Maak 14:21 - Kazambale lé Sebe Sauunu 1979

²¹ Maa blami Be a gona, fɛan zo lé wo anlé we gyɛ sɛbɛ gi, a zo. Mi lé é blami Be pa munu lee, a gale nyɔ. A fila vɔ kɔɔn léé, té wa yaa lo.

Maak 14:21 ပူးပေါင်းရင်းမြစ်များ

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

Lɛrɛvɔ Sɛbɛ 55:15

Ko nyanaan ékeva, ’té ko ko ke giwe fé ko ke lɛ bli drɔɔ nya. Ko goo migu va Bale lé kɔn gi.

Ézai 52:14

A yara sɛrɛ fɛan zo, ’Té a yara ’ka blami yara nya é dɛrɛ lo, amalé É kana zén mi kiɛre gi é vinin;

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Daniɛl 9:26

Flɛyi yɔ yaa wɔlɛ fié ’konu giéle zuo, wo dan Nyɔnɔzénnwiinzan gyɛ lɛ yé a pagizan ’ka dan ye lɛ lo. Minwiinzan do é dan da lɛ yé alé munu é dan fla valé fɛna plɛplɛ kɛlɛ lɛ é ’bin nya yé azé nyaale é dan kɛlɛ lɛ bélé ’yiyoro plɛplɛ zo. Naa wa fe léé, wo dan vo lɛ é sɛrɛle fɔɔ yé gulidanle é nyaa, a zo.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Matio 26:54

Naa, dé maa kɛlɛ ’bɛ zo, Kazambale lé sɛbɛnu lé wo we ’konu fe wo gi, wo lɛ é dan sɔɔ lɛ kaa?

Matio 26:56

Naa, we ’konu faa bɔ, we lé balelayemunu a gyɛ Kazambale lé sɛbɛ gi, a lɛsɔɔle we ma. ’Bɛ zuo Jézu zuomunu si ’é zi vlan nya.

Maak 14:20

É lé wo lɛ léé: Mi vu ta fié va mi do lé éé bɛ wɔraan an va pala gi, é a ’bɛzan nya.

Maak 14:22

Wa fɛ blena aan wo Jézu buru si, yé dé é Bale bɔ vɔ faa é a bɔi, yé é a nɔ wo lɛ a fele nya léé: Buru ’ko a an kɔlɛ nya. ’Ka a si.

Maak 14:49

Maa a yifaama ka va we paana munu gi Balebangikɔn gi, yé ka ’ka an kun lɛ lo. Naa, wo we ’ko kɛlɛ Kazambale lé sɛbɛ gi we lɛsɔɔle we ma.

WENÉNÉ LÉ LUK A GYE (Évangile selon Luc) 22:22

Maa blami Be a gona, fɛan zo lé Bale a fe, a yɛrama, naa, mi lé é an pa munu lee, a gale nyɔ.

WENÉNÉ LÉ LUK A GYE (Évangile selon Luc) 24:44

A zuo yé é lé wo lɛ léé: Bléyian va lé maa ke yi la ka va, maa a fe ka lɛ léé, we lé wa gyɛ an ma we nya Moizi lé bélidɔwe koo, balelayemunu lé sɛbɛnu koo, lɛrɛvɔ sɛbɛ koo, wo gi, é a lé wo faa lɛ é sɔɔ. Yeean é kɛlɛ ’ko loo?

WENÉNÉ LE JAN A GYE (Évangile selon Jean) 19:28

’Bɛ zuo, Jézu a ye léé, we faa kɛlɛle lɛ sɔɔ, yé é léé: ’Yiminilɔrɔ a an gyɛna. É ’bɛ fe Kazambale lé sɛbɛ giwe lɛsɔɔle we ma.

Kelewenu 1:25

yé ’é kɛlɛ nyanama ’ko pazan nya, yé ’é kɛlɛ nwunvɔzan nya ko va; naa, Judas sɔn vɔ a ma yé é go fɛ lé ana a nyɛɛ, ana.

Kelewenu 2:23

we lé Bale a kɛlɛ é kyɛn, é valé ébo dɔɔwe yɛrama lé wo Jézu ’ko pa ka lee, yé ka a nɔ mi nyanénu lɛ léé, ’wa blin yili la.

Kelewenu 4:27

Wezen lé, Érɔd koo, Pɔns Pilat koo, bɛnnu koo, Izraɛl munu koo, wo faa ’wo péli vɔ do fla ’ko la i wuozan sauun Jézu ma, ’té bii nyɔnɔ zén a nwiin bɛ, a ma,