Maak 2:20 - Kazambale lé Sebe Sauunu 1979

²⁰ Bléyi do é dan bɔ lɛ yé wo dan ledɛrɛsizan si lɛ wo va; ’bɛ bléyi nya lé wo dan lɔrɔ sɔn lɛ.

Maak 2:20 ပူးပေါင်းရင်းမြစ်များ

Lɛrɛvɔ Sɛbɛ 45:11

An lu, ’i tɔné dɔ, ’i an ban i tɔné nya; bé ye; I gi ’é san ilé munu ma ma, é valé i ti lé kɔn ma ma.

Wegɔné Ma Lɛrɛ 3:11

’Kaa Siɔn lomu, ’ka bɔra, ’Ka nwiinzan Salomɔn nagini, Alé tɔkoro lé a bu a wo a ’wuo ma Alé lesiyi la, A ginanayi nya, ’ka nagini. —

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Ézai 62:5

Pɛniɛ éé blɛnzan sié fɛan zo, A zo duo lé i benu é dan i si lɛ. Fɛan zo lé bodɛrɛsizan é zana gi nana, A zo lé i dan ilé Bale gi nana lɛ.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Matio 26:31

Yé Jézu lé wo lɛ léé: Anlé we é dan ka faa kele lɛ é béli ’ko; naa, é a é gyɛle Kazambale lé sɛbɛ gi léé: Maa dan ’blatabinzan gyɛ lɛ yé alé ’bla trubɛnu é dan fwila lɛ.

Matio 9:15

Jézu lé wo lɛ léé: Dé ledɛrɛsizan a é béénu va, wo bli kyɛ éé dɔa kaa? Bléyi do é dan bɔ lɛ yé wo dan ledɛrɛsizan si lɛ wo va; ’bɛ bléyi nya lé wo dan lɔrɔ sɔn lɛ.

Maak 2:19

Jézu a zi pa wo lɛ léma: Dé ledɛrɛsizan a é béénu va, wo bɔa lɔrɔ sɔnle lɛɛ? Bléyian va lé ledɛrɛsizan a wo va, wo ’ka bɔa lɔrɔ sɔnle lɛ lo.

Maak 2:21

Wo ’ka sɔkuru dɛrɛ bééan sɔ kwa buruna lo; dé wa kɛlɛ, sɔ dɛrɛ éé sɔ kwa fiaan yé a buruna é kɛlɛ blɛn.

WENÉNÉ LÉ LUK A GYE (Évangile selon Luc) 17:22

É lé é zuomunu lɛ léé: A bléyi é dan bɔ lɛ, yé é dan sɔ lɛ ka lɛ léé, ka maa blami Be lé yinu va yi do ye, yé ka ’ka dan a ye lɛ lo.

WENÉNÉ LÉ LUK A GYE (Évangile selon Luc) 5:35

Bléyi do é dan bɔ lɛ yé wo dan ledɛrɛsizan si lɛ wo va; ’bɛ bléyi va lé wo dan lɔrɔ sɔn lɛ.

WENÉNÉ LE JAN A GYE (Évangile selon Jean) 12:8

Nyanégyɛmunu a ka va yifaama; naa, maa ’ka ka va yifaama lo.

WENÉNÉ LE JAN A GYE (Évangile selon Jean) 13:33

Anlé né kiénénu, maa a ka va bléyi sɛ nya é ziin. Ka dan an gini lɛ yé fɛan zo lé maa a fe Juifinu lɛ léé, fɛana lé maa ke gona wo ’ka bɔa gole lɛ ’bɛna lo, a zo duo lé maa a fena ka lɛ é ziin kyɔ.

WENÉNÉ LE JAN A GYE (Évangile selon Jean) 16:28

An si an Ti va, yé an da tɛrɛ la; sin, maa a sina tɛrɛ la yé maa go an Ti va.

WENÉNÉ LE JAN A GYE (Évangile selon Jean) 16:7

Naa, webozen lé maa a fe ka lɛ duowo, dé an go ’bɛ fila vɔ ka lɛ; naa, dé an ’ka go lɛ lo, Tɔrɔpaazan ’ka dan da lɛ ka va lo; naa, dé an go maa dan a pa lɛ ka lɛ zia.

WENÉNÉ LE JAN A GYE (Évangile selon Jean) 17:11

Maa ’ka tɛrɛlamunu méléna é dɛrɛ lo; naa, wa tɛrɛlamunu méléna yé maa a gona i va. An Ti sauun, munu lé i wo nɔ an lɛ, ’i yuɛ pa wo va i tɔ nya, wo kɛlɛle mi do nya ko zo lé we ma.

WENÉNÉ LE JAN A GYE (Évangile selon Jean) 17:13

Yé sin, maa a gona i va, yé maa we ’konu fé tɛrɛ la, léé, an gi boen a é nanale tegele fɛan zo yé wo gi é nana a zo.

WENÉNÉ LE JAN A GYE (Évangile selon Jean) 3:29

Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

Kelewenu 1:9

Jézu lé we ’ko fele zuo é gole sia la gi, ’té a zuomunu yuɛ a a zuo, yé é san lati wuo wo yuɛ va.

Kelewenu 14:23

Wo mi segelenu dɔ léglizinu faa do do gi. Bazorole valé lɔrɔ sɔnle zuo wo wo bɛ pa Mizambale lé wo bli ke a lɛ bɛ, a lee.

Kelewenu 3:21

é dan vo lɛ la gi fɔɔ yé a bléyi é bɔ yé fɛnu faa é kɛlɛ ’wo dɔbɛ gi, fɛan zo lé Kazambale a fe é kyɛn élé balelayezannu sauun lɔlu nya, a zo.

1 Korent munu 7:5

Dé ka dére kɛlɛ do yé ka kini ékema bléyi ke nya bazorole nya, ’bɛ do; dé ’bɛ kaan lo, té gɔné valé é na é kini ékema lo ma. ’Bɛ zuo, ’ka zén ékeva, dé ’bɛ kaan lo, dé ka ’ka bɔa kabo kunle lɛ lo, dé Satan é da ka sɛrɛ ka ke gi.

2 Korɛnt Munu 11:2

Maa ka pu dɔ lesizan do kpen ɛ lɛ, yé maa ka nɔ Krist lɛ, blɛn lé é ’ka tan gɔné dɔɔa lo, a nya, bɛwemalé maa a ka ta maawona bélé Kazambale lé maawole zo.

2 Korɛnt Munu 11:27

Maa nyanama pa, yé maa nyané ble; an vo é yuɛma é béli gɔnɔ kiɛre; lɔrɔ valé ’yiminilɔrɔ an gyɛ; an lɔrɔ sɔn gɔnɔ kiɛre; dunu an gyɛ; an vo é porole.

Wegɔɔnle 19:7

Kaa gi ’é nana ma, yé kaa vo gi nanale blɛn gi ma, kaa a tɔ bɔ ma; naa, Blané lé lesile bɔ yé a na ma’lɛrɛle nyaa,

Wegɔɔnle 21:9

A zuo, lanje sɔrafié lé, kana sɔrafié ke wo lee, ’té wo ke é fanle migyɛgyɛ sɔrafié voélazannu nya, wo va lanje do we fe an lɛ yé é léé: ’I da, yé bosizan lé é ke ’Blané na nya, maa a nagɔɔn i lɛ.