Maak 14:18 - Kazambale lé Sebe Sauunu 1979

¹⁸ Wa tablé zi fɛ blena aan wo, Jézu léma: Maa lé ka lɛ webozen nya léé, ka va mi do lé é ke fɛ blena an va, é dan an pa lɛ munu lee.

Maak 14:18 ပူးပေါင်းရင်းမြစ်များ

Lɛrɛvɔ Sɛbɛ 41:9

Wo léé: Gawe a kun, Bé ye é yiale bɛ; é ’ka dan nwa lɛ é dɛrɛ lo.

Matio 26:21

Wa fɛblena aan wo, é léma: Maa lé ka lɛ webozen nya léé, ka va mi do é dan an pa lɛ munu lee.

Matio 5:18

Naa, maa lé ka lɛ webozen nya léé, dé la valé tɛrɛ ’ka tan gié lɛ lo, bélidɔwe gyɛwɔlɛ kiiéné valé a bale kiiéné do kpen ’ka dan san lɛ a va lo, fɔɔ, yé a kɛlɛle faa lɛ é sɔɔ.

Matio 6:16

Dé ka a lɔrɔ sɔnna, té ka yara kyɛ vɔ a gi, bélé bodrɔzannu zo lo; woo yara wɔraan a ma, a gɔɔnle nya munu lɛ léé, ’wa lɔrɔ sɔnna. Wo ’wozé gooli ye; maa fe ka lɛ.

Matio 6:2

Dé i a fɛ nɔna nyanégyɛmunu lɛ, té bé pa i lɔlu ma béli nya lo, bélé bodrɔzannu a kɛla fɛan zo, a zo lo. Woo fɛ no bazorokɔnnu gi, yé woo fɛ no vuun la, munu lé wo tɔ zin bɔle we gi. Té ka kɛlɛ wo zo lo. Maa lé ka lɛ webozen nya léé, wo ’wozé ma gooli ye.

Matio 6:5

Dé ka a bazorona, té ka we kɛlɛ bélé bodrɔzannu zo lo. É sɔ wo lɛ léé, munu ’wo nagini, amalé woo dɔa loru, ’té woo bazoroan bazorokɔnnu gi, ’té woo bazoroan flaworo dii zi blannu ta. Maa lé ka lɛ webozen nya léé, wo ’wozé gooli ye.

Maak 10:15

Dé miomian é ’ka Kazambale plale ’é nwiin nyi sié bélé né kiéné zo lo, é ’ka dan wɔra lɛ Bale va lo. Maa fe ka lɛ.

Maak 10:29

Jézu lé a lɛ léé: Maa lé ka lɛ webozen nya léé, mian é daan élé fɛnu ma, dé alé kɔn léé, dé a bwenu léé, dé a burunu léé, dé a bu léé, dé a ti léé, dé alé nénu léé, dé alé tɛrɛnu léé, dé é daan wo ma, maa valé Wenéné ’ko lé we ma,

Maak 14:17

É nyanadi fɔfɔ, Jézu valé mi vu ta fié da.

Maak 14:19

Wo bli kyɛ dɔ yé wo we laa a lee do do léé: Maa léé?

Maak 14:25

Maa lé ka lɛ webozen nya léé, maa ’ka dan dɔrɔyi mini lɛ é ziin monomono lo fɔɔ, ’té an bɔ é wo Kazambale lé fuatɛrɛ la, yé maa a dɛrɛ mini.

Maak 14:9

Fɛfaana lé munu é dan Wenéné ’ko fe lɛ tɛrɛ faa la, we lé lezan ’ko a kɛlɛ, wo dan a zuo fe lɛ yé lezan ’ko sele é dan dɔ lɛ munu gi. Maa fe ka lɛ.

Maak 3:28

Maa a fe ka lɛ webozen nya léé, wenyanénu valé sɔnɔwenu lé blaminu a kɛla bɛ, Bale é dan wo ma we vo lɛ ’bɛ faa ma,

Maak 6:11

Dé fɛdona munu ’ka ka si lɛ bɛn nya lo, yé wo ’ka ’wo tɔné dɔ lɛ ka lɛ lo, ’ka si ’bɛna, yé ’ka wo ma we fe wolé fla vungoi puole nya ka gane ma.

Maak 8:12

Jézu flin vɛɛɛn, yé é léma: Mɛmalé mi kulu ’ko éé tɔmase ma laan? Wo ’ka dan tɔmase gɔɔn lɛ mi kulu ’ko lɛ lo. Maa fe ka lɛ.

Maak 9:1

Jézu lé wo lɛ é ziin léé: Munu lé wo ke ’ko, wo va mi kenu ’ka dan ga lɛ lo fɔɔ yé wa ye léé, Kazambale a é plale munu nwiin plɛplɛ. Maa fe ka lɛ.

Maak 9:41

Yé dé miomian é ’yi kanané do nɔ ka lɛ, ka kɛlɛle Krist zé nya we ma, maa lé ka lɛ webozen nya léé, ’bɛzan é dan a ma gooli ye lɛ kpɔ. É ’ka dan vuru lɛ a ma lo.

WENÉNÉ LÉ LUK A GYE (Évangile selon Luc) 11:51

é sia Abɛl ma fɔɔ yé é bɔ Zakari lé wa gyɛ balebanna valé Balebangikɔn worona bɛ, a ma, wo nyɛ lé é zana bɛ, wo dan a we dɔ lɛ bléyi ’ko vamunu nwiin. Iin, maa fe ka lɛ.

WENÉNÉ LÉ LUK A GYE (Évangile selon Luc) 22:21

Ka ye, mi lé é ke an pana munu lee, a bɛ a an va fɛ pala ’ko gi duowo.

WENÉNÉ LÉ LUK A GYE (Évangile selon Luc) 4:24

Naa, é we taa fe léé: Maa lé ka lɛ webozen nya léé, wo ’ka balelayezan do kpen yé mi nya ébo lé tɛrɛ la lo.

WENÉNÉ LE JAN A GYE (Évangile selon Jean) 1:51

Yé é lé a lɛ léé: Ka dan la lɛ ye lɛ é sole, yé ka dan Kazambale lé lanjenu ye lɛ gona loru, ’té woo zunwo, maa blami Be ta. Maa fe ka lɛ.

WENÉNÉ LE JAN A GYE (Évangile selon Jean) 13:18

Maa ’ka we ’ko fena ka faa lé we ma lo; munu lé maa wo si a va, maa wo dɔɔ. Kazambale lé sɛbɛ gi we lé é a fe léé, Mi lé éé buru blé an va, Yee ɛ é ganetɛn nwa an ma, é a lé a lɛ é sɔɔ.

WENÉNÉ LE JAN A GYE (Évangile selon Jean) 13:21

We ’ko fele zuo, gibɔrɔle do da Jézu bli gi, yé é we fe kpaklaa léé: Maa fe ka lɛ kyɔ webozen nya, ka va mi do é dan an pa lɛ munu lee.

WENÉNÉ LE JAN A GYE (Évangile selon Jean) 13:22

A zuomunu vo wo yuɛ vɔna wo ke yara, dé mi kyɛn lé we lé é ke a fenaa?

WENÉNÉ LE JAN A GYE (Évangile selon Jean) 13:38

Jézu lé a lɛ léé: I gaan anlé we maa? Dé manegɔné ’ka tan we lɛ lo, i dan a fe lɛ gɔnɔ yaa léé, ’é ’ka an dɔɔa lo. Maa fe i lɛ.

WENÉNÉ LE JAN A GYE (Évangile selon Jean) 21:18

Maa fe i lɛ kyɔ webozen nya, dé i a mi boroné nya, biibozen ɛ ilé kyɛsidi dɔa i gyɛn, yé fɛ lé ana sɔ i lɛ yé i go ana. Naa, dé i kɛlɛ segele, i dan i bɛ nwa lɛ, yé mi bɛ é dan ilé kyɛsidi dɔ lɛ, yé fɛana ’ka sɔ lɛ i lɛ lo, yé é go i nya ’bɛna.

WENÉNÉ LE JAN A GYE (Évangile selon Jean) 3:11

Maa fe i lɛ kyɔ webozen nya, we lé ko dɔɔ, yee lé ko fé, yé we lé ko ana ye, yee lé ko fé, yé ko dére ’ka goo ka ’wuo gi lo.

WENÉNÉ LE JAN A GYE (Évangile selon Jean) 3:3

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ é dɛrɛ lo, é ’ka dan kɛlɛ lɛ munu lé Kazambale ke é plale wo nwiin, wovazan do nya lo.

WENÉNÉ LE JAN A GYE (Évangile selon Jean) 3:5

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ ’yi valé Kazambale Léli nya lo, é ’ka bɔa gole lɛ Kazambale lé fla lo.

WENÉNÉ LE JAN A GYE (Évangile selon Jean) 5:19

Bɛwemalé Jézu kun wefele ma é ziin, yé é lé wo lɛ léé: Maa fe ka lɛ kyɔ webozen nya, maa Bale Be, an ’ka bɔa we do kpen kɛlɛle lɛ anbo ’wuo gi lo; we lé maa an Ti ye a kɛlɛna, yee saa lé maa a kɛla. Yé we faa lé an Ti ke a kɛlɛna, yee duo lé maa a Be ke a kɛlɛna é ziin.

WENÉNÉ LE JAN A GYE (Évangile selon Jean) 6:26

Jézu lé wo lɛ léé: Maa fe ka lɛ kyɔ webozen nya, gyɛzorowenu yele saa lé we ma‐an ka ke an naginina lo. Naa, ka buru ble yé ka kan, bɛwemalé ka ke an naginina.

WENÉNÉ LE JAN A GYE (Évangile selon Jean) 6:32

Jézu lé wo lɛ léé: Maa fe ka lɛ kyɔ webozen nya, Moizi ’ka lagi buru nɔ lɛ ka lɛ lo; naa, an Ti ɛ lagi buru bozen no ka lɛ.

WENÉNÉ LE JAN A GYE (Évangile selon Jean) 6:47

Maa fe ka lɛ kyɔ webozen nya, mi lé a bli vo an lɛ, vole é yuɛma lé a glɛ ’ka lo, é wɔra ’bɛ gi.

WENÉNÉ LE JAN A GYE (Évangile selon Jean) 6:70

Jézu lé wo lɛ léé: An ’ka ka si lɛ munu va loo? ’Kaa mi vu ta fié; yé ka va mi do a yo nya.