Malasi 1:6 - Kazambale lé Sebe Sauunu 1979

⁶ Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Malasi 1:6 ပူးပေါင်းရင်းမြစ်များ

Lɛrɛvɔ Sɛbɛ 123:2

Bé ye, fɛan zo lé wuomunu yuɛ a ’wozannu lɛ, Yé fɛan zo lé wuo le yuɛ a ’é nwiin le lɛ, A zo duo lé ko yuɛ ke Gakelebale kozé Bale lɛ, Fɔɔ yé é nyanai zén ko ta.

Fwile 20:12

I ti valé i bu lɛdɔma, ilé yinu kɛlɛle kiɛre we gi, tɛrɛ lé Gakelebale, ilé Bale a nɔ i lɛ, a ta.

Wegɔnévɔlenu 17:6

Mi segelenu nénézinéné a ’wolé tɔkoro nya, yé né tinu a ’wolé nénu tɔbɔwe nya.

Wegɔnévɔlenu 30:11

Migɔnɔ do ana yé woo bale paan ’wo ti ma, yé wo ’ka ’wo bu drɔɔ voo lo.

Wegɔnévɔlenu 30:17

Mi lé éé we nanaan é ti ma yé éé sɔn vɔa é bu lɛdɔle ma a ma, kanwéi é dan a yuɛ so lɛ a gi, yé gola lé nénu é dan a ble lɛ.

Ézai 1:2

Lanu, ’ka tɔné dɔ; tɛrɛ, ’i an ban i tɔné nya, naa, Gakelebale a wefena. É léma: Maa nénu pa yé wo tin an yuɛ va, naa, wo nwa an ma.

Ézai 43:23

I ’ka ilé ’blanu kyɛ ble lɛ an lɛ lo, I ’ka an tɔ bɔ lɛ saraka bole nya lo; Maa ’ka i ma kyɛ dɔ lɛ léé, ’i blɛ kɛlɛ an lɛ lo, Yé maa ’ka i wɔlɛi nyaa lɛ i ma léé, ’i lasikɔrɔ kyɛ ble an lɛ lo.

Ézai 45:10

Mi lé é a fé é ti lɛ léé: Mɛmalé i an yaa? we tɔntɔn ’é kɛlɛ ’bɛzan lɛ ma. Mi lé é a fé é bu lɛ léé, mɛmalé i an yaa? we tɔntɔn ’é kɛlɛ ’bɛzan lɛ ma.

Ézai 64:7

Duowo, Gakelebale, bii a ko ti nya. Ko a bélé bɔtɛrɛ zo, bii ɛ ko kɛlɛ; ko faa a i bɛ panyanama nya.

Ézai 64:8

Oo Gakelebale, té i bli fli yé é gié é glɛ la lo. Té kolé wenyané blɛn sele é dɔ i gi yifaama lo; bé gini do, ko faa a ilé munu nya.

Jérémi 23:11

Gakelebale léma: Balelayezannu valé Balebanzannu kɛlɛwe a é vɔnle; Anbozen lé kɔn gi, an bɔ wolé we lɛrɛlɛrɛnu ma.

Jérémi 3:4

Yé sin, ka a siaana léé: Ko ti, i kɛlɛ kolé pɛniɛla béé nya. A zoan ka ke a fena loo?

Jérémi 31:9

Woo dan wuvɔle nya, naa, woo bazoroan bléyian va, ’té an goo wo nya; Maa goo wo nya ’yi yoronmu vazia, Zi do lé mi ’ka vɔa a ’léé danké danké lo, ana. Naa, maa a Izraɛl munu ti nya, Yé Éfraim a anlé né vininzan nya.

Jérémi 35:16

Weboen lé, Rékab be Jonadab we fe é benu lɛ yé wa tawe kɛlɛ, naa, munu ’ko ’ka wo tɔné dɔa an lɛ lo.

Ézékiɛl 22:26

Alé balebanmunu éé anlé bélidɔwe sɛra, ’té woo anlé fɛna sauunnu sɔnné sɛra. Wo ’ka fɛ ’lɛzan valé fɛ pla dɔɔa lo; wo ’ka fɛ gibɔle valé fɛ tiridɔle dɔɔa lo. Woo ’wo yara sié anlé flinyinu ta, yé woo an yé boazan nya wo méléna.

OZÉ (Osée) 12:8

Éfraim a yaawozan nya, alé viékilo a a lee; dabli kɛlɛle sɔ a lɛ.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

OZÉ (Osée) 5:1

Balebanzannu, ’ka tɔné dɔ we ’ko lɛ. Izraɛl munu, ’ka tɔné dɔ flee. Minwiinzan blɛn ma munu, ’ka an ban ka tɔné nya. Ka ma lé weblele bɔ, ka kɛlɛ mikunsan nya Misipa, ka kɛlɛ mikunséli nya Tabɔɔ gɔ ta, ’bɛzama.

Lévinu 19:3

Ka faa do do, ’ka ti valé ka bu lɛdɔma yé ’ka anlé flinyi lé we kɛlɛ. Maa a Gakelebale, kalé Bale nya.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.

Malasi 2:1

Sin, ’kaa Balebanzannu, ka lɛ lé maa we ’ko fe.

Malasi 2:10

Ko faa ti ’ka do loo? Bale do kpen‐an ko kɛlɛ loo? Mɛmalé ko yuɛi blan ko ke ma ko tinu lé gipawe sɛrɛle nyaa?

Malasi 2:8

Naa, ’kaa, kabozen zi saan; ka bélidɔwe kɛlɛ mi kiɛre saanfɛ nya, yé gipawe lé maa kɛlɛ Lévi va, yé ka sɛrɛ. A zo lé lai sunyanu lé Gakelebale a fe.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Matio 15:4

Naa, Kazambale léé: ’I ti valé i bu lɛdɔma, yé dé mian é bale pa é ti valé é bu ma, ’wo ga dɔ a nwiin.

Matio 15:6

Amalé ka Kazambale dére kɛlɛ we pla nya gɔnɔlawe lé ka dɔ bɛ, alé we ma.

Matio 19:19

’i ti valé i bu lɛdɔma, ’i bɔluzan lɔrɔ pa bélé biibozen zo, woo lé.

Matio 6:9

’Ka bazoro ’ko zo: Ko Ti lé é ke la gi, munu ’é kana i tɔ ma ma;

Matio 7:21

Munu lé wa fé an lɛ léé: Anzan, anzan, Kazambale ’ka dan pla lɛ wo faa nwiin lo, naa, an Ti lé é ke la gi, mi lé éé alé blibɔmawe kɛla, Kazambale a é plale ’bɛzan do kpen ɛ nwiin.

Maak 10:19

I bélidɔwenu dɔɔ: té i le bɛ gini lo, té i mi gyɛ lo, té i kyeenwo lo, té i viéwo mi ma lo, té i mi ta ble lo, i ti valé i bu lɛdɔma, woo lé.

Maak 7:10

Naa, Moizi a fe léé: ’I ti valé i bu lɛdɔma yé dé mian é bale pa é ti valé é bu ma, ’wo we lɛdɔ ’bɛzan gi a gyɛle nya ma.

WENÉNÉ LÉ LUK A GYE (Évangile selon Luc) 10:29

Naa, é sɔ gɔnézan lɛ léé, élé we ’é kɛlɛ néné Jézu yuɛ gi yé é léé: De ɛ ke an bɔluzan nyaa?

WENÉNÉ LÉ LUK A GYE (Évangile selon Luc) 18:20

I bélidɔwenu dɔɔ: Té i le bɛ gini lo, té i mi gyɛ lo, té i kyeenwo lo, té i viéwo mi ma lo, i ti valé i bu lɛdɔma, woo lé.

WENÉNÉ LÉ LUK A GYE (Évangile selon Luc) 6:36

Amalé ’ka kɛlɛ nyanaizénzannu nya, fɛan zo lé ka Ti ke nyanaizénzan nya, a zo.

WENÉNÉ LÉ LUK A GYE (Évangile selon Luc) 6:46

Mɛmalé ka an laan Mizan, Mizan, yé ka ’ka tawoo an dére ta loo?

Éfez munu 6:2

’I ti valé ’i bu lɛdɔma, ’bɛ a bélidɔwe vininzan lé Bale a ma blikɛlɛlɛdére fe, a nya,

Bélidɔwesɛbɛ Fiézan 1:31

yé bwi gi é ziin, ka a ye léé, Gakelebale kalé Bale ka si bélé mi é élé né sié fɛan zo, a zo, ta faa lé ka wo, a gi fɔɔ yé ka bɔ fɛkona ’ko.

Bélidɔwesɛbɛ Fiézan 32:6

’Tugyɛzannu lé ka ’ka we dɔɔa lo, ’Bɛ zo lé ka we lɛgi paan Gakelebale maa? Ka ti kaan loo? Ka Kɛlɛzan kaan loo? Yeean é ka ’lɛrɛ loo? Yeean é ka dɔ plɛplɛ loo?

Bélidɔwesɛbɛ Fiézan 5:16

I ti valé i bu lɛdɔma, Gakelebale, kalé Bale a fe ka lɛ fɛan zo, a zo, yé ka dan mɔn lɛ tɛrɛ la, yé ka gi é dan nana lɛ tɛrɛ lé Gakelebale, kalé Bale, a nɔ ka lɛ, a ta.

1 Piɛri 1:17

Mi lé éé munu faa lé we blé wo kɛlɛwe yɛrama, ’té é ’ka glɛ dɔa mi gi bɛ lo, dé ka a laan ka Ti, ’ka tawo kanale nya a lee, kalé dɔwola tɛrɛ la.