Malasi 3:11 - Kazambale lé Sebe Sauunu 1979

¹¹ Maa dan féisɛrɛfɛnu si lɛ ka ma; wo ’ka dan kalé féifɛnu ble lɛ lo; kalé dɔrɔyilinu ’ka dan vo lɛ é pla lo. A zo lé lai sunyanu lé Gakelebale a fe.

Malasi 3:11 ပူးပေါင်းရင်းမြစ်များ

Jérémi 8:13

Gakelebale léé: É sɔ an lɛ léé, an wozé nyaa. Dɔrɔporo ’ka dan kɛlɛ lɛ dɔrɔféi lo, yé bɔrɔporo ’ka dan kɛlɛ lɛ bɔrɔféi lo, yé yililaanu é dan zɔrɔ lɛ; yé fɛ lé maa a nɔ wo lɛ é dan so lɛ wo lee.

OZÉ (Osée) 2:21

Maa dan kɛlɛ lɛ ka zana nya lɛɛfaama; maa dan ka kɛlɛ lɛ an na nya we tegele koo, we drɔle koo, zin koo, nyanai zénle koo, wo gi;

Joɛl 1:12

Dɔrɔyililaanu tana, Bɔrɔyilinu kwéé, Grénadéyilinu koo, yɔnu koo, pɔmeyilinu koo, Féiyilinu faa koo, wo faa yuru, Ginanale nyaa munu méléna.

Joɛl 1:4

Fɛ lé zalogan a vo, nanikpénnɛ a ble; Fɛ lé nanikpénnɛ a vo, yuuwɔlɛnénu a ble; Fɛ lé yuuwɔlɛnénu a vo, flɛflɛ a ble.

Joɛl 1:7

Wo anlé dɔrɔféi sɛrɛ tata, Wo anlé bɔrɔyilinu bɔi térétéréné, Wo wo bɛnu bɔi yé wo wo kɔlɛnu so a ma. Dɔrɔyilinu bɛnu faa vo fu.

Joɛl 2:20

Ka nyanézan lé éé sié yirinwana bɛbolazia, maa dan a bin lɛ ka ma baa, Maa dan a bin lɛ yé é go tɛrɛ lé a nyɔnɔ ’ka lo, ’té mi do kpen ’ka ana lo, ana. Maa dan alé gulizilɛzannu bin lɛ fɔɔ yé wo bɔ yirinwanazia wɛyi va; Maa dan zi zuo sunyanu bin lɛ é ziin fɔɔ, yé wo bɔ yirivɔnazia wɛyi ta; Wo gin é dan nwɛɛn lɛ, Yé wo goi é dan sɔɔla lɛ fɛfaana; Wo we blɛnblɛnnu kɛlɛ, azama.

Joɛl 2:22

Bwigiwinu, té ka kana lo, Naa, lu tolu é dan bɔ lɛ bwi gi fɛna dégélé na. Naa, yilinu é dan ’wo poronu baa lɛ, Wo dan tɔnɔ ye lɛ bɔrɔyili valé dɔrɔféi ma.

Joɛl 2:25

Zalogan koo, nanikpénnɛ koo, yuuwɔlɛnu koo, flɛflɛ koo, Wa anlé sunya gu blɛn lé maa a pa ka ma zia, a nya, Yé féifɛnu lé wa ble lɛɛ kiɛre gi, Maa dan wo lɛgi nɔ lɛ ka lɛ.

Amɔs 4:9

Maa kalé féifɛnu gyɛ gyɛ nya, yé wo toro bɔ; kalé zianféinu koo, kalé dɔrɔféinu koo, kalé bɔrɔyilinu koo, kalé ɔliviyilinu koo, gangannu wo ble. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Abaku 3:17

Naa, bɔrɔyili ’ka dan é vwi bi lɛ é dɛrɛ lo, Dɔrɔféi ’ka dan we do baa lɛ lo, Wo ’ka dan ɔliviporo ye lɛ yili nwiin lo, Yé fɛ ’ka dan dɔ lɛ féinu ta lo; ’Blanu é dan san lɛ lublena, Yé dirinu ’ka dan kɛlɛ lɛ diriyiikɔn gi é dɛrɛ lo.

Agajé 1:11

An lɛɛdabléyi nɔla yɛrɛgabléyi nya, tɛrɛ koo, gɔnu koo, ’sa koo, dɔrɔ dɛrɛ koo, nyɔnɔ koo, fɛ faa lé éé dɔa tɛrɛ ta koo, munu valé winu koo, mi panyanama faa koo, wo ma.

Agajé 2:17

Maa gyan vɔ kalé fɛnu ma; an pooné vɔ kalé ’sa ma; maa kalé féi gyɛ goowɔlɛlɛɛ nya; maa kalé nyanama faa sɛrɛ. Dé maa ’bɛ faa kɛlɛoo, ka ’ka da lɛ an va ka pa gi lo. A zo lé Gakelebale a fe.

Zakari 8:12

Naa, ’savɔle va é dan gyɛ lɛ; dɔrɔyilinu poro é dan baa lɛ, tɛrɛ é dan fɛ dɔ lɛ, la é dan fli vɔ lɛ; maa dan munu ’ko pɔnénu gi nana lɛ fɛ ’konu ma.

Bélidɔwesɛbɛ Fiézan 11:14

Gakelebale léé, é dan lɛɛ da lɛ kalé tɛrɛ la é dabléyi va, lɛɛ vininzan valé lɛɛ voélazan nya; ka dan kalé ’sa gyɛ lɛ, ka dan kalé dɔrɔ’yi vinin kɛlɛ lɛ, ka dan kalé nyɔnɔ kɛlɛ lɛ;