Maak 7:27 - Kazambale lé Sebe Sauunu 1979

²⁷ Jézu lé a lɛ léma: É a lé nénu ’é kan é vinin ma. Dé wo nénu lé buru si yé wa vuli blénnénu lɛ ’naan, ’bɛ a é zimaa?

Maak 7:27 ပူးပေါင်းရင်းမြစ်များ

Matio 10:5

Mi vu ta fié lé Jézu wo nwunvɔ, wo lé ke bɛ. We lé é a pla wo lɛ yé é wo nwunvɔ, yee lé ke ’ko: Té ka go bɛn bɛnu va lo; té ka go Samarinu lé flanu la lo;

Matio 7:6

Té ka fɛ sauunnu nɔ blénnu lɛ lo, dé wo da nɔla yé wo ka wi kini ékema; yé té ka fɛwezannu zana surunu wuo lo, dé wo da a zɔn wo gane nya.

Maak 7:26

Le ’ko a bɛn bɛ le nya, é si Siri‐Fénisi tɛrɛ la. É zanté vɔ Jézu lɛ léé, ’bɛ ’é yo si é lu gi.

Maak 7:28

Yé lezan a zi pa a lɛ léé: Gba, Mizan, naa, blénnénu lé ke tablé wuo, nénu lé buru vuun lé éé zanaan, wa blé.

Kelewenu 22:21

Yé é lé an lɛ léé: ’I go. Maa dan i pa lɛ zia baa bɛn bɛnu va.

Rom munu 15:8

’Bɛ gi léé, Krist kɛlɛ ganedɔmunu wuozan nya, yé blivolɛdére lé Bale a fe ko tranu lɛ, é ’bɛ lɛ sɔɔ yé ’bɛ nya lé é a gɔɔn léé, Kazambale a wezen fezan nya, é ’ka viéwoo lo.

Éfez munu 2:12

’Bɛ bléyi va, ’té Krist ’ka kazé nya lo; ’té a se ’ka ka lɛ léé, ka nyana Izraɛl lo; blivolɛdére lé Kazambale a fe é gi pale do nya munu va, ’té kazé ’ka a va lo; ’té ka bli ’ka we do lɛ lo; ’té ka a tɛrɛ la dublaa, ’té Kazambale ’ka kalé Bale nya lo.