Malasi 2:14 - Kazambale lé Sebe Sauunu 1979

¹⁴ Yé ka léé: Mɛmaléé? I boronéla le lé bé si, ’té é kɛlɛ i bɔavazan nya bɛ, ’té ka gi pa do a nya bɛ, i yuɛi blan a ma, yé Gakelebale kɛlɛ ka fié lé wenayezan nya, azamalé é kɛlɛ.

Malasi 2:14 ပူးပေါင်းရင်းမြစ်များ

Wepélisiananu 2:18

Bale, Gakelebale léé: Gɔné vole é do ’ka é zima lo; maa dan azozan do kɛlɛ lɛ a bɔavazan nya.

Wepélisiananu 31:50

Dé i an lunu pa é naané, dé i le bɛnu si é ziin i na nya, mi ’ka ana yezan nya lo; ’i yuɛ pa ibo va é zima, Kazambale ɛ ke maa valé bii lé wenayezan nya.

Wegɔnévɔlenu 2:17

’té éé sɔn vɔa é blɛn la bwɛ ma yé a gi éé saan élé Bale lé gipawe ma, wo dan i si lɛ a lee;

Wegɔnévɔlenu 30:20

Gɔné bɛ ginizan lé wekɛlɛbɛ lé ke ’ko: Éé fɛ blé, éé lɛ ma booan, a zuo é léé: Maa ’ka wenaané kɛlɛ lɛ lo.

Wegɔnévɔlenu 5:20

An be, mɛmalé bɛn le i sian anaa? ’té i ’bɛ vɔa le bɛ nyɔnu zii?

Bale Lé We Gifezan 9:9

Lezan lé é sɔ i lɛ, i gi ’é nana a va, ilé tɛrɛlayinu lé woo giéan é kele, ’té Kazambale a nɔ i lɛ bɛ, wo faa gi, ilé boayinu faa gi; naa, ilé nyanama tɔnɔ lé Bale a nɔ i lɛ ilé tɛrɛlabléyi va, yee lé ke bɛ.

Wegɔné Ma Lɛrɛ 1:15

I a é nɔnɔmi, an bwɛ, i a é nɔnɔmi é baba; I yuɛ a bélé plala zo. —

Ézai 54:6

Naa, Gakelebale i laa bélé le lé wa vo, ’té a bli kyɛ dɔ, a zo, Bélé le lé é boronéla bo si, yé a zana sɔn vɔ a ma, a zo. Yee lé ilé Bale a fe.

Ézai 58:3

Dé ko lɔrɔ sɔn yé i ’ka a yé lo, ’bɛ tɔnɔ ɛ ke mɛ nyaa? Dé kobo kɛlɛ kiéné yé i yuɛ sia ko la, ’bɛ tɔnɔ ɛ ke mɛ nyaa? Ka ye, kalé lɔrɔsɔnyi la, ka kabo no kalé bɔn‐in bɔrɔmawenu lɛ, yé ka nyané paan kalé nyanamapazannu ta.

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi 42:5

Yé wo lé Jérémi lɛ léé: We faa lé Gakelebale ilé Bale é dan a fe lɛ i lɛ kolé we nya, dé ko ’ka a faa kɛlɛ lɛ lo, Gakelebale ’é ana ye.

Jérémi 8:12

Gakelebale léé: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo va, yé dé an we lɛdɔ wo gi bléyian va, wo guru é dan zana lɛ a gi.

Jérémi 9:2

Oo, dé é vo léé, kɔn do a an lee bwi gi giézannu nyanana nya, ’Té an sɔn vɔ anlé munu ma yé an si wo ma baa; Naa, wo faa a le bɛ valé gɔné bɛ ginizannu nya; Wa dabli munu nya.

Ézékiɛl 16:8

An gié i punma yé maa i nagini. Yé bé ye, ’té izé bléyi bɔ; izé sɔlɛle bléyi bɔ. Maa anlé varɔ lɔlu zén i ta; an sɔ zén i porole ta. Maa anbo ’nyɔɔn léé, bii do ɛ ke anzé nya, an gi pa do i va yé i kɛlɛ anzé nya. A zo lé Mizan, Gakelebale a fe.

Misé 1:2

’Kaa munu faa, ’ka tɔné dɔ. Tɛrɛ valé é tafɛnu, ’ka we ’ma ma. Mizan Gakelebale ’é kɛlɛ ka ma wefezan nya ma, Mizan lé ke élé fuakɔn ’lɛzan gi, yee lé.

Malasi 2:15

Bale ’ka wo kɛlɛ lɛ mi do nya loo? Mɛmalé é wo kɛlɛ doo? É a a va léé, wo kulu ’é kɛlɛ Bale bɔzannu nya. Amalé ’ka yuɛ pa kaboen va, té ka va mi do kpen yuɛi é blan ’é boronéla le ma lo.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Malasi 3:8

Mi éé dabli kɛla Bale lɛɛ? Naa, ka dabli kɛlɛ an lɛ. Yé ka léé: Ko dabli kɛlɛ i lɛ kaa? Ka dabli kɛlɛ an lɛ kalé fɛvuzan valé blɛfɛ nɔle nya.

Weblezannu 11:10

Galaad mi segelenu lé Jɛfeté lɛ léé: Gakelebale ’é ko dére ’ma ma, yé ’é a we ble ma, ’té dé ko ’ka i dére tawe kɛlɛ lɛ lo.

1 Samuɛl 12:5

É lé wo lɛ é ziin léé: Gakelebale a wenayezan nya yé alé nyɔnɔzénnwiinzan a wenayezan nya kyɔ léé, ka ’ka kalé fɛ ye lɛ an lee lo. Wa zi pa léé: Iin, wana wenayezannu nya.