Malasi 2:7 - Kazambale lé Sebe Sauunu 1979

⁷ Balebanzannu a lai sunyanu lé Gakelebale lé nwunvɔzannu nya. Bale wo nwunvɔ léé, munu ’é wedɔɔle ’ma wo ’léé, yé ’wo bélidɔwe gi laa wo lee.

Malasi 2:7 ပူးပေါင်းရင်းမြစ်များ

2 Minwiinzannu 16:11

Balebanzan Uri balebanna do kɛlɛ bélé a kɛlɛbɛ lé é si Damas, ’té minwiinzan Akaz a pa zia bɛ, a zo ’kyɛ, yé Balebanzan Uri a kɛlɛle nyaa faa yé minwiinzan Akaz si Damas.

2 Minwiinzannu 16:16

We faa lé Akaz a fe Balebanzan Uri lɛ, é a kɛlɛ.

2 Minwiinmunu lé Wezuofe Sɛbɛ 30:22

Ézékia fuu dɔ Lévinu faa ta é dérenu nya. Wo ’wuo a wo ta Gakelebale va nyanama pale we ma. Wo sarakabowinu ble yi sɔrafié wuo, ’té woo bɔvɔ sarakanu boo, ’té woo Gakelebale wo tranu lé Bale tɔ bɔa.

2 Minwiinmunu lé Wezuofe Sɛbɛ 31:4

Yé é lé Jérusalɛm munu lɛ léé, ’wo Balebanzannu valé Lévinu zé nɔ ’wo lɛ, léé, ’wo Gakelebale lé bélidɔwe kɛlɛ tegele.

Ezidras 7:10

Naa, Ezidras Gakelebale lé bélidɔwe draan yé é a ta tawo é bli faa nya, yé é bélidɔwenu valé Bale déretawenu paa Izraɛlnu gi.

Ezidras 7:25

Yé bii, Ezidras, ’i weblezannu valé wewuodɔzannu dɔ, wedɔɔle lé Bale a nɔ i lɛ, a yɛrama, yé munu faa lé wo ke yuu zi, ’wo wolé wenu ble, munu faa lé wo ilé Bale lé bélidɔwenu dɔɔ, wo lé; yé munu lé wo ’ka wo dɔɔa lo, bé paa wo gi.

Wegɔnévɔlenu 5:2

i vole i gi bɔrɔna we gi, é valé wedɔɔle vole i gi we ma.

Bale Lé We Gifezan 5:5

Té bé nyi si léé, i lɔlu é i kɛlɛ wenyanékɛlɛzan nya lo, té bé fe Bale lé nwunvɔzan yuɛ va léé, maa ’ka a kɛlɛ lɛ anbo yuɛ va lo lo. Mɛmalé é a lé Kazambale bli é fli i dérenu ma, yé é i bɛ panyanama sɛrɛɛ?

Ézai 42:19

Dé é ’ka an wuozan nya lo, de ɛ yuɛ ’wii? De ɛ tɔné ’wii bélé mi lé maa a nwunvɔ, azan zoo? Mi kyɛɛn ɛ yuɛ ’wii bélé Kazambale béé zoo? Mi kyɛn ɛ yuɛ ’wii bélé Gakelebale wuozan zoo?

Ézai 44:26

Maa an wuozan dére dɔa plɛplɛ; Tɛlɛ tɛlamawe lé anlé nwunvɔzannu a fé, maa a lɛ sɔɔan; Maa lé Jérusalɛm ma léé, munu é dan nyana lɛ ana, Yé maa lé Juda lé flanu ma léé, wo dan wo pa lɛ ’wo pa gi; Yé wolé flanu lé wo vo ’wo ’bin nya, maa dan wo pa lɛ ’wo pa gi.

Jérémi 15:19

Amalé Gakelebale léma: Dé i bu vɔ an ma é ziin, maa dan a zi pa lɛ, yé i dan dɔ lɛ an ’lɛ; dé i fɛwezannu sié fɛ naanénu va, i dan kɛlɛ lɛ bélé an ’léé zo; é a lé munu é da i va é ziin, é ’ka lé bii é nɔla wo va é ziin lo.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Ézékiɛl 22:26

Alé balebanmunu éé anlé bélidɔwe sɛra, ’té woo anlé fɛna sauunnu sɔnné sɛra. Wo ’ka fɛ ’lɛzan valé fɛ pla dɔɔa lo; wo ’ka fɛ gibɔle valé fɛ tiridɔle dɔɔa lo. Woo ’wo yara sié anlé flinyinu ta, yé woo an yé boazan nya wo méléna.

Ézékiɛl 7:26

Wenaané éé bɔa é ke zuo ke zuo, vun éé wé é ke zuo ke zuo; woo yuɛziwenu ma laan balelayezannu lee; Balebanmunu ’ka bélidɔwe dɔɔa é dɛrɛ lo. Weplale mi lɛ sele ’ka mi segelenu gi é dɛrɛ lo.

Daniɛl 11:33

Yé wo va wedɔɔmunu é dan we paa lɛ mi kiɛre gi. Gwɔun koo, kyɛnɛnɛ koo, kɛlɛle luu nya koo, fɛ sile wo lee gla nya koo, é dan wo va mi kenu dia lɛ bléyi ke nya.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

Lévinu 10:11

yé bélidɔwenu faa lé Gakelebale a pa Moizi ’léé Izraɛl lé nénu zé nya, é a lé ka wo paa wo gi; bɛwemalé wo léé, té ka nwɛ mini lo.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.

Agajé 1:13

Agajé lé Gakelebale a pa zia, é Gakelebale dére fe munu lɛ léma: Gakelebale léma: Maa a ka va.

Zakari 7:3

yé wa laa lai sunyanu lé Gakelebale lé kɔn gi Balebanmunu valé balelayemunu lee léé: É a lé ko wuvɔ moné soruzan nya yé ko lɔrɔ sɔn fɛan zo lé ko kɛlɛ lɛɛ kiɛre nya, a zoo?

Malasi 3:1

Ka ye, maa dan anlé nwunvɔzan pa lɛ zia; é dan zi ma’lɛrɛ lɛ an ’lɛ. Yé Mizan lé ka ke a naginina, é dan bɔra lɛ ka ma fiaa élé kɔn gi; gipawe dɛrɛ gizan lé ka bli bɔ a ma, yee lé é dan bɛoo bɛ; lai sunyanu lé Gakelebale ɛ fe.

Mi Nɔnɔle 27:21

É a lé é go Balebanzan Éléazaa va, yé ’bɛ é dan alé wenu laa lɛ urim lee Gakelebale ’lɛ, yé ’bɛ é dan a ma we fe lɛ, yé Jozué koo, Izraɛl munu faa koo, wo dan go lɛ Éléazaa dére ta, yé wo dan da lɛ a dére ta.

WENÉNÉ LE JAN A GYE (Évangile selon Jean) 13:20

Maa fe ka lɛ kyɔ webozen nya, mi lé maa a pa zia, dé mian é a si, ’té é an si; yé mi lé é an si, mi lé é an pa zia, é ’bɛzan si.

WENÉNÉ LE JAN A GYE (Évangile selon Jean) 20:21

Jézu lé é ziin wo lɛ léé: ’Ka vo drɔɔ ma. Fɛan zo lé an Ti an nwunvɔ, a zo duo lé maa ka nwunvɔa é ziin.

Kelewenu 16:17

É gole sia ko valé Pɔl zuo, ’té éé siaan léé: Munu ’ko a Loruzan Bale wuomunu nya, yé wa misiéwegi zi gɔɔna ka lɛ.

2 Korɛnt Munu 5:20

Bɛwemalé ko a Krist bɛgizannu nya, bélé fɛan zo lé Kazambale éé we plaan mi lɛ ko lɔlu nya, a zo; ’té ko zanté vɔa ka lɛ Krist tɔ gi léé, ’ka nana Kazambale va ma.

Galasi munu 4:14

An kɔlɛ ma gyɛ kɛlɛ ka gidanwe nya, naa, ka ’ka an ye lɛ boami nya lo; ka ’ka serele bo lɛ an ma lo. Ka an bɛn si é zima bélé Kazambale lé lanje do zo; bélé Jézu Krist bozen zo.

Bélidɔwesɛbɛ Fiézan 21:5

’Bɛ zuo, Lévi kulunu, Balebanzannu, wo dan bié lɛ; naa, Gakelebale, kalé Bale wo si a va ’é bɔle valé mi drɔɔ vole Gakelebale tɔ nya we ma, yé wo ɛ zavɔwe faa valé mituowe faa yuɛ gi boo.

Bélidɔwesɛbɛ Fiézan 24:8

’Ka yuɛ pa kabozen va pantɛngyɛ lé we ma; we faa lé Balebanmunu, Lévinu a paa ka gi alé we ma, ’ka a ta tawo; we faa lé maa a fe wolé we ma, ’ka we kɛlɛ a yɛrama é zima.

1 Tɛsalɔnik munu 4:8

Bɛwemalé mian éé sɔn vɔa we plalenu ’ko ma, é ’ka sɔn vɔ lɛ mi ma lo, naa, Kazambale lé é Léli Sauun nɔ ka lɛ, é sɔn vɔ yee ɛ ma.

1 Samuɛl 2:17

Pɛniɛnu ’ko nyé yéli Gakelebale banfɛnu ma, amalé wo we blɛn dɔ wobo nwiin Gakelebale va.