Malasi 1:11 - Kazambale lé Sebe Sauunu 1979

¹¹ É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Malasi 1:11 ပူးပေါင်းရင်းမြစ်များ

Minwiinzannu lé Wezuofe Sɛbɛ 16:25

Naa, Gakelebale a blɛn, a tɔ zi fe yara lé é baba, É a kanamazan nya é mini balenu faa ta;

Lɛrɛvɔ Sɛbɛ 111:9

É ’élé munu tabo, Alé gipawe a é dɔle é dɔbɛ gi lɛɛfaama; A tɔ ’lɛ a; éé kana zén‐é munu gi.

Lɛrɛvɔ Sɛbɛ 113:3

É sia yiri bɔrale ma fɔɔ yiri vɔle ma, ’Wo Gakelebale tɔ ma gyɛ ma.

Lɛrɛvɔ Sɛbɛ 138:5

Wo dan Gakelebale tɔ bɔ lɛ a kɛlɛwenu ma, Naa, Gakelebale lé fuasan a blɛn.

Lɛrɛvɔ Sɛbɛ 141:2

Anlé bazorodére ’é kɛlɛ i yuɛ gi bélé lasikɔrɔ lé wa kyɛ blé, a zo ma, Yé ’i an bɛ nwale ye bélé nyanadi balebanle zo ma.

Lɛrɛvɔ Sɛbɛ 45:17

Ilé nénu é dan wo tranu pagi si lɛ; I dan wo dɔ lɛ minwiinzannu nya tɛrɛ faa la.

Lɛrɛvɔ Sɛbɛ 48:10

Oo Bale, ko bɔn‐in bɔrɔan ilé zin ma Ilé kɔn sauun gi.

Lɛrɛvɔ Sɛbɛ 48:11

Oo Bale, fɛan zo lé i tɔ éé goo baa, A zo duo lé i tɔ zin fele zuogi éé goo fɔɔ tɛrɛ glɛ sina; I bɛyi a we tegele saa kɛlɛbɛ nya.

Lɛrɛvɔ Sɛbɛ 50:1

Lɛrɛ lé Azafa a vɔ. Bale, Bale, Gakelebale, i we fe yé i tɛrɛlamunu laa, Bé pélisia yirinwanazia fɔɔ yé é bɔ yirivɔna.

Lɛrɛvɔ Sɛbɛ 65:9

Munu lé wo ke é nyanale tɛrɛ glɛ sina, ilé we blɛnnu kɛlɛle éé kana zén‐é wo gi; Yé yirinwanazia munu valé yirivɔnazia munu, i wo faan ginanale blɛn nya.

Lɛrɛvɔ Sɛbɛ 67:2

Bale nyanai ’é zén ko ta yé ’é ko drɔɔ vo ma, A yara ’é bi ko ta ma. Ka ye do.

Lɛrɛvɔ Sɛbɛ 86:9

Mizan, bɛnnu faa lé bé kɛlɛ, wo dan da lɛ Dia lɛ ’wo bli la i ’lɛ, Yé wo dan i tɔ bɔ lɛ.

Lɛrɛvɔ Sɛbɛ 96:8

’Ka Gakelebale tɔ bɔ, a tɔ lé we ma, ’Ka da blɛnu nya, yé ’ka wɔra alé gɔrɔnu gi.

Ézai 12:4

Yé ka dan a fe lɛ ’bɛ yi la léé: ’Ka Gakelebale tɔ zin fe, ’ka a tɔ laa, Ka a kɛlɛwenu zana dɔɔ munu va, ’Ka a tɔ blɛn sele dɔ wo gi.

Ézai 12:5

’Ka Gakelebale tɔ ma gyɛ, naa, éé mi gisanmawe blɛnnu kɛla; ’Wo wo dɔɔ tɛrɛ faa la ma.

Ézai 19:21

Gakelebale é dan ébo gɔɔn lɛ Éjipiti munu lɛ yé Éjipiti munu wo dan Gakelebale dɔɔ lɛ yi ’ko la; wo dan sarakanu bo lɛ yé wo dan da lɛ blɛ nya Bale lɛ; wo dan Gakelebale kun lɛ yé a lɛ é dan sɔɔ lɛ.

Ézai 30:27

Mi lé wa laan Gakelebale, yee lé é dan bɛ; é si baa, a bli a flina é baba, é a bélé kyɛ blɛn zo. A wɛwɛ a é baba; a nɛnɛ a bélé kyɛ lé éé fɛnu blé, a zo.

Ézai 45:6

Maa we ’ko kɛlɛ léé, É sia yirinwana ma fɔɔ yé é bɔ yirivɔna ma, Munu faa a gi dɔɔ léé, Dé é ’ka maa nya lo, Bale bɛ ’ka lo. Maa ɛ ke Gakelebale nya, ’bɛ bɛ do kpen ’ka lo.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Ézai 59:19

Kanale Gakelebale lee é dan sia lɛ yirivɔnazia; kanale alé fuasan lee é dan sia lɛ yirinwanazia. É dan da lɛ bélé ’yiyoro plɛplɛ lé Gakelebale lé fu é go a nya, a zo.

Ézai 66:18

Maa wo kɛlɛwenu valé wo bɔn‐in bɔrɔle dɔɔ. Bɛn faa zén ékeva bléyi bɔ, wo valé dére faa gimunu nya; wo dan da lɛ yé wo dan anlé fua tɔbɔle ye lɛ.

Jérémi 10:6

Bii Gakelebale, i danmafɛ do kpen ’ka lo; I a blɛn yé i tɔ a é bɔle ilé plɛplɛ ma.

Jérémi 10:7

Bɛnnu nwiinzan, de ɛ ’ka kanaan i lee loo? Kanale i lee yara lé; Naa, bɛnnu lé wedɔɔmunu faa koo, bɛngɔnɔnu faa koo, I danmazan do kpen ’ka wo va lo.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Daniɛl 2:45

Gɔlɛ lé bé ye sona gɔ ma bɛ, ’té mi bɛ ’ka a ma lo, yé foliɛwɔlɛ koo, zéné koo, bɔtɛrɛ koo, gɔɔlifu koo, kyan koo, yé é wo wii bɛ, ’bɛ gi lé ke bɛ. We lé é dan bɔ lɛ ’bɛ zuo, Bale blɛn a gɔɔn minwiinzan blɛn lɛ. A nyɛ a webozen nya, yé a gifedére a tegele.

Amɔs 9:12

Yé Édom mi pɔnénu valé bɛn faa lé an tɔ ke wo ma, wo dan kɛlɛ lɛ David kulu zé nya. Gakelebale lé é dan we ’konu lɛ sɔɔ lɛ, a zo lé é a fe.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Sofoni 3:9

Yé maa dan dére tegelenu nɔ lɛ migɔnɔnu lɛ, léé, wo faa é Gakelebale tɔ laa, a bɔle bli do nya we ma.

Zakari 8:7

Lai sunyanu lé Gakelebale léma: Ka ye, maa dan anlé munu si lɛ yirinwanazia valé yirivɔnazia tɛrɛnu ta.

Malasi 1:14

Dablikɛlɛzan lé alé trubɛ gɔné a, yé é bale kun yé é Mizan ban wi kwééle nya, ’wo bale pa ’bɛzan ma ma. Lai sunyanu lé Gakelebale léma: Naa, maa a minwiinzan blɛn nya, yé an tɔ a kanamafɛ nya bɛnnu faa va.

Malasi 3:3

É dan nyana lɛ, yé é dan gɔɔlifu sele lɛ yé é a bo si a va; yé é dan Lévi kulunu ma bɔ lɛ; é dan fɛ naané si lɛ wo ma bélé woo gɔɔlifu valé kyan bo sié é ma fɛan zo, a zo, yé wo dan we tegele blɛ kɛlɛ lɛ Gakelebale lɛ.

Mi Nɔnɔle 7:74

’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ;

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Matio 8:11

Naa, maa lé ka lɛ léé, munu kiɛre é dan si lɛ yirinwana valé yirivɔnazia, yé wo dan fɛ ble lɛ Abraam koo, Izak koo, Jakɔb koo, wo va, Kazambale lé fla.

WENÉNÉ LÉ LUK A GYE (Évangile selon Luc) 1:10

Lasikɔrɔ kyɛ ble bléyi va, munu faa vo bazorona béera.

Rom munu 12:1

Bɛwemalé, an bwenu, maa we plaan ka lɛ Kazambale lé nyanai zénle nya léé, ’ka kabozennu nɔ saraka yuɛmale lé é ke Bale zé nya, ’té é sɔ Kazambale lɛ bɛ, a nya, yee ɛ ke kalé Bale bɔle tegele nya.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

2 Tɛsalɔnik munu 1:12

A zo lé Kaazan Jézu tɔ é dan kɛlɛ lɛ blɛn kalé we ma, yé ka tɔ é dan kɛlɛ lɛ blɛn alé we ma, kaalé Bale valé Mizan Jézu Krist lé zin yɛrama.

1 Timoté 2:8

Bɛwemalé é sɔ an lɛ léé, munu ’é bazoro fɛfaana, wo bɛ sauun nwale nya, ’té bliflile valé zavɔbli ’ka wo gi lo.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 5:8

É sɛbɛ si aan wo, fɛ yuɛmale ziɛn valé mi segele yɔ do wɔlɛ ziɛn dia ’wo bli ta ’Blané ’lɛ, ’té kɔnɔ valé kyankananu a wo lee do do, yé lasikɔrɔ lé é ke Kazambale lé munu lé bazorolenu nya, é a é fanle yee kananu nya.