Malasi 1:14 - Kazambale lé Sebe Sauunu 1979

¹⁴ Dablikɛlɛzan lé alé trubɛ gɔné a, yé é bale kun yé é Mizan ban wi kwééle nya, ’wo bale pa ’bɛzan ma ma. Lai sunyanu lé Gakelebale léma: Naa, maa a minwiinzan blɛn nya, yé an tɔ a kanamafɛ nya bɛnnu faa va.

Malasi 1:14 ပူးပေါင်းရင်းမြစ်များ

Wepélisiananu 27:12

Dé an ti é bɛ mane an ma nii? ’Té maa kɛla viézan nya a yuɛ gi yé é dan bale pa lɛ an ma; é ’ka dan an drɔɔ vo lɛ lo.

2 Samuɛl 24:24

Naa, minwiinzan lé Aravana lɛ léé: Gba, é sɔ an lɛ léé, maa a lɔ i lee gɔɔlifu nya; fɛ lé maa a ye é pla, maa ’ka Gakelebale anlé Bale ban ’bɛ nya lo. Yé David ’sa sunwona valé dirigɔnénu lɔ gɔɔlifu sikla yɔ fié wɔlɛ vu nya.

Lɛrɛvɔ Sɛbɛ 102:16

Yé bɛnnu é dan kana lɛ Gakelebale tɔ ma, Yé tɛrɛ la minwiinzannu faa é dan kana lɛ alé fuasan lee.

Lɛrɛvɔ Sɛbɛ 47:2

’Kaa migɔnɔnu, ’ka faa é bɛ gyɛ. ’Ka siaa Kazambale lɛ ginanale nya.

Lɛrɛvɔ Sɛbɛ 47:3

Naa, Gakelebale, Loruzan, éé kana zén‐é mi gi, É a minwiinzan blɛn nya tɛrɛ faa la.

Lɛrɛvɔ Sɛbɛ 47:8

Naa, Bale a tɛrɛ faa nwiinzan blɛn nya, ’Ka lɛrɛ gɔ do vɔ.

Lɛrɛvɔ Sɛbɛ 48:2

Gakelebale a blɛn, yee lé wa tɔ zin fé yifaama, Kolé Bale lé fla, ’té é ke gɔblɛn sauun nwiin bɛ, ana.

Lɛrɛvɔ Sɛbɛ 68:35

’Ka Bale kɛlɛ blɛn. Alé fuasan a Izraɛl ta, yé alé plɛplɛ a la gi.

Lɛrɛvɔ Sɛbɛ 76:12

Ka Gakelebale, kalé Bale kun dérean nya, ’ka a lɛ sɔɔ. Munu faa lé wo ke a zi, ’wo da blɛ nya Bale lé, éé di kinié mi gi, a lɛ ma.

Lɛrɛvɔ Sɛbɛ 95:3

Naa, Gakelebale a Bale blɛn nya, É a minwiinzan blɛn nya é mini balenu faa ta.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Jérémi 46:18

Minwiinzan blɛn lé a tɔ ke lai sunyanu lé Gakelebale, é léma: Maa a é yuɛma! É dan da lɛ bélé Tabɔɔ gɔ lé ke gɔnu méléna, a zo, Bélé Kaamɛl gɔ lé é ke wɛyi sɔnɔ, a zo.

Jérémi 48:10

Mian éé Gakelebale lé nyanama paan yuɛgi blan nya, ’wo bale pa a ma ma; Mian é léé, té élé gwɔun é mi gyɛ lo, ’wo bale pa ’bɛzan ma ma.

Jérémi 48:15

Minwiinzan blɛn lé wa tɔ laama lagi sunyanu lé Gakelebale, é léma: Wo ’wii Moab ta, alé flanu kyɛ a blena; a goi a nwana, Wo alé pɛniɛ zimanu bɔrɔ bo,

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Daniɛl 9:4

An bazoro Gakelebale anlé Bale lɛ, yé an wenyané ’ko fe a lɛ léé: Mizan, Bale blɛn lé éé kana zén‐é mi gi, biian i dɔa ilé gipawe ta, yé munu lé i sɔ wo lɛ yé woo ilé bélidɔwe sɔnnénu paan, i nyanai ’é zén ko ta.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Malasi 1:8

Dé ka an ban trubɛ yuɛ ’wiile nya, ’bɛ ’ka é naané loo? Dé ka an ban tunbowi valé wi lé é zanai, a nya, ’bɛ ’ka é naané loo? ’Ka nɔ ka nwiinzan lɛ do, é dan we lɛ a maa? É dan a nyi si lɛɛ? A zo lé lai sunyanu lé Gakelebale a fe.

Malasi 2:1

Sin, ’kaa Balebanzannu, ka lɛ lé maa we ’ko fe.

Malasi 3:9

’Kaa bɛn faa, ka dabli kɛla an lɛ, amalé bale a é pale ka ma.

Matio 24:51

yé é dan a wi kini lɛ ékema yé é dan azé fɛ nɔ lɛ a lɛ bodrɔzannu va; ’bɛna lé wo dan wuvɔ lɛ yé wo dan ’wo suiɛ la ble lɛ.

Matio 5:35

tɛrɛ a a ganewuofɛ nya, amalé té ka tɛrɛ ’nyɔɔn lo; Jérusalɛm a minwiinzan blɛn lé fla nya, amalé té ka Jérusalɛm ’nyɔɔn lo.

Maak 14:8

We lé é bɔa a kɛlɛle lɛ, yee lé é a kɛlɛ. An gale plaale we ma lé é a zén an ta bɛ. É a kɛlɛ an pale we ma a bléyi ’lɛ.

WENÉNÉ LÉ LUK A GYE (Évangile selon Luc) 12:46

yian nya lé é ’ka ézan lɛbɛnna lo, yé bléyian va lé é ’ka a gi dɔɔa léé, ézan é dan lo, mi leezan ’ko, azan é dan da lɛ a bléyi nya, yé ’bɛ é dan a wi kini lɛ ékema, yé ’bɛ é dan azé kɛlɛ lɛ bélé tɔnégiplɛplɛzannu zé zo.

2 Korɛnt Munu 8:12

Dé bli zin a mi gi Bale alé blɛ sié a leefɛ yɛrama. Dé fɛ ’ka mian lee lo, Bale ’ka a fe lɛ léé, ’bɛzan ’é fɛ nɔ lo.

Bélidɔwesɛbɛ Fiézan 28:58

Bélidɔwe ’konu faa lé maa wo gyɛ sɛbɛ ’ko gi, dé ka ’ka wo lɛdɔama yé ka wo ta tawo lo, dé ka ’ka kanaan Gakelebale, kalé Bale tɔ blɛn lé é ke kanamatɔ nya, a lee lo,

1 Timoté 6:15

Dé a bléyi bɔ, Kazambale é dan Jézu gɔɔn lɛ munu yuɛ va. Kazambale lé é ke minwiinzan blɛn do kpen nya, ’té a gi éé nanaan, ’té é ke minwiinzannu é nwiinzan nya, mizannu ézan nya,

Ébrunu 12:29

Naa, kaalé Bale a é ziin kyɛ lé éé fɛ faa blé, a nya.

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.