Malasi 1:9 - Kazambale lé Sebe Sauunu 1979

⁹ Sin, ’ka bazoro Gakelebale lɛ léé, a nyanai ’é zén ko ta. É dan ka si lɛ é zimaa? É si ka ɛ va. A zo lé lai sunyanu lé Gakelebale a fe.

Malasi 1:9 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 30:27

Balebanzannu valé Lévinu nwa yé wo munu drɔɔ vo; wo wo dére ’ma, yé wolé bazoro dére bɔ fɔɔ la gi Gakelebale nyanana sauunna.

Fwile 32:11

Moizi we fe Gakelebale, élé Bale lɛ dunuvɔma dére nya léé: Oo, Gakelebale, ilé munu lé i wo fwi Éjipiti tɛrɛ la i bɛ plɛplɛ valé ilé plɛplɛ blɛn nya, mɛmalé i bli éé flian wo maa?

Jérémi 26:19

Juda munu nwiinzan blɛn Ézékia valé Juda munu faa, wo Misé gyɛɛ? Ézékia ’ka kana lɛ Gakelebale lee loo? É ’ka zanté vɔ lɛ Gakelebale lɛ loo? Yé wenaané lé Gakelebale a fe léé, é dan bɔ lɛ wo ma, é bli si a kɛlɛle lɛ. Yé kaa, kaa a a va léé, kaa ’bɛ zoɛ weple blɛn dɔ kaa nwiin?

Jérémi 27:18

Dé wa balelayezannu nya webozen nya, yé dé Gakelebale dére a wo ’léé webozen nya, ’wo muun pa lai sunyanu lé Gakelebale la léé, nyanamapafɛnu lé woo voo Gakelebale lé kɔn valé Juda nwiinzan blɛn lé kɔn gi valé Jérusalɛm, té ’wo go wo nya Babilɔn lo.

Jérémi Lé Wuvɔ Sɛbɛ 2:19

’Ka nwa, ’ka ma dunnu wo a lɛ é béli, ’Ka bligiwenu faa bɔra yé ’ka zana Mizan lɛ; ’Ka bɛ nwa a vazia, kalé nénu lé ke gana Lɔrɔ nya zi blannu faa ta, wo vole é yuɛma we ma.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Joɛl 2:17

Balebanmunu lé Wo ke Gakelebale wuozannu nya, ’Wo wuvɔ ’kɔn lɛɛ valé balebanna worona, Yé ’wa fe léé: Gakelebale, ’i nyanai zén ilé munu ta. Té i yaragyɛwe bɔ ilé munu ma lo, Té bɛnnu é we nana wo ma lo. Mɛmalé wa fé bɛngɔnɔnu méléna léé: Wolé Bale a kyɛɛn?

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

WENÉNÉ LE JAN A GYE (Évangile selon Jean) 9:31

Ko a gi dɔɔ léé, Kazambale ’ka wenyanékɛlɛzannu dére maan lo. Naa, dé mi a bɔa, ’té éé alé blibɔmawe kɛla, ’bɛzan dére lé éé a maan.

Rom munu 2:11

Naa, Kazambale ’ka mi naginian é kɔlɛ ma lo.

1 Piɛri 1:17

Mi lé éé munu faa lé we blé wo kɛlɛwe yɛrama, ’té é ’ka glɛ dɔa mi gi bɛ lo, dé ka a laan ka Ti, ’ka tawo kanale nya a lee, kalé dɔwola tɛrɛ la.