Maak 8:34 - Kazambale lé Sebe Sauunu 1979

³⁴ É mi gu valé é zuomunu laa aan wo, yé é lé wo lɛ léé: Dé é sɔ mian lɛ léé, ’é da an zuo, ’é bli si ébozen lɛ yé ’élé yiliblan sia yé ’é da an zuo.

Maak 8:34 ပူးပေါင်းရင်းမြစ်များ

1 Minwiinzannu 14:8

maa plale mi nwiin se si David gɔnɔ gi yé maa a nɔ bii lɛ. An wuozan David lé, é anlé bélidɔwenu faa kɛlɛ yé é tawo an zuo é bli faa nya, ’té we lé ke é drɔle an yuɛ gi é ’bɛ saa kɛla, bii ’ka bélé yee zo lo.

Mi Nɔnɔle 14:24

Naa, an wuozan Kalɛb gi bli a é yɛrama, yé é tawo anlé zi ta tegele, amalé tɛrɛ lé é go a ta, maa dan a nyana lɛ ’bɛna, yé é dan kɛlɛ lɛ a kulunu zé nya.

Matio 10:38

yé mian é ’ka ébo lé yiliblan sian yé é da an zuo lo, a yara ’ka lé ’é kɛlɛ anzé nya lo.

Matio 16:24

Yé Jézu lé é zuomunu lɛ léé: Dé é sɔ mian lɛ léé, é da an zuo, ’é bli si ébozen lɛ yé ébo lé yiliblan sia yé ’é da an zuo.

Matio 27:32

Wo bɔra aan wo, wo kee Sirɛnezan do nya wa laama Simɔn, yé wo Jézu lé yiliblan nɔ a lɛ gla nya a gole a nya we gi.

Maak 10:21

Jézu a nagini, yé é sɔ a lɛ. Yé é lé a lɛ léé: Ilé we do vo. ’I go, ’ilé fɛnu faa dan yé bé mafɛ nɔ nyanégyɛzannu lɛ, yé i dan fɛwezan ye lɛ la gi. Dé i nyaa a nya faa, ’i da an zuo.

Maak 7:14

’Bɛ zuo, é mi gu laa é ziin léé, ’wo go ’é va yé é lé wo lɛ léma: ’Ka faa tɔné dɔ an lɛ yé ’ka we ’ma ma.

WENÉNÉ LÉ LUK A GYE (Évangile selon Luc) 13:24

’Ka kwa kuli é zima léé, ’ka wɔra zi ’léé kiéné na; naa, maa fe ka lɛ, mi kiɛre é dan wɔrale ana gi dan lɛ yé wo ’ka dan bɔ lɛ a lɛ lo.

WENÉNÉ LÉ LUK A GYE (Évangile selon Luc) 14:33

Bɛzamalé dé é a ka va miomian nya, dé é ’ka sɔn vɔa élé fɛnu faa ma lo, é ’ka bɔa kɛlɛle lɛ an zuozan nya lo.

WENÉNÉ LÉ LUK A GYE (Évangile selon Luc) 18:22

Jézu ’bɛ ’ma aan wo yé é lé a lɛ léé: Ilé we do vo é ziin. ’Ilé fɛnu faa dan, yé bé mafɛ guli nyanégyɛmunu ma, yé i dan fɛwezan ye lɛ la gi. Dé i nyaa a nya faa ’i da an zuo.

WENÉNÉ LÉ LUK A GYE (Évangile selon Luc) 20:45

Bléyian va lé munu faa ke ’wo tɔné dɔna, é lé é zuomunu lɛ léé:

WENÉNÉ LÉ LUK A GYE (Évangile selon Luc) 9:23

A zuo é lé wo faa lɛ léé: Dé é sɔ mian lɛ léé, ’é da an zuo, ’é bli si ébozen lɛ, yé ébo lé yiliblan sia tu valé é kinile ma yé ’é da an zuo.

WENÉNÉ LE JAN A GYE (Évangile selon Jean) 10:27

Anlé ’blanu an dére maan, yé maa wo dɔɔ yé woo dan an zuo.

WENÉNÉ LE JAN A GYE (Évangile selon Jean) 19:17

Jézu élé yiliblan sia yé é goan, yé é bɔ miwuowɔlɛ lé fɛna, wa laama Ébru dére gi Gɔlgɔta.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Rom munu 6:6

kaa gi dɔɔ léé, kaalé blami dɔbɛ a é gyɛle yili la Krist va, kɔlɛ lé wenyané ke nyanama pana a nya, a gale kaa ma we gi, léé, té kaa kɛlɛ wenyané lé luu nya é dɛrɛ lo;

Rom munu 8:17

Dé kaa a alé nénu nya, ’té kaa a é ziin tɔnɔblezannu nya, Kazambale lé tɔnɔblezannu nya, tɔnɔblezannu nya Krist va, ’té dé kaa nyané ble a va, lagifua blele a va we gi.

1 Korent munu 15:31

Yi faa do do ma, maa a é bɔrale ga lɛ. Bwenu, maa we ’ko fe ka lɛ webozen nya, ka zevɔmawe lé ke an bli gi Kaazan Jézu Krist gi, a we ma.

1 Korent munu 8:13

Bɛwemalé, dé anlé fɛblele an bwe saan, maa ’ka dan wi ble lɛ é dɛrɛ monomono lo; té maa an bwe saan lo we ma.

1 Korent munu 9:19

Maa a anboma; maa ’ka mi wuo lo. Naa, maa kɛlɛ munu faa wuozan nya mi kiɛre boen yele we ma.

Galasi munu 2:20

Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi.

Galasi munu 5:24

Munu lé wo ke Jézu Krist zé nya, wo ’wo dɔbɛ kyɛn gyɛ yiliblan ta, é valé élé blibɔmawenu valé é lɔrɔ nya.

Galasi munu 6:14

Naa, dé é a maa nya, dé é ’ka Kaazan Jézu Krist lé yiliblan lé we nya lo, ’té an ’ka anbo ze vɔa we do kpen gi lo. A nya lé tɛrɛlafɛnu ga yiliblan ta an vazia, bélé fɛan zo lé an ga yiliblan ta tɛrɛlafɛnu vazia, a zo.

Filip munu 3:10

Maa a a va léé, maa Krist dɔɔ, yé plɛplɛ lé é Krist nwa gale va koo, nanale a va alé nyanéblelenu gi koo, maa a wo va. É sɔ an lɛ léé, an ga, bélé fɛan zo lé é ga, a zo,

Filip munu 3:7

Naa, Krist lé we ma, fɛnu lé maa tɔnɔ yé wo ma bɛ, maa wo ye boafɛnu nya.

Kolɔs munu 1:24

Kle lé maa a blena kalé we ma, éé an gi nanaan. Krist kɔlɛ lé ke léglizigimunu nya, a ma kleblele lé wo vo, maa a a lɛ sɔɔna an kɔlɛ nya.

Kolɔs munu 3:5

Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

2 Tɛsalɔnik munu 3:11

Ko a ’ma léé, ka va mi kenu a kun‐anwona; wo ’ka ’wobo lé nyanama paan lo, ’té woo giéan ’wo ’wuo wɔrale nya mi bɛnu lé we gi.

Tite 2:12

Éé we paan ko gi léé, té ko kɛlɛ Kazambale lé zi ma wenyané fezannu nya lo; wenu lé tɛrɛlamunu bli éé bɔa wo ma, té ko bli é bɔ wo ma lo. Éé we paan ko gi léé, ko tawo bléyi ’ko va kobo kunle nya; ko we tegele kɛlɛ, Kazambale lé zi ’é sɔ ko lɛ,

Ébrunu 13:13

Bɛwemalé, kaa go a va fla nwun zi mi; yaragyɛwe lé é ’wuo dɔ a wuo, kaa ’wuo dɔ yee duo wuo ma.

1 Piɛri 4:1

Krist nyané ble é kɔlɛ gi, bɛwemalé ka é ziin, gi bɔrɔle duo ’é kɛlɛ ka ’wuo gi ma. Naa, mian é nyané ble é kɔlɛ gi, é si wenyané zuo,

1 Piɛri 4:13

Naa, ka gi ’é nana léé, nyanénu lé Krist a ble, kazé a wo va, yé ka gi ’é nana fɔɔ yé é gié a glɛ la, Krist lé fua nagɔɔn yi nya.

2 Piɛri 1:14

naa, maa a gi dɔɔ léé, an sile sɔkɔn ’ko gi bɔ é pu; Kaazan Jézu Krist a gɔɔn an lɛ a zo.

1 Jan 3:16

Ko sɔlɛle dɔɔ wean ma, yee lé é ke ’ko: Jézu ga kaalé we gi, yé kaa é ziin, é a lé kaa ga kaa bwenu lé we gi.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.