Malasi 2:12 - Kazambale lé Sebe Sauunu 1979

¹² Mi lé é a kɛlɛ ’bɛ zo, dé é a miomian nya, Gakelebale é dan a kini lɛ Jakɔb lé munu ma. É dan a kini lɛ munu lé woo Gakelebale baan, wo ma.

Malasi 2:12 ပူးပေါင်းရင်းမြစ်များ

Minwiinzannu lé Wezuofe Sɛbɛ 25:8

Dé é a mi boroné nyaoo, dé é a mi segele nyaoo, dé é a milɛzan nyaoo, dé é a mi wuozan nyaoo, wo wolé nyanama nɔ ’munnu zunle nya.

Ézai 61:8

Naa, maa, Gakelebale, we tegele sɔ an lɛ, ’Wiile fɛ ta kyeenwole nya valé weple za a an gi; An yuɛgi ’ka dan blan lɛ wo banwole ma lo. Gipawe lé é ’ka nyaan lo, maa dan a kɛlɛ lɛ wo va.

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Ézékiɛl 14:10

’Bɛ zo lé wo dan wolé weplenu ma kle ble lɛ. Balelayezan lé kleblele é dan kɛlɛ lɛ bélé mi lé é we laa a lee, azé zo,

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

OZÉ (Osée) 9:12

Dé wo ’wolé nénu pa, an dan wo si lɛ wo lee wo tinle ’lɛ; dé an si wo zi, ’té we tɔntɔn kɛlɛ wo lɛ.

Lévinu 18:29

Naa, munu faa lé wo bozowe ’konu va we do kɛlɛ, wo dan wo si lɛ wolé munu va.

Lévinu 20:3

Yé maa, maa dan dɔ lɛ a ma yé maa dan a si lɛ élé munu va, ’élé nénu kɛlɛ Mɔlɔk banfɛ nya, yé é anlé fɛna sauun sɛrɛ yé é an tɔ plɛplɛ kɛlɛ tɔ pla nya, ’bɛzama.

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

Zakari 12:7

Gakelebale é dan Juda munu si lɛ we gi é vinin, léé, David lé munu koo, Jérusalɛm munu koo, té wo tɔbɔle mini Juda munu zé ta lo.

Malasi 1:10

Ka va mi kyɛn ɛ dan anlé kɔn lɛ tan lɛ léé, té ka kyɛ bi an banna ta é pla loo? Lai sunyanu lé Gakelebale léé: Kalé we ’ka an gi do boen nanaan lo; fɛ lé ka an ban a nya, maa ’ka dan an ban‐ɛn ble lɛ lo.

Malasi 1:13

Yé ka léé: Mɛ wɔlɛinyaamawe lé ke bɛɛ? ’Té ka lɔlu kplililii bo a ma. A zo lé lai sunyanu lé Gakelebale a fe. Tunbowi lé ka a kyeenwo, ’té é zanai, yee lé ka dan a nya yé ka a kɛla an banfɛ nya. Maa dan ’bɛ ban‐ɛn ble lɛ kaa? A zo lé Gakelebale a fe.

Malasi 2:10

Ko faa ti ’ka do loo? Bale do kpen‐an ko kɛlɛ loo? Mɛmalé ko yuɛi blan ko ke ma ko tinu lé gipawe sɛrɛle nyaa?

Mi Nɔnɔle 24:5

Jakɔb, ilé sɔkɔnnu a é nɔnɔmi ’lɛ. Izraɛl, i nyananu a é zima.

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

1 Samuɛl 3:14

Bɛwemalé maa bale pa Éli lé kɔn ’léé munu ma, léé, wo ’ka dan Éli lé kɔngimunu lé wenyané fwi lɛ monomono lo, dé saraka bole léé, dé Bale blan léé, wo nya lo.