Maak 2:26 - Kazambale lé Sebe Sauunu 1979

²⁶ Fɛan zo lé é wɔra Bale lé sɔkɔn gi, ’té Abiataa a Balebanmunu ’lɛzan nya ’bɛ bléyi va, yé Kazambale ’lɛburu lé a blele se a Balebanmunu saa ɛ lɛ, é a ble, yé é a ke nɔ é vamunu lɛ, ka ’ka tan a ta fe lɛ sɛbɛ gi loo?

Maak 2:26 ပူးပေါင်းရင်းမြစ်များ

2 Samuɛl 15:24

Sadɔk ana mi é ziin, yé Lévi munu faa lé woo Bale lé gipawe pagikɛsu sié, wa a va; wo Bale lé kɛsu dɔra tɛrɛ va, yé bléyian va lé munu a sina fla, Abiataa tawo wo ’lɛ.

2 Samuɛl 15:29

’Bɛ zo lé Sadɔk valé Abiataa diéra Bale lé kɛsu nya yé wo goan Jérusalɛm yé wo vo ana.

2 Samuɛl 15:35

Balebanzannu Sadɔk valé Abiataa ’ka dan kɛlɛ lɛ i va ana mi loo? We faa lé i dan a ’ma lɛ minwiinzan lé kɔn tawe nya i dan wo fe lɛ Balebanzannu Sadɔk valé Abiataa lɛ.

2 Samuɛl 20:25

Séja a sɛbɛgyɛzan nya; Sadɔk valé Abiataa a Balebanzannu nya;

2 Samuɛl 8:17

Akitub be Sadɔk valé Abiataa be Asimélɛk a Balebanzannu nya; Séraja a sɛbɛgyɛzan nya;

1 Minwiinzannu 1:7

Séruja be Joab valé Balebanzan Abiataa, wo ’wuo tɛn ékema wo nya; yé wo dɔ Adonija zuo.

1 Minwiinzannu 2:22

Minwiinzan Salomɔn a zi pa é bu lɛ léé: Mɛmalé i Sunɛm le Abisag ma laa Adonija zé nyaa? ’I kɛlɛle minwiinzan nya se ma laa azé nya é ziin. Naa, é a an bwe nya . . . yee koo, Balebanzan Abiataa koo, Séruja be Joab koo, bé ma laa wo faa zé nya.

1 Minwiinzannu 4:4

Jéojada be Bénaja a sunyanu faa nwiinzan nya; Sadɔk valé Abiataa a Balebanzannu nya;

Minwiinzannu lé Wezuofe Sɛbɛ 24:6

Lévi mi Nétanéɛl be Sémaéja lé ke sɛbɛgyɛzan nya, é wo tɔnu gyɛ minwiinzan blɛn valé élé mi blɛnnu yuɛ va, Balebanzan Sadɔk koo, Abiataa be Asimélɛk koo, Balebanzannu valé Lévinu lé guniwuonu koo, wo yuɛ va. Woo ’munnu zunwo Éléazaa gɔnɔla guniwuo do tɔ nya, yé wa do zun Itamaa gɔnɔla guniwuo do tɔ nya.

Matio 12:4

Fɛan zo lé é wɔra Balebangikɔn gi, yé Kazambale ’lɛburu lé, a blele se ’ka yee valé ’é vamunu lɛ lo, a blele se a Balebanmunu saa ɛ lɛ, yé wa ble, ka ’ka tan a ta fe lɛ Kazambale lé sɛbɛ gi loo?

Maak 2:25

Jézu lé wo lɛ léma: We lé David a kɛlɛ bléyian va lé fɛ do kpen ’ka a lee lo, ’té lɔrɔ a a gyɛna, yee valé é vamunu nya, ka ’ka tan a ta fe lɛ loo?

1 Samuɛl 21:1

David go Nɔb Balebanzan Asimélɛk va, yé ’bɛ vlan buru a sina zia yé ’bɛ lé a lɛ léé: Mɛmalé i a i doo? Mɛmalé mi do kpen ’ka i va loo?

1 Samuɛl 23:6

Asimélɛk be Abiataa da vlan nya David va bléyian va, é da éfɔdi nya é lee.

1 Samuɛl 23:9

David Saul’wuogibɔrɔmawe naané dɔɔ, yé é lé Balebanzan Abiataa lɛ léé: ’I da éfɔdi nya.