Malasi 2:8 - Kazambale lé Sebe Sauunu 1979

⁸ Naa, ’kaa, kabozen zi saan; ka bélidɔwe kɛlɛ mi kiɛre saanfɛ nya, yé gipawe lé maa kɛlɛ Lévi va, yé ka sɛrɛ. A zo lé lai sunyanu lé Gakelebale a fe.

Malasi 2:8 ပူးပေါင်းရင်းမြစ်များ

2 Minwiinzannu 16:11

Balebanzan Uri balebanna do kɛlɛ bélé a kɛlɛbɛ lé é si Damas, ’té minwiinzan Akaz a pa zia bɛ, a zo ’kyɛ, yé Balebanzan Uri a kɛlɛle nyaa faa yé minwiinzan Akaz si Damas.

Néémi 13:29

Oo, anlé Bale, wo sele ’é dɔ i gi, naa, ilé baleban nyanama valé ilé gipawe lé Balebanzannu valé Lévinu a kɛlɛ, wa sɛrɛ.

Lɛrɛvɔ Sɛbɛ 119:102

Bii ɛ we paan an gi, Amalé an ’ka daan ilé bélidɔwenu kɛlɛle ma lo.

Lɛrɛvɔ Sɛbɛ 18:21

Gakelebale anzé kɛlɛ anlé wedrɔle yɛrama, É zin kɛlɛ an lɛ an bɛ gibɔle yɛrama.

Wegɔnévɔlenu 12:8

Woo mi tɔ bɔa élé gikinile yɛrama, yé mi lé a bli ke é sɛrɛle a gi, wa yé boazan nya.

Ézai 30:11

’Ka si zi zin ta, ’ka si tawozi ta, ’ka Izraɛl lé Mi Sauun si ko yuɛi baa.

Ézai 59:13

Ko kɛlɛ wegyɛzannu valé yuɛgiblanzannu nya Gakelebale va; ko sɔn vɔ kolé Bale ma; ko kɛlɛ glakɛlɛzannu valé nwamimazannu nya; viéwe péli sia ko bli gi, ’té ko a bɔrɔan ko bɔn‐in.

Ézai 9:16

Bɛwemalé Mizan gi ’ka nanaan wolé pɛniɛnu ma lo, yé a nyanai ’ka zén‐é wolé ti valé bugalazannu valé wolé gyɛzaralomu ta lo. Naa, wo faa a Bale lé zi ma wenyanéfezannu valé mi naanénu nya, yé weple éé bɔraan wo faa ’léé. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Jérémi 17:13

Gakelebaleoo, Bale, Izraɛl munu bli a bii ɛ lɛ. Munu faa lé wo sɔn vɔ i ma, yaragyɛwe é dan bɔ lɛ wo ma. Munu lé wo nwun zi dɔ an ta, wo dan wo tɔ gyɛ lɛ tɛrɛ va. Naa, maa Gakelebale lé an ke mi vo é yuɛma ’yi’wuo nya, wo sɔn vɔ an ma, azama.

Jérémi 17:5

Gakelebale we fe yé é léma: Mian éé paan blami ta, ’Té éé mi kɛla é tɛngizan nya, ’Té éé bli sié Gakelebale lɛ, ’wo bale pa ’bɛzan ma.

Jérémi 18:15

Naa, alé munu gi éé saan an ma, woo lasikɔrɔpo kyɛ blé miyilinu lɛ, ’Té woo tawoo zi saanlenu ta, ’té woo sié zi kwanu ta, Yé woo goo zi bɛnu ta, zinu lé wo ’ka tegele lo, wo ta.

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Ézékiɛl 22:26

Alé balebanmunu éé anlé bélidɔwe sɛra, ’té woo anlé fɛna sauunnu sɔnné sɛra. Wo ’ka fɛ ’lɛzan valé fɛ pla dɔɔa lo; wo ’ka fɛ gibɔle valé fɛ tiridɔle dɔɔa lo. Woo ’wo yara sié anlé flinyinu ta, yé woo an yé boazan nya wo méléna.

Ézékiɛl 44:10

’Bɛ ta loru, Lévinu lé wo kan kini an ma, bléyian va lé Izraɛl munu ’wo yara si an ta yé wo tawo miyilinu zuo bɛ, a bléyi va, wo dan ’wolé weple ma kle ble lɛ.

Ézékiɛl 44:12

Naa, wo munu mawe kɛlɛ wolé miyilinu ’lɛ, yé wo Izraɛl munu kɛlɛ wenyanékɛlɛzannu nya, amalé an bɛ nwa wo ma léé, ’wo nyané ble wolé weple ma. A zo lé Mizan Gakelebale a fe.

Ézékiɛl 44:7

Bɛnnu lé wo bli ’ka é sile ’wo kɛlɛwe kyɛnnu lɛ lo, yé woboen gane ’ka é dɔle lo, ka wo wɔra anlé fɛna tinle na, anlé kɔn sɛrɛle we ma. Yé anlé buru koo, anlé wi nyɔnɔnu koo, wi nyɛnu koo, ka wo nɔ kalé bozofɛnu faa lɛ. Ka anlé gipawe sɛrɛ.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

Lévinu 21:15

Té ’é kulu tɔ sɛrɛ élé munu va lo; naa, maa a Gakelebale nya; maa ɛ kɛlɛ segele.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Malasi 2:5

An gipawe lé maa kɛlɛ a va, é a gipawe lé éé mi bélié, ’té éé mi voo drɔɔ, a nya. Maa a kɛlɛ léé, ’é kana an lee; yé é kana an lee, weboen nya, yé a manyɔɔn an tɔ lé we ma.

Mi Nɔnɔle 25:12

Amalé, bé fe a lɛ léé, maa vole drɔɔ lé gipawe kɛlɛ a va.

Mi Nɔnɔle 25:13

É dan kɛlɛ lɛ gipawe lé a glɛ ’ka lo, a nya, yee valé é kulunu zé nya lɛɛfaama. É ’élé Bale lɛi maawo, azama, yé é Izraɛlnu lé wenyané ’yibo.

Rom munu 14:21

Dé é a wi blele nyaoo, dé é a nwɛ minile nyaoo, dé weowean éé bɔaléé, é i bwe saan, a nyaoo, é a é zima léé, té i wo do kpen kɛlɛ lo.

Ébrunu 3:12

Bwenu, ’ka yuɛ pa kabozen va; bli nyané lé é ’ka vo we lɛ lo, té ’é kɛlɛ ka va mi do gi fɔɔ yé é diéra Bale yuɛmale zuo lo.

1 Samuɛl 2:17

Pɛniɛnu ’ko nyé yéli Gakelebale banfɛnu ma, amalé wo we blɛn dɔ wobo nwiin Gakelebale va.

1 Samuɛl 2:24

Anlé nénu, gba. We lé maa a ’ma é ’ka zima lo; ka a Gakelebale lé munu kɛlɛna wenyanékɛlɛzannu nya.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.