Malasi 1:5 - Kazambale lé Sebe Sauunu 1979

⁵ Ka dan a ye lɛ ka yuɛ nya, yé ka dan a fe lɛ léé: Gakelebale a blɛn Izraɛl lé tɛrɛ glɛ faa la.

Malasi 1:5 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 29:8

Amalé Gakelebale bli fli Judanu valé Jérusalɛm munu ma, yé we bilibilinu koo, we tɔntɔnnu koo, mi ma we nanalenu koo, Bale a bɔ wo ma, ka a yé fɛan zo, a zo.

Ézékiɛl 38:16

Gɔg‐oo, Gɔg, i dan go lɛ i ’lɛzia anlé munu ma, bélé lati lé é tua tɛrɛ sɔnɔ, a zo. Yi voélanu gi, maa dan ka nwa lɛ anlé tɛrɛ ma, léé, bɛnnu an dɔɔ. Bii ɛ nya lé wo dan a gi dɔɔ lɛ léé, maa a blɛn.

Ézékiɛl 38:23

A zo lé maa dan an blɛn valé kɛlɛle sauun nagɔɔn lɛ wo lɛ, yé wo dan a gi dɔɔ lɛ léé, maa lé ke Gakelebale nya.

Ézékiɛl 39:9

Yé Izraɛl flanu ta munu é dan bɔra lɛ, wo dan gulidanfɛnu kyɛ ble lɛ, botakuunfɛ kiénénu valé a blɛnnu koo, sayili valé sawɔlɛnu koo, toané din valé dinblanzan koo, woo lé. Wo dan kyɛ sɔn lɛ wo nya fɔɔ lɛɛ sɔrafié.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Bélidɔwesɛbɛ Fiézan 11:7

naa, we blɛnblɛnnu faa lé Gakelebale a kɛlɛ, ’ka ana ye.

Bélidɔwesɛbɛ Fiézan 4:3

We lé Gakelebale a kɛlɛ ka lɛ Baal‐Péɔɔ lé we ma, ka ana ye. Ka va munu faa lé wo go Baal‐Péɔɔ zuo, Gakelebale, kalé Bale wo gyɛ.

Jozué 24:7

Ka tinu siaa Gakelebale lɛ yé Gakelebale gunu dɔra wo valé Éjipitinu méléna, é wɛyi zén wo ta yé é wo mini. We lé maa a kɛlɛ Éjipiti munu lɛ, ka ana ye. Yé ka mɔn bwi la.

1 Samuɛl 12:16

’Ka lɛbɛn é ziin ’ko, yé we blɛnblɛn lé Gakelebale é dan kɛlɛ lɛ ka yuɛ va yé ka a ye.