Malasi 3:10 - Kazambale lé Sebe Sauunu 1979

¹⁰ ’Ka da kalé fɛvuzannu faa nya fɛwezan tadɔkɔn gi, léé, fɛblele ’é kɛlɛ anlé kɔn gi; lai sunyanu lé Gakelebale léé: ’Ka an gi dan a nɔle nya, yé ka dan a ye lɛ léé, maa la lɛ so ka lɛ yé maa ka drɔɔ vo fɔɔ, yé é gié é glɛ la.

Malasi 3:10 ပူးပေါင်းရင်းမြစ်များ

Wepélisiananu 28:22

gɔlɛ ’ko lé maa a dɔ weseledɔmigifɛ nya ’ko, é dan kɛlɛ lɛ Kazambale lé kɔn nya; yé fɛnu faa lé i dan wo nɔ lɛ an lɛ, maa dan wo vuzan nɔ lɛ i lɛ.

Wepélisiananu 7:11

Noé lɛɛ wuru yaazan, a moné fiézan, a moné yi vu ta sɔrafiézan nya, ’bɛ yi nya guru blɛn gi ’yiwuonu faa lɛ so, yé lanu gɔɔn lɛ so.

2 Minwiinzannu 7:19

Yé minwiinzan lé mi blɛn lé Bale lé mi lɛ yese léé: Dé Gakelebale la lɛ sooo, ’bɛ zo we é bɔa kɛlɛle lɛɛ? Yé Élizé lé a lɛ léé: I dan a ye lɛ i yuɛ nya; naa, i ’ka dan a ble lɛ lo.

2 Minwiinzannu 7:2

Minwiinzan blɛn lé mi blɛn lé é tɛn a ma, é a zi pa Bale lé mi lɛ léé: Dé Gakelebale la lɛ sooo, ’bɛ zo we é bɔa kɛlɛle lɛɛ? Yé Élizé léé: I dan a ye lɛ i yuɛ nya; naa, i ’ka dan a ble lɛ lo.

Minwiinzannu lé Wezuofe Sɛbɛ 26:20

Lévi mi do, Akija, a Kazambale lé kɔn gi fɛwezannu valé fɛ ’lɛzan plɛplɛnu tabinzan nya.

Néémi 12:44

’Bɛ yi la, blɛnu koo, féifɛ vininnu valé fɛvuzannu koo, ’té woo wo dɔraan kɔnminu zi bɛ, wo munu dɔ yuɛ pale wo ta we ma. Fɛnu lé flamunu a no Balebanzannu valé Lévinu zé nya, bélidɔwe yɛrama, woo wo tééan ana. Naa, Judamunu gi nana léé, Balebanzannu valé Lévinu yara a é pale wolé nyanama ta,

Néémi 12:47

Zorobabɛl valé Néémi bléyi va, Izraɛlnu faa éé fɛ no lɛrɛvɔmunu valé kɔntayuɛpazannu lɛ, yi faa do do ma; fɛnu lé é ke é pale é yɛrama, wa nɔ Lévinu lɛ, yé ’bɛnu éé fɛ pale é yɛra?-?manu no Arɔn benu lɛ.

Lɛrɛvɔ Sɛbɛ 37:3

Bii, ’i pa Gakelebale ta, yé ’i wezin kɛlɛ, ’I nyana tɛrɛ la, yé ilé tɛrɛla ’é kɛlɛ drɔɔ.

Lɛrɛvɔ Sɛbɛ 78:23

Latinu lé ke loru, é we fe wo lɛ, Yé é lanu lɛ so;

Bale Lé We Gifezan 11:3

Dé latinu boro pa lɛɛ nya, wa nwɛɛn‐an tɛrɛ la; dé yili do dia yirinwana bɛyilazia, ɛɛ, dé é dia yirinwana bɛbolazia, éé voo é diana.

Ézékiɛl 34:26

Maa dan wo drɔɔ vo lɛ, wo valé anlé gɔ zi fɛnanu nya; maa dan lɛɛ da lɛ ’é dabléyi va yé é dan wo drɔɔ vo lɛ.

Ézékiɛl 44:30

Féifɛ vininnu valé blɛfɛnu faa lé ka dan wo nɔ lɛ wo nwale loru nya, wo dan kɛlɛ lɛ Balebanmunu zé nya. Ka kalé buruyɔɔ vininnu nɔ Balebanmunu zé nya, léé, Bale é ka drɔɔ vo.

OZÉ (Osée) 2:21

Maa dan kɛlɛ lɛ ka zana nya lɛɛfaama; maa dan ka kɛlɛ lɛ an na nya we tegele koo, we drɔle koo, zin koo, nyanai zénle koo, wo gi;

Joɛl 2:19

Gakelebale a zi vɔ élé munu lɛ léé: Ka ye, maa dan ’sa koo, Dɔrɔ dɛrɛ koo, nyɔnɔ koo, wo pa lɛ ka lɛ zia, Yé ka dan kan lɛ wo nya, Yé maa ’ka dan ka gyɛ lɛ yara nya bɛnnu méléna é dɛrɛ lo.

Joɛl 2:24

’Sa sunwonanu é dan fan lɛ ’sa nya, Yé kana blɛnnu é dan zana lɛ a ma dɔrɔ dɛrɛ valé nyɔnɔ nya.

Lévinu 26:10

Ka dan kalé fɛ kwanu ble lɛ, yé ka dan fɛ kwa bɔra lɛ, fɛ dɛrɛnu pana yele we ma.

Lévinu 26:3

Dé ka tawo anlé bélidɔwenu ta, dé ka an sɔnnénu pa yé ka tawo wo ta,

Lévinu 27:30

Tɛrɛ lé fɛvuzan faa, dé é a féifɛnu nyaoo, dé é a yiliporonu nyaoo, wa Gakelebale zé nya; é a fɛ do lé wa pa é yɛrama Gakelebale zé nya, a nya.

Agajé 2:19

’Sa a tan boo laa? Dɔrɔféi koo, bɔrɔyili koo, grénadéyili koo, ɔliviyili koo, wo poro do kpen ’ka baan turu lo. Naa, é sia kɔngane vɔyi ma, maa dan wo faa drɔɔ vo lɛ.

Mi Nɔnɔle 18:21

Maa Izraɛl lé fɛvuzan faa nɔ Lévi benu lɛ wozé nya, nyanama lé wa paan zén‐ékevasɔkɔn gi, a ma ban nya.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

Bélidɔwesɛbɛ Fiézan 12:6

’Bɛna lé ka dan Bale ban lɛ; kalé balebanwinu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininzannu koo, kalé bale kunle lɛ sɔɔ sarakanu koo, kalé bli drɔɔ blɛnu koo, kalé dirinu valé kalé bolinu lé né vininnu koo, ka dan wo nɔ lɛ yee ɛ na.

Bélidɔwesɛbɛ Fiézan 14:22

’Ka fɛvuzan si kalé féifɛnu faa va lɛɛ faa do do ma.

Bélidɔwesɛbɛ Fiézan 14:29

Yé Lévi mi lé é ’ka ’ézé tɔnɔfɛ ye lɛ ka va lo, yee koo, bɛn bɛ gi munu koo, ti valé bugalazannu koo, gyɛzaralomu koo, ’té wo ke ka va bɛ, wo dan a ble lɛ yé wo dan kan lɛ; ’ka kɛlɛ ’bɛ zo, Gakelebale, kalé Bale lé ka bɛ panyanama faa drɔɔ vole we gi.

Bélidɔwesɛbɛ Fiézan 28:12

Gakelebale é dan élé fɛwezan zinnu lɛ so lɛ la gi, yé é dan lɛɛ da lɛ kalé tɛrɛ la a dabléyi nya, yé é dan kalé nyanama faa drɔɔ vo lɛ; ka dan vɛɛn pa lɛ bɛn kiɛre ma yé ka ’ka dan vɛɛn si lɛ wo va lo.