Malasi 2:2 - Kazambale lé Sebe Sauunu 1979

² Dé ka ’ka tɔné dɔ lɛ an lɛ lo, dé ka ’ka a pa lɛ ka bli gi léé, ka an tɔ bɔ lo, maa dan bale pa lɛ ka ma, yé fɛ lé ke ka drɔɔvofɛ nya é kyɛn, maa dan bale pa lɛ ’bɛ ma. Iin, maa dan bale pa lɛ wo ma; ka ’ka an dére pa lɛ ka bli gi lo, azama. A zo lé lai sunyanu lé Gakelebale a fe.

Malasi 2:2 ပူးပေါင်းရင်းမြစ်များ

Lɛrɛvɔ Sɛbɛ 69:22

Woo yuéi nyɛtoro zén‐é anlé fɛblele va Yé woo dɔrɔ tɔndɔle no an lɛ ’yiminilɔrɔ sile an ma we ma.

Wegɔnévɔlenu 3:33

Gakelebale a é pale wenyanékɛlɛzan gɔnɔlamunu ma, naa, éé mi tegele nyanana drɔɔ voo;

Ézai 42:25

Amalé a bli fli Izraɛl ma é baba, Yé é glawe bɔ wo ma yé guli wo gyɛ, Guli wo gyɛ bɛ faa ma, yé wo ’ka a gi ’ma lɛ lo; Guli wo ble yé wo ’ka ’bɛ pa lɛ wo ’wuo gi lo.

Ézai 47:7

Bé fe léé, ’é dan kɛlɛ lɛ yifaama munu nwiin le nya, I ’ka a pa lɛ i bli gi lo Yé é ’ka boenwo dɔ lɛ i gi léé, we ’ko é dan nyaa lɛ, lo.

Ézai 57:11

Ka a kanana de ɛ lee yé ka gɔné bɛ ginian an wuo yé an sele ’ka dɔa ka gi lo, yé ka ’ka ka gi bɔrɔan an ma loo? An tadɔna ka zi ’ka mɔn lɛ loo? Bɛwemalé ka ’ka kanaan an lee lo.

Jérémi 34:17

Amalé Gakelebale léma: Ka ’ka an lɛ dɔ lɛ a ma lo, ka ’ka zi nɔ lɛ ka bwenu valé ka bɔluzannu lɛ léé, wo vo wobo ma lo. Amalé maa dan zi nɔ lɛ gwɔun koo, migyɛgyɛ koo, lɔrɔ koo, wo lɛ yé di é dan kini lɛ tɛrɛ blɛnnu faa gi kalé we ma.

Ézékiɛl 3:7

Naa, Izraɛlnu ’ka a nyi sié léé, wo tɔné dɔ i lɛ lo; wo ’ka a nyi si lɛ léé, wo tɔné dɔ an lɛ lo, azama. Naa, Izraɛlnu faa a yara plɛplɛzannu valé bli plɛplɛzannu nya.

Agajé 1:6

Ka ’sa kiɛre vɔa, ’té ka gya sɛ. Ka fɛ blé, ’té ka ’ka kaan lo. Ka ’yi minian, ’té ’yiminilɔrɔ ’ka sié ka ma lo. Sɔ a ka ta, ’té dunu ’ka sié ka ma lo. Nyanamapazan é ’é ban paan bala fɔnle gi yé é dia.

Agajé 1:9

Ka bli a fɛ kiɛre lɛ, yé ka ye, fɛ sɛné a ka lee; ka da a nya ka va, yé maa fu fɛɛ a ta. Lai sunyanu lé Gakelebale léé: Mɛmaléé? Anlé kɔn sɛrɛ, azama, ’té ka kabo tunuan kabo lé kɔn dɔle we ma.

Malasi 2:1

Sin, ’kaa Balebanzannu, ka lɛ lé maa we ’ko fe.

Malasi 3:9

’Kaa bɛn faa, ka dabli kɛla an lɛ, amalé bale a é pale ka ma.

WENÉNÉ LÉ LUK A GYE (Évangile selon Luc) 17:18

Bɛn mi ’ko, yee do kpen ɛ da Kazambale tɔ bɔ lɛɛ?

Jozué 7:19

Jozué lé Akan lɛ léé: An be, ’i Gakelebale, Izraɛl zé Bale tɔ kɛlɛ blɛn yé bé lɛdɔma. We lé bé kɛlɛ, bé fe an lɛ, té bé yɔɔ an ma lo.

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

Wegɔɔnle 14:7

É lé dére plɛplɛ nya léé: A bléyi bɔ! Kazambale é dan munu lé we ble lɛ, amalé ’ka kana Kazambale lee ma, yé ’ka a tɔ bɔ ma; la koo, tɛrɛ koo, wɛyi koo, ’yibɔnanu koo, ’ka dia ka bli la wo Kɛlɛzan ’lɛ ma.

Wegɔɔnle 16:9

yé munu kyɛ ble kyɛ fulu plɛplɛ nya, yé Kazambale lé, migyɛgyɛ ’konu ke a lee, wa sɔnɔ, yé wo ’ka ’wo bli nɔla lɛ yé wa tɔ bɔ lo.