bale lé zisɔlɛmunu, wo ɛ sɔ an lɛ.

Lɛrɛvɔ Sɛbɛ 20:7

Maa a gi dɔɔ é kwakwa léé, Gakelebale éé nyɔnɔzénnwiinzan sié we gi; É dan alé bazorodére nyi si lɛ é nyanana sauunna la gi, É dan bɔ lɛ a va é bɛyi plɛplɛ nya.

Lɛrɛvɔ Sɛbɛ 33:18

Bé ye, Gakelebale yuɛ a é dɔle munu lé woo kanaan a lee, wo ta, Munu lé wo bli ke alé zin lɛ, a yuɛ a wo va,

Lɛrɛvɔ Sɛbɛ 34:15

’I si wenyané ma baa, yé ’i wezin kɛlɛ. ’I vole drɔɔ nagini yé ’i go a zuo ma.

Lɛrɛvɔ Sɛbɛ 56:8

Wo bli a a lɛ léé, wolé weple kɛlɛle nya lé wo dan so lɛ we lee; Baleoo, Bale, ’i migɔnɔnu zun i bliflile nya ma.

Lɛrɛvɔ Sɛbɛ 56:9

Nɔɔnu lé maa a wo tɛrɛ la, i wo nɔnɔan; ’I an yuɛyi zén ilé kuo gi; Wolé we ’ka é gyɛle ilé sɛbɛ gi loo?

Lɛrɛvɔ Sɛbɛ 66:16

Ka faa lé ka kanaan Bale lee, ’ka da, ’ka tɔné dɔ, Yé we lé é a kɛlɛ an boen lɛ, maa dan a zuo fe lɛ.

Lɛrɛvɔ Sɛbɛ 94:19

Dé gibɔrɔle kiɛre da an ’wuo gi, ’Té i an tɔrɔ paan yé an gi éé nanaan.

Fwile 32:32

Sin, ’i wo ma we vo. Dé ’bɛ kaan lo, ’i an tɔ fwi ilé sɛbɛ lé bé gyɛ, a gi.

Wegɔnévɔlenu 13:20

Mi lé éé nyanaan wedɔɔzan sɔnɔ éé kinié wedɔɔzan nya, naa, ’tugyɛzannu béé éé wo saan.

Ézai 26:3

Mi lé a bli ta ke plɛplɛ, I vole drɔɔ nɔ a lɛ. É pa bii ɛ ta, amalé é dan vo lɛ drɔɔ.

Ézai 26:8

Gakelebaleoo Gakelebale, ko a i lɛbɛnna é ziin, ilé weblebɛ yɛrama. I sele ’é dɔ ko gi, i tɔ lɔrɔ ma lé ko flin‐é.

Ézai 4:3

Siɔn mi pɔnénu valé Jérusalɛm mi pɔnénu lé wo vo, ’té wo wo tɔ gyɛ mi yuɛmalenu va Jérusalɛm bɛ, wo dan wo laa lɛ Bale lé munu.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Ézai 65:6

We lé é dɔ maa gi yé maa dɔ a ta, yee lé ke ’ko: Maa ’ka dan tadɔ lɛ lo, maa dan wolé wenyané dɔ lɛ wo nwiin. Iin, kalé wenyané blɛn koo, ka tranu lé wenyané blɛn koo, maa dan a dɔ lɛ ka nwiin. Ka tranu lasikɔrɔpo kyɛ ble gɔnu nwiin yé wo an sɔnɔ gɔpanénu nwiin; maa dan wo banwo lɛ wo kɛlɛwe kyɛnnu yɛrama ’té. Gakelebale ɛ fe.

Jérémi 31:18

Maa Éfraim dére ’ma, ’té éé dunnuan; I we lɛdɔ an gi, yé a lɛ a é dɔle an gi weboen nya, Bélé diriné lé wo ’ka pla lɛ a nwiin lo, a zo; Bii ɛ da an nya an pa gi, amalé an da, Naa, i a Gakelebale, anlé Bale nya.

Jérémi 8:6

Maa a wemazan nya, an tɔné a é dɔle; wo ’ka we fé wefebɛ yɛrama lo; wo va mi do kpen ’ka é bli nɔlaan élé we lɛrɛlɛrɛ kɛlɛle ma lo. Yé é ’ka a fé léé: Mɛ we lé maa a kɛlɛ bɛɛ? lo. Wo faa zén ’wolé zinu ta bélé wisoo lé éé fɔrɔan guli danna, a zo.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Daniɛl 12:1

’Bɛ bléyi va Mikaɛl lé é ke mi blɛn nya, ilé munu ta gulidanzan nya, é dan nwa lɛ. Bléyi ’ko é dan kɛlɛ lɛ nyané ble bléyi nya. É sia bɛnnu pélisia bléyi va fɔɔ yé é bɔ bléyi ’ko va, wo ’ka tan ’bɛ zoɛ nyané vinin ble lɛ lo. ’Bɛ bléyi va, ilé munu lé wo tɔ ke é gyɛle sɛbɛ gi, wo dan si lɛ we gi.

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

WENÉNÉ LÉ LUK A GYE (Évangile selon Luc) 2:38

Yee é ziin, é da yee bléyi duo nya yé é Kazambale tɔ zin fe, yé munu faa lé wo ke Jérusalɛm munu vole woboma lɛbɛnna, é Jézu lé we fe wo lɛ.

Kelewenu 1:13

Wo bɔ aan wo ’bɛna wo go kɔn nwiin kɔn do gi; Piɛri koo, Jan koo, Jak koo, André koo, Filip valé Tɔmas koo, Baatélémi valé Matio koo, Alifé be Jak koo, Zélɔt mi Simɔn koo, Jak be Jud koo, wo nyanana lé.

Kelewenu 10:2

Mi ’ko a Bale lé zisɔlɛzan nya, yé yee valé élé kɔngimunu faa éé kanaan Bale lee. Éé blɛ kiɛre kɛla nyanégyɛmunu lɛ, ’té éé bazoroan Bale lɛ yifaama.

Kelewenu 2:1

Juifinu lé fɛti lé wa kɛla Taboyi zuo yi yɔ fié wɔlɛ vu, ’té wa laama Pantekot bɛ, a yi bɔ aan wo, ’té wa é zénle ékeva yee fɛ duona.

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

Éfez munu 5:19

’Ka we fe ka ke lɛ Lɛrɛvɔsɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo vɔle nya. ’Ka lɛrɛ vɔ yé ’ka Mizan bɔ vɔ ka bli faa nya a tɔ zin fele nya.

1 Tɛsalɔnik munu 5:11

Bɛwemalé, ’ka we pla ka ke lɛ, yé ’ka ka ke dɔ gligli, bélé fɛan zo lé ka ke a kɛlɛna, a zo.

1 Tɛsalɔnik munu 5:14

Bwenu, kalé zanté. Munu lé wo ’ka we tegele kɛla lo, ’ka we pla wo lɛ. Munu lé wo fuu si wo ta, ’ka wo tɔrɔ paa. Munu lé wo ’ka plɛplɛ Kazambale lé we gi lo, ’ka bɔ wo va. Ka bli ’é kɛlɛ tiéé munu faa ma.

Ébrunu 10:24

Kaa kaa ke bɛ dɔ plɛplɛ mi lɔrɔpale valé wezin kɛlɛle gi; we ’ko sele ’é dɔ kaa gi yifaama ma.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

Ébrunu 3:13

Naa, ’ka we pla ka ke lɛ yi faa do do ma, tu valé é kinile ma, té ka yi lɛbɛn lo, léé, té wenyané é dabli kɛlɛ ka va mi do kpen lɛ yé a tɔné gi é kɛlɛ yuyu lo.

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 20:12

Yé maa migalenu ye, mi blɛnnu valé mi planu, ’té wa é dɔle webleblin ’lɛ. Wo sɛbɛnu fuo. Yé wo sɛbɛ do fuo é ziin, ’bɛ ɛ ke mibélilenu tɔgyɛlasɛbɛ nya. Yé wo migalenu lé we ble ’wo kɛlɛwe yɛrama, wenuan wo ke é gyɛle sɛbɛ ’konu gi, a yɛrama.