Maak 16:16 - Kazambale lé Sebe Sauunu 1979

¹⁶ Mian é bli vo a lɛ yé wa batizéwo, é dan si lɛ we gi. Mian é ’ka é bli vo lɛ a lɛ lo, alé we é dan a gyɛ lɛ.

Maak 16:16 ပူးပေါင်းရင်းမြစ်များ

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Maak 1:15

Yé é léma: A bléyi lɛ sɔɔ yé Kazambale lé plale mi nwiin bɔ é pu. ’Ka bli nɔla yé ’ka bli vo Wenéné ’ko lɛ.

WENÉNÉ LÉ LUK A GYE (Évangile selon Luc) 8:12

Wo lé wo zana zi sɔnɔ bɛ, wa munu lé woo we maan, wo nya; ’bɛ zuo yo éé dan, yé é Bale dére si wo bli gi, dé wo da wo bli vo a lɛ yé wo si we gi.

WENÉNÉ LE JAN A GYE (Évangile selon Jean) 20:31

Naa, maa we ’konu gyɛ sɛbɛ gi ka bli vole a lɛ we ma léé, Jézu ɛ ke Krist nya, Kazambale Be nya, yé dé ka bli vo a lɛ yé ka béli a tɔ ma.

WENÉNÉ LE JAN A GYE (Évangile selon Jean) 3:36

Mi lé éé bli voo Be lɛ, é dan vo lɛ é yuɛma lɛɛfaama, ’bɛ glɛ ’ka lo, naa, mi lé éé Be lɛgaanma, é ’ka dan vo lɛ é yuɛma lo, naa, Kazambale bli é dan vo lɛ flina a ma. A zo lé Jan a fe wo lɛ.

WENÉNÉ LE JAN A GYE (Évangile selon Jean) 3:5

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ ’yi valé Kazambale Léli nya lo, é ’ka bɔa gole lɛ Kazambale lé fla lo.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

WENÉNÉ LE JAN A GYE (Évangile selon Jean) 6:29

Jézu lé wo lɛ léé: Kazambale lé nyanama lé ke ’ko: maa lé é an pa zia, ka bli vole an lɛ lé.

WENÉNÉ LE JAN A GYE (Évangile selon Jean) 6:35

Jézu lé wo lɛ léé: Maa lé ke mibéliburu nya. Mi lé é da an va, lɔrɔ ’ka dan a gyɛ lɛ monomono lo, yé mi lé a bli vo an lɛ, ’yiminilɔrɔ ’ka dan a gyɛ lɛ monomono lo.

WENÉNÉ LE JAN A GYE (Évangile selon Jean) 6:40

An Ti lé blibɔmawe lé é ke ’ko: dé miomian é an ye a Be nya, yé a bli vo an lɛ, vole é yuɛma lé a glɛ ’ka lo, é wɔra ’bɛ gi, yé maa dan a nwa lɛ gamunu va yi voélazan nya.

WENÉNÉ LE JAN A GYE (Évangile selon Jean) 8:24

Bɛwemalé maa lé ka lɛ léé, ka dan ga lɛ kalé wenyanénu nya ka lee. Naa, maa a mian nya, dé ka bli ’ka vo lɛ a lɛ léé, maa a ’bɛ nya lo, ka dan ga lɛ kalé wenyanénu nya ka lee.

Kelewenu 10:43

Balelayezannu faa a ma we fe léé, dé miomian bli vo a lɛ, Bale é dan wo ma we vo lɛ wolé wenyané ma a tɔ lé we ma.

Kelewenu 13:39

We faa lé Moizi lé bélidɔwe ’ka bɔa wo sile lɛ mi nwiin lo, yee mi ’ko lé é ke Jézu nya, dé miomian bli vo a lɛ, ’bɛzan zé é dan si lɛ é nwiin yee Jézu lé we ma.

Kelewenu 13:46

Pɔl valé Banabas we fe wo lɛ bli ta plɛplɛ nya yé wo léma: É a lé wo Kazambale lé we fe ka lɛ é vinin. Naa, sin, ka sɔn vɔ a ma yé kabo lé we ka gyɛ léé, a yara ’ka léé, ka wɔra vole é yuɛma lé a glɛ ’ka lo, a gi lo. Amalé ko dan go lɛ bɛn bɛnu va.

Kelewenu 2:38

Piɛri lé wo lɛ léé: ’Ka bli nɔla ma, yé ’wo ka faa batizéwo Jézu Krist tɔ nya, Bale lé ka ma we vole we gi, yé ka dan Léli Sauun ye lɛ blɛ nya.

Kelewenu 2:41

Munu lé wa dére nyi si, wo wo batizéwo. A yi ’ko la Jézu zuomunu ’léé taa zén a ta, dé mi baa do wuru soru léé? a zo.

Kelewenu 22:16

Yé sin, i a mɛ fɛ lɛbɛnnaa? ’I nwa, ’wo i batizéwo yé ’i Mizan tɔ laa yé ilé wenyanénu é si i lee.

Rom munu 4:24

é a sɛbɛ gi kaalé we ma é ziin, kaa lé, kaalé blipale é dan nɔla lɛ kaa ma we tegele nya bɛ, kaalé we ma; kaa lé, kaa bli vo mi lé é Kaazan Jézu nwa gamunu va bɛ, a lɛ, kaalé we ma lé é a sɛbɛ gi.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

2 Tɛsalɔnik munu 2:12

yé munu faa lé wo ’ka ’wo bli vo lɛ wezen lɛ lo, ’té wo gi nana weple ma bɛ, yé Bale ’é ga dɔ wo nwiin.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.

Wegɔɔnle 20:15

Munuan wo tɔ ’ka é gyɛle mibélilenu tɔgyɛlasɛbɛ gi lo, wo wo vuli yee kyɛ blɛn ’ko ɛ va.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.