Maak 7:7 - Kazambale lé Sebe Sauunu 1979

⁷ Woo an bɔa é pla, ’Té woo gɔnɔlawenu paan munu gi bélé Bale lé bélidɔwe ɛ ke ’bɛ nya.

Maak 7:7 ပူးပေါင်းရင်းမြစ်များ

Ézai 29:13

Mizan léma: Dé munu ’ko bié an sɔnɔ, woo an tɔ bɔa ’wo ’léé valé ’wo lɔlu nya, naa, wo bli a é sile an ma baa, yé kana lé wa wo an lee, é a munu lé gɔnɔlawe nya é pla.

Malasi 3:14

Ka fé léé: Kazambale bɔle tɔnɔ ’ka lo; ko tawo bli kyɛ dɔle nya lai sunyanu lé Gakelebale lé we ma, yé ko tawo alé weplalenu yɛrama, yé mɛ fɛ lé ko ye ’bɛ maa?

Matio 15:9

Woo an bɔa é pla, Yé woo gɔnɔlawenu paa munu gi bélé Bale lé bélidɔwenu ɛ ke ’bɛ nya.

Matio 6:7

Dé i a bazorona, té i boadérenu kiɛre kiɛre fe bélé bɛn bɛnu zé zo lo. É dɔ wo gi léé, ’wolé wefele kiɛre ma lé Bale é dan wo dére ’ma lɛ.

1 Korent munu 15:14

Yé dé Krist ’ka nwa lɛ gale va lo, ’té kolé alé we fele kɛlɛ we pla nya; ’té ka bli vole a lɛ kɛlɛ we pla nya é ziin,

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

Bélidɔwesɛbɛ Fiézan 12:32

We lé maa a fena ka lɛ, ’ka wo lɛdɔma, ’ka wo ta tawo; té ka wo taa do kpen pa lo, té ka a do kpen si wo va lo.

Kolɔs munu 2:22

Wa fɛnu lé, dé wo wo si, wo dan nyaa lɛ, wo nya, we ’konu a munu lé bélidɔwenu valé wepaalenu nya.

Tite 3:9

Naa, boa zavɔlenu koo, mi tranu dɔgɔnɔ gɔɔnle koo, wesialenu koo, bélidɔwe ta zavɔle koo, ’i paa wo ma. Wo tɔnɔ ’ka lo; wa we planu nya.

SEBE LÉ JAK A GYE (Épitre de Jacques) 1:26

Dé é dɔ mi do gi léé, ’é a bazorozi do ta, dé kɔ ’ka é vɔle a nɛnɛ wuo lo, ’té é a ’ébozen saanna, ’té mi ’ko lé bazorozi a zi pla nya.

SEBE LÉ JAK A GYE (Épitre de Jacques) 2:20

Bii tavozan, blipale lé a kɛlɛwenu ’ka lo, a tɔnɔ ’ka lo, i ’ka ’bɛ gi dɔɔa loo?

Wegɔɔnle 22:18

Dé é a miomian nya, yé é sɛbɛ ’ko lé balelaye dérenu ’ma, maa lé a lɛ léma: Dé mian é we bɛ pa a va, Kazambale é dan a gyɛ lɛ migyɛgyɛnu lé wo wolé we gyɛ sɛbɛ ’ko gi, wo nya.

1 Samuɛl 12:21

té ka diéra lo; dé ’bɛ kaan lo ka dan go lɛ boafɛnu zuo, ’té wo tɔnɔ ’ka lo yé wo ’ka ka sié we gi lo; wa boafɛnu nya, azama.