Malasi 2:10 - Kazambale lé Sebe Sauunu 1979

¹⁰ Ko faa ti ’ka do loo? Bale do kpen‐an ko kɛlɛ loo? Mɛmalé ko yuɛi blan ko ke ma ko tinu lé gipawe sɛrɛle nyaa?

Malasi 2:10 ပူးပေါင်းရင်းမြစ်များ

Néémi 13:29

Oo, anlé Bale, wo sele ’é dɔ i gi, naa, ilé baleban nyanama valé ilé gipawe lé Balebanzannu valé Lévinu a kɛlɛ, wa sɛrɛ.

JOB (Job) 31:15

Mi lé é an kɛlɛ an bu bɔn gi, yeean é wo é kɛlɛ loo? Yee Bale duoan é ko faa kɛlɛ ko bu bɔn gi loo?

Lɛrɛvɔ Sɛbɛ 100:3

Gakelebale ɛ ke Bale nya, ’ka we ’ko dɔɔ ma. Yee ɛ ko kɛlɛ, yé ko a azé nya; Ko a alé munu valé alé trubɛnu nya; éé ko tabin‐é.

Fwile 19:4

We lé maa kɛlɛ Éjipiti munu lɛ, yé maa ka si gola bɛanu la yé maa da ka nya an va fɛan zo ’ko, ka a ye.

Fwile 19:5

Tɛrɛ faa a anzé nya, amalé sin, dé ka tɔné dɔ an dére lɛ, dé ka anlé gipawe tawe kɛlɛ, ka dan kɛlɛ lɛ anzé nya bɛnnu faa méléna;

Fwile 24:3

Moizi da Gakelebale dére faa valé bélidɔwenu faa zuo fe lɛ munu lɛ. Munu faa a zi pa dére do nya léé: We faa lé Gakelebale a fe, ko dan a kɛlɛ lɛ.

Fwile 24:7

É gipawe sɛbɛ si yé é a ta fe munu faa tɔné gi. Munu léé: We faa lé Gakelebale a fe, ko dan a kɛlɛ lɛ, yé ko dan a lɛdɔ lɛ a ma.

Ézai 43:1

Jakɔb‐oo Jakɔb, Gakelebale lé é i kɛlɛ, é a wefena sin; Izraɛloo Izraɛl, mi lé é i bɔra, é léma: Maa i tabo, amalé té i kana we do kpen lee lo, Maa i laa i tɔ nya; bii a anzé nya.

Ézai 43:15

Maa a Gakelebale, kalé Mi Sauun nya, Izraɛl kɛlɛzan, ka nwiinzan blɛn lé maa nya.

Ézai 43:7

Munu faa lé woo wo laan an tɔ nya, ’wo da, Maa wo bɔra an tɔbɔle we gi, Maa ɛ wo kɛlɛ, maa ɛ wo tin.

Ézai 44:2

Gakelebale lé é i kɛlɛ, É sia i yaabléyi va, mi lé é i tin, Mi lé i tɛn a ma, é léma: An wuozan Jakɔb, té i kana lo, Anlé Izraɛl lé maa a si a va, té i kana lo.

Ézai 51:2

Ka yuɛ ’é vo ka tra Abraam lɛ, Sara lé é ka yaa, ka yuɛ ’é vo ’bɛ lɛ; Naa, yee do kpen lé maa a laa, Maa a drɔɔ vo yé maa a fan.

Ézai 63:16

Duowo, bii ɛ ke ko ti nya. Naa, Abraam ’ka ko dɔɔa lo, yé Izraɛl ’ka a gi dɔɔa léé, ko ana lo; bii Gakelebale ɛ ke ko ti nya; a péli sia bléyi va ibo laan ko siéwegizan.

Ézai 64:7

Duowo, Gakelebale, bii a ko ti nya. Ko a bélé bɔtɛrɛ zo, bii ɛ ko kɛlɛ; ko faa a i bɛ panyanama nya.

Ézai 64:8

Oo Gakelebale, té i bli fli yé é gié é glɛ la lo. Té kolé wenyané blɛn sele é dɔ i gi yifaama lo; bé gini do, ko faa a ilé munu nya.

Jérémi 31:9

Woo dan wuvɔle nya, naa, woo bazoroan bléyian va, ’té an goo wo nya; Maa goo wo nya ’yi yoronmu vazia, Zi do lé mi ’ka vɔa a ’léé danké danké lo, ana. Naa, maa a Izraɛl munu ti nya, Yé Éfraim a anlé né vininzan nya.

Ézékiɛl 33:24

Blami be, Izraɛl munu éé nyanaan Izraɛl tɛrɛ la fla ’wiilenu ta, ’té wa fé léé, Abraam a yi la é do, yé é tɛrɛ ’ko yi tɔnɔfɛ nya; kaa lé kaa ke kiɛre, wo tɛrɛ ’ko nɔ kaazé nya.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Malasi 2:11

Juda ébo gɔɔn yuɛiblanzan nya; wo bozowe kɛlɛ Jérusalɛm Izraɛl bɛn gi. Fɛ lé wa pa é yɛrama Gakelebale zé nya, ’té é sɔ Gakelebale lɛ bɛ, Juda a sɔnné sɛrɛ yé é yo lé lomu si.

Malasi 2:8

Naa, ’kaa, kabozen zi saan; ka bélidɔwe kɛlɛ mi kiɛre saanfɛ nya, yé gipawe lé maa kɛlɛ Lévi va, yé ka sɛrɛ. A zo lé lai sunyanu lé Gakelebale a fe.

Matio 10:21

Mi é dan é zuané bɔra lɛ ga lɛ, yé mi é dan élé né bɔra lɛ ga lɛ; nénu é dan nwa lɛ ’wo yaamunu ma yé wo dan ’wo yaamunu gyɛ lɛ.

Matio 22:16

Farizimunu ’wozé munu valé Érɔd zuo munu nwunvɔ a va yé ’bɛnu lé a lɛ léé: Kozan, ko a gi dɔɔ léé, i wezen fé yé i Kazambale lé zi ta tawole paan munu gi webozen yɛrama; mi bɛnu lé we ’ka i yuɛ gi bɔa lo, yé i ’ka mi naginian é kɔlɛ ma lo.

Matio 3:9

yé té ka fe ka bli gi léé, Abraam a ’wo tra nya, lo. Naa, maa lé ka lɛ léé, Kazambale é bɔalɛ léé, é gɔlɛ ’konu kinin Abraam gɔnɔlazannu nya.

WENÉNÉ LÉ LUK A GYE (Évangile selon Luc) 1:73

Naa, Bale ébo ’nyɔɔn ko tra Abraam lɛ léé,

WENÉNÉ LÉ LUK A GYE (Évangile selon Luc) 3:8

We lé ka kɛla yé ’bɛ a gɔɔn léé, ka bli nɔla, ’ka ’bɛ kɛlɛ, yé té ka kun a fele ma ka bli gi léé, Abraam a ’wo tra nya, lo. Naa, maa lé ka lɛ léé, Kazambale é bɔalɛ léé, é gɔlɛ ’konu kinin Abraam gɔnɔlazannu nya.

WENÉNÉ LE JAN A GYE (Évangile selon Jean) 8:39

Wa zi pa a lɛ léé: Ko ti lé ke Abraam nya. Jézu lé wo lɛ léé: Dé é vo léé, ka a Abraam lé nénu nya, ’té Abraam kɛlɛwenu lé ka kɛla.

WENÉNÉ LE JAN A GYE (Évangile selon Jean) 8:41

Ka a ka ti kɛlɛwenu kɛlɛna. Wo lé a lɛ léé: Ko ’ka bwɛlanénu nya lo. Ko ti a do kpen, Kazambale nya.

WENÉNÉ LE JAN A GYE (Évangile selon Jean) 8:53

Ko tra Abraam lé ’bɛ ga, i blɛn mini ’bɛ taa? Yé balelayemunu é ziin, wo ga. Bii a ibo kɛlɛna de ɛ nyaa?

WENÉNÉ LE JAN A GYE (Évangile selon Jean) 8:56

Ka tra Abraam gi nana léé, é dan an dayi na ye lɛ, yé é a ye, yé a gi nana.

Kelewenu 17:24

Bale lé é tɛrɛ valé é tafɛnu faa kɛlɛ, é a Lazan valé Tɛrɛzan nya. É ’ka nyanaan kɔnnu lé mi a dɔa, wo gi lo.

Kelewenu 17:25

Yee Bale ’ko mawe ’ka fɛ do kpen gi yé munu a kɛlɛ a lɛ wo bɛ nya lo. Vole é yuɛma koo, flinle koo, fɛ faa koo, yee ɛ wo no fɛ faa lɛ.

Kelewenu 17:26

Bale a kɛlɛ léé, munu faa pun sina ’é kɛlɛ do, yé ’wo nyana tɛrɛ la fɛfaana. Yé é wo lɛɛnu glɛ dɔ, yé é munu nyanana glɛnu dɔ.

Kelewenu 7:2

Étiɛne léma: An bwenu valé an tinu, ’ka tɔné dɔ an lɛ ma. Fuabale bɔra kaa tra Abraam va, ’té é a é nyanale Mézopotami tɛrɛ la, ’té é ’ka tan nyana lɛ Karan lo,

Kelewenu 7:26

Dé ’bɛ é tu kini é bɔ Izraɛl mi kenu ma, ’té wo saa éé guli daan, yé é a a va léé, ’é wo kuun yé é wo pa ékema yé é léé: ’Kaa munu, ka saa lé. Mɛwemalé ka a nyané pana ka ke taa? Ka a bwe valé bwe nya.

Rom munu 4:1

Amalé mɛ we lé ko dan a fe lɛ ko tra Abraam lé we maa?

Rom munu 9:10

Yé ’bɛ saa kaan lo. Rébéka be fiénu ti a do. Yee lé ke ko tra Izak nya.

1 Korent munu 8:6

Naa, duowo, dé é a kozé nya, Bale a do kpen, yee lé ke Tibale nya. A va lé fɛnu faa éé sié; yé kaa a azé nya. Mizan a do kpen, Jézu Krist lé. Alé we ma lé fɛnu faa ke; alé we ma lé kaa ke.

Éfez munu 4:25

Bɛwemalé, ’ka sɔn vɔ viéwole ma, yé ka va mi do do faa ’é weboen fe é bɔluzan lɛ, naa, kaa faa a kɔlɛ do vafɛnu nya.

Éfez munu 4:6

Kazambale a do kpen, é a mi faa Ti nya; é a wo faa nwiin, é a wo faa worona, yé é a wo faa gi.

1 Tɛsalɔnik munu 4:6

Té mi do é wenyané ’ko zo kɛlɛ é bwe lɛ lo. Mizan ɛ ’bɛ zoɛ wenu lɛgi paan; yee lé ko a fe ka lɛ é kyɛn, yé ko a gɔɔn ka lɛ wéiin.

Ébrunu 12:9

É ziin, kaa tinu éé we lɛdɔa kaa gi tɛrɛ la ’ko, ’té kaa wo lɛdɔama, naa, é ’ka lé kaa pla é ziin kaa lagi Ti wuo, vole é yuɛma we gi loo?

Jozué 24:3

Maa ka tra Abraam si yuu zi, yé maa a kɛlɛ giézan nya Kanaan tɛrɛ faa la; maa a kulu gi gyɛ yé maa Izak nɔ a lɛ.