Maak 8:38 - Kazambale lé Sebe Sauunu 1979

³⁸ Naa, mian éé yara gya maa valé an dérenu lé we ma, bléyi ’ko vamunu lé wo ke pɛnpɛnnégyɛzannu valé wenyanékɛlɛzannu nya, wo méléna, dé maa blami Be da an Ti lé fuasan nya, é valé lanje sauunnu nya an va, yara é dan an gyɛ lɛ ’bɛzan lé we ma é ziin.

Maak 8:38 ပူးပေါင်းရင်းမြစ်များ

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Daniɛl 7:13

Yuɛziwenu lé maa wo ye é béli, maa a wo naginina aan wo, ’té mi do lé é ke bélé blami be do zo, ’té é dan latinu nya, yé é bié mi kwa lé ke yinu ’lɛ, a vazia, yé wa bié a sɔnɔ.

Zakari 14:5

Ka dan vɔ lɛ flii, anlé gɔ ’konu worona, naa, gɔworona ’ko é dan go lɛ fɔɔ yé é bɔ Azɛl; fɛan zo lé ka fwi tɛrɛ manyɔɔnle lee Juda nwiinzan blɛn Ozias bléyi va, ka dan fwi lɛ a zo. Yé Gakelebale anlé Bale é dan da lɛ élé mi sauunnu faa nya é va.

Matio 12:39

É a zi pa wo lɛ léé: ’Kaa pɛnpɛnnégyɛmunu lɛrɛlɛrɛ ’ko, ka tɔmase ma laan; naa, maa ’ka dan tɔmase bɛ nagɔɔn lɛ ka lɛ lo, fɔɔ balelayezan Jonas zé do kpen lé.

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 16:4

’Kaa pɛnpɛnnégyɛmunu lɛrɛlɛrɛ ’ko, kaa ɛ tɔmase ma laan. Naa, maa ’ka dan tɔmase bɛ nagɔɔn lɛ ka lɛ lo fɔɔ, Jonas zé do kpen lé. A zuo é si wo va yé é go.

Matio 24:30

’Bɛ zuo maa blami Be zé tɔmase é dan bɔra lɛ la gi, yé tɛrɛ la bɛnnu faa é dan wuvɔ lɛ yé wo dan maa blami Be ye lɛ dana latinu ta plɛplɛ valé fua blɛn tagɔɔnle nya.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Matio 26:64

Jézu a zi pa a lɛ léé: Yee lé bé fe bɛ. ’Bɛ ta loru, maa lé ka lɛ léé, é sia bléyi ’ko va, ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

Matio 8:20

Jézu a zi vɔ a lɛ léé: Kwanénu yɛrɛ a, yé mianénu kɔn a, naa maa blami Be yiɛna ’ka lo.

Maak 13:26

’Bɛ zuo munu é dan maa blami Be ye lɛ dana latinu ta, plɛplɛ blɛn valé fua tagɔɔnle nya.

Maak 14:62

Jézu a zi pa a lɛ léé: Iin, maa lé. Yé ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

Maak 8:37

Yé mi éé mɛ fɛ no ébozen pa gii?

WENÉNÉ LÉ LUK A GYE (Évangile selon Luc) 19:26

É léé: Maa fe ka lɛ, mi lé fɛ ke a lee, wo dan fɛ nɔ lɛ a lɛ, naa, mi lé azé ’ka lo, fɛ lé é ke a lee, wo dan a si lɛ a lee.

WENÉNÉ LÉ LUK A GYE (Évangile selon Luc) 9:26

Naa, mian é yara gya maa valé an dérenu lé we ma, yara é dan maa blami Be gyɛ lɛ ’bɛzan lé we ma, yian nya lé an dan da lɛ, maabozen koo, an Ti koo, lanje sauunnu koo, wolé fua gi, a yi nya.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:51

Yé é lé a lɛ léé: Ka dan la lɛ ye lɛ é sole, yé ka dan Kazambale lé lanjenu ye lɛ gona loru, ’té woo zunwo, maa blami Be ta. Maa fe ka lɛ.

WENÉNÉ LE JAN A GYE (Évangile selon Jean) 12:34

Yé mi gu lé a lɛ léé: Ko a ’ma bélidɔwe sɛbɛ gi léé, Krist é dan vo lɛ é yuɛma lɛɛfaama. Yé mɛmalé bii léé, é a lé wo blami Be duun? De ɛ ke ’bɛ blami Be ’ko nyaa?

WENÉNÉ LE JAN A GYE (Évangile selon Jean) 5:27

Yé maa a blami Be nya; bɛwemalé é a se kɛlɛ an lɛ léé, an munu lé we ble.

Kelewenu 10:22

Wo lé a lɛ léé: Kɔɔnéi lé ke sunyayɔsoru ’lɛzan nya, mi tegele lé éé kanaan Bale lee, a nya, ’té Juifinu faa ke a ma we zin fena bɛ, Bale we fe a lɛ lanje sauun do lɔlu nya léé, ’é mi nwunvɔ i laana léé, ’i go alé kɔn ’léé, yé ’é i dérenu ’ma. Amalé ko da.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

Galasi munu 6:14

Naa, dé é a maa nya, dé é ’ka Kaazan Jézu Krist lé yiliblan lé we nya lo, ’té an ’ka anbo ze vɔa we do kpen gi lo. A nya lé tɛrɛlafɛnu ga yiliblan ta an vazia, bélé fɛan zo lé an ga yiliblan ta tɛrɛlafɛnu vazia, a zo.

Bélidɔwesɛbɛ Fiézan 33:2

É léma: Gakelebale si Sinai; É nwa Séii wolé we gi, Élé fuasan gɔɔn Paran gɔ la, É bɔra mi sauun kiɛre kiɛre méléna; Bélidɔwe lé é ke bélé kyɛ zo, é a pa wo lɛ zia é bɛ nya.

1 Tɛsalɔnik munu 2:19

Denu lɛ lé ko bli kee? Denu ma lé ko gi nanaa? Denu ɛ ke kolé tɔkoro yémafɛ nyaa? É ’ka ka nya Kaazan Jézu ’lɛ, a dabléyi va loo?

1 Tɛsalɔnik munu 3:13

’É ka bli ta dɔ plɛplɛ, yé Jézu valé élé munu dabléyi va yé ka kɛlɛ sauun kaa Ti Bale ’lɛ, ’té gun ’ka ka ma lo.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

2 Timoté 1:16

Mizan nyanai ’é zén Onézifɔɔ lé kɔngimunu ta ma; é an tɔrɔ paa gɔnɔ kiɛre nya, yé yara ’ka a gyɛ lɛ an yeregɔgɔbalenu lé we ma lo, azama.

2 Timoté 1:8

Bɛwemalé té yara i gyɛ Kaazan lé we fele ma monomono lo; té yara i gyɛ maa alé bokɔngizan lé we ma lo. Naa, ’i nyané ble an va Wenéné lé we ma Kazambale lé plɛplɛ nya ma.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 11:26

A sɔnɔ lé wa wo Krist lé we ma, é a ye fuafɛ blɛn nya é mini Éjipiti fuafɛnu ta, naa, a bli a é gooli lɛ tegele.

Ébrunu 13:13

Bɛwemalé, kaa go a va fla nwun zi mi; yaragyɛwe lé é ’wuo dɔ a wuo, kaa ’wuo dɔ yee duo wuo ma.

SEBE LÉ JAK A GYE (Épitre de Jacques) 4:4

Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

1 Jan 2:23

Dé mian éé a fé léé, Jézu ’ka Bale Be nya lo, ’té Bale ’ka ’bɛzan Ti nya lo; mi lé é a fe léé, Jézu a Bale Be nya, ’té Bale a ’bɛzan Ti nya é ziin.

1 Jan 2:28

Sin, né kiénénu, ’ka vo Jézu gi, yé dé é bɔra kaa yuɛ va yé kaa bli ta dɔ plɛplɛ, yé dé a dabléyi bɔ yé yara ’ka kaa gya yé é kaa si ’é ma baa lo.

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.