Maak 4:15 - Kazambale lé Sebe Sauunu 1979

¹⁵ ’Sawɔlɛ lé é dia zi sɔnɔ, ’bɛ gi lé ke ’ko: dé mi kenu a dére ’ma, kele tɔɔn Satan éé dan yé Bale dére lé wa nwɛɛn wo bli gi bɛ, éé a sié.

Maak 4:15 ပူးပေါင်းရင်းမြစ်များ

Wepélisiananu 19:14

Lɔt bɔra yé é we fe é lu zananu lɛ, yé é lé wo lɛ léé: ’Ka nwa, ’ka fwi fɛkona, naa, Gakelebale a gona fla ’wii lɛ. Naa, é dɔ a lu zananu gi léé, gle lé é a wo.

Ézai 53:1

Wenu lé wa zuo fe ko lɛ, de ɛ bli vo ’bɛ lɛɛ? De ɛ Gakelebale lé plɛplɛ dɔɔ?

Zakari 3:1

Gakelebale a kɛlɛ léé, maa Balebanmunu ’lɛzan Jozué ye, ’té é a é dɔle Gakelebale lé lanje ’lɛ, ’té Satan a é dɔle a bɛyila, we dɔle a nwiin we ma.

Matio 13:19

Dé mi do é tɔné dɔ Kazambale plale mi nwiin dére lɛ yé é ’ka a maan lo, Satan ɛ dan yé fɛ lé wa nwɛɛn a bli gi éé a sian; mi ’ko ɛ ke fɛana lé ’sawɔlɛ dia zi sɔnɔ bɛ, a nya.

Matio 22:5

’Bɛ we ’ka wo yuɛ gi bɔ lɛ lo yé wo go; a do go élé féi, yé a do go élé yaawo lɛ,

Matio 4:10

Jézu lé a lɛ léé: Satan, ’i si an ma. É a é gyɛle Kazambale lé sɛbɛ gi léé: ’I ’wuo tua Mizan izé Bale lɛ, yé ’i yee do kpen ɛ bɔ.

Maak 4:14

’Savɔzan go ’sa vɔ lɛ, ’bɛ gi léé, mi do go Bale dére fe lɛ.

Maak 4:16

A wɔlɛnu lé wo dia paala, ’bɛ gi lé ke ’ko: dé mi kenu Bale dére ’ma, é vinin wa nyi sié gi nanale nya,

Maak 4:4

É a nwɛɛnna aan wo, a wɔlɛ kenu dia zi sɔnɔ, yé mianénu da, yé wa ble.

WENÉNÉ LÉ LUK A GYE (Évangile selon Luc) 8:12

Wo lé wo zana zi sɔnɔ bɛ, wa munu lé woo we maan, wo nya; ’bɛ zuo yo éé dan, yé é Bale dére si wo bli gi, dé wo da wo bli vo a lɛ yé wo si we gi.

Kelewenu 17:32

Wa ’ma aan wo léé, é a mi gale nwale lé we fena, mi kenu a ma we nana, yé mi kenu léé: Ko dan ko tɔné dɔ lɛ i lɛ yé ko we ’ko ’ma yi bɛ nya.

Kelewenu 5:3

Piɛri lé a lɛ léé: Ananias, mɛwemalé Satan i bli fan fɔɔ yé i viéwo Léli Sauun lɛ, ’té féi ma gɔɔli ke vo i lee?

2 Korɛnt Munu 2:11

té Satan é ko kele lo we ma. Naa, ko ’ka ko tanyila wenu lé é sɔ a lɛ léé, ’é a kɛlɛ, wo gi lo.

2 Tɛsalɔnik munu 2:9

Bale lé zi ma wenyané fezan ’ko bɔrale a Satan lé nyanama nya, yé gyɛzorowenu gɔnɔ faa koo, tɔmasenu koo, viéwe blɛnblɛnnu koo,

Ébrunu 12:16

’Ka yuɛ pa kabozen va, té pɛnpɛnnégyɛzan é kɛlɛ ka méléna lo; mi lé Balebɔwe ’ka a ma lo bélé Ézau zo, té ’bɛzan ’é kɛlɛ ka méléna lo. É dɔna dan fɛ pala do kpen va.

Ébrunu 2:1

Bɛwemalé, wenu lé kaa wo ’ma, é a lé kaa wo kɛlɛ kaa bli faa nya, dé wo da saan kaa gi.

1 Piɛri 5:8

’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 20:7

Dé lɛɛ wuru soru lɛ sɔɔ, wo dan Satan bɔra lɛ bokɔn gi.