Maak 15:19 - Kazambale lé Sebe Sauunu 1979

¹⁹ Yé wo gyan dia a nwiin yé wo ’lélibɔlɛ vɔ a ma, yé wo powuo zun tɛrɛ va, yé wo dia ’wo bli la a ’lɛ a ma yéri sile nya.

Maak 15:19 ပူးပေါင်းရင်းမြစ်များ

Wepélisiananu 24:52

Abraam leezan wo dére ’ma aan wo é dia é bli la Gakelebale ’lɛ.

Wepélisiananu 43:28

Yé wo léé: I wuozan, ko ti, a drɔɔ; é a tan é yuɛma. Yé wo ’wuo tua a lɛ, yé wo dia ’wo bli la a ’lɛ.

1 Minwiinzannu 19:18

Naa, maa munu baa yaa wuru soru tadɔ Izraɛl, munu faa lé wo ’ka ’wo powuo zun lɛ Baal lɛ lo, ’té wo lɔlu ’ka pwɛpwɛ vɔ lɛ a ma lo, wo nya.

JOB (Job) 13:9

Dé é ka bligiwe wɔlɛ ma ye, é dan ka ze vɔ lɛɛ? Taa, ka dan dabli kɛlɛ lɛ a lɛ, bélé fɛan zo lé woo dabli kɛla blami lɛ, a zoo?

Lɛrɛvɔ Sɛbɛ 69:12

An bɔlɔ zén‐é an ta varɔ nya, Yé woo an ze vɔa an yuɛ ta é pla.

Ézai 45:23

Maa anbo ’nyɔɔn‐an Webozen éé bɔraan an ’léé, yé an dére ma ’ka nɔlaan lo; Mi faa é dan ’wo powuo zun lɛ an ’lɛ, Mi faa é dan maa ɛ ’nyɔɔn lɛ.

Ézai 49:7

Mi lé woo serele boo a ma, ’té munu a yé naaninvɔmafɛ nya, ’Té é ke mi plɛplɛnu lé luu nya bɛ, Mitabozan Gakelebale, Izraɛl lé Mi Sauun lé a lɛ léma: Munu nwiinzannu é dan i ye lɛ yé wo dan dɔ lɛ loru, Mi segelenu é dan i ye lɛ yé wo dan dia lɛ wo bli la i ’lɛ, Gakelebale lé é ke yarapawelazan nya, Izraɛl lé Mi Sauun lé é i si a va, alé we ma.

Ézai 50:6

Maa an lala nɔ an blamunu lɛ, Maa an blin nɔ an puomagun soowɔlazannu lɛ; Maa ’ka an yara yɔɔ lɛ An sɔnɔle valé ’lélibɔlɛ vɔle an yara lee lo.

Ézai 52:14

A yara sɛrɛ fɛan zo, ’Té a yara ’ka blami yara nya é dɛrɛ lo, amalé É kana zén mi kiɛre gi é vinin;

Misé 5:1

Yé bii Bɛtléɛm Éfrata, Juda fla wurunu va fla kiéné, anlé mi do é dan si lɛ i va; a pélisiana mɔn é li kwakwa tɛrɛ bɔrale ’lɛ, yé é dan pla lɛ Izraɛl munu nwiin.

Matio 27:30

Yé wo ’lélibɔlɛ vɔ a ma yé wo gyan si a lee yé wa blin é nwiin a nya.

Maak 10:34

yé ’bɛnu é dan an ma we nana lɛ; wo dan ’lélibɔlɛ vɔ lɛ an ma, yé wo dan an bla lɛ wɛséné nya yé wo dan an gyɛ lɛ yé yi fié a yaazan nya an dan nwa lɛ gamunu va.

Maak 14:65

Mi kenu kun ’lélibɔlɛ vɔle ma a ma, yé wo sɔ vuru a yuɛ la, yé wo fɔlɛ duun a lɛ yé wo léé: ’I balelaye ma. Yé sunyanu a blin kyɛ si.

Maak 15:18

Yé wo kun wele ma a va, yé wo léé: Juifinu nwiinzan blɛn, i nyɔn‐o.

Maak 15:20

Dé wa ma we nana ’ko zo faa wo galunaa sɔ si a ta, yé wo alé sɔnu zén a ta é ziin yé wo go a nya a gyɛle yili ta we ma.

Maak 9:12

Jézu a zi pa wo lɛ léé: Éli é dan da lɛ é vinin, weboen nya. É dan wenu faa dɔ lɛ wo dɔbɛ gi é ziin. Yé mɛmalé wo maa blami Be lé we gyɛ sɛbɛ gi léé, é a lé an nyané ble é baba yé wan ye boami nyaa?

WENÉNÉ LÉ LUK A GYE (Évangile selon Luc) 22:63

Munu lé wo ke Jézu tabinna wo we nana a ma, ’té wa blaan.

WENÉNÉ LÉ LUK A GYE (Évangile selon Luc) 23:11

Érɔd valé élé sunyanu Jézu kɛlɛ gwɛmazan zo; dé é we nana a ma faa é sɔ nɔnɔmi baba zén a ta yé é a pa zia é ziin Pilat va.

WENÉNÉ LÉ LUK A GYE (Évangile selon Luc) 23:36

Sunyanu é ziin wa ma we nana, yé wo bié yé wo dɔrɔ tɔndɔle nɔ a lɛ

Rom munu 11:4

’Naan, Kazambale a zi pa a lɛ nɔɔ? É léé: Mi baa yaa wuru soru lé wo ’ka tan ’wo powuo zun lɛ Baal lɛ lo, maa wo tadɔ anzé nya. Yee kaan loo?

Filip munu 2:10

léé, lagi koo, tɛrɛla koo, tɛrɛ wuo koo, munu faa ’wo powuo zun wona Jézu tɔ nya,

Ébrunu 13:13

Bɛwemalé, kaa go a va fla nwun zi mi; yaragyɛwe lé é ’wuo dɔ a wuo, kaa ’wuo dɔ yee duo wuo ma.