Maak 13:9 - Kazambale lé Sebe Sauunu 1979

⁹ ’Ka yuɛ pa kabozen va. Wo dan ka pa lɛ weblezannu lee, yé wo dan ka bla lɛ plén nya bazorokɔnnu gi, yé ka dan dɔ lɛ gbɔrɔnama valé minwiinmunu ’lɛ anlé we ma, kɛlɛle wenayezannu nya wo ’lɛ we gi.

Maak 13:9 ပူးပေါင်းရင်းမြစ်များ

Matio 5:22

Naa, maa lé ka lɛ léé, miomian é bli fli é bwe ma, a yara lé weblezannu é we lɛdɔ a gi; yé mi lé é a fe é bwe lɛ léé: Tavozan, a yara lé webolikinimunu wo we lɛdɔ a gi; yé mi lé é é bwe laa, ’wuosɛrɛzan, a yara lé Bale é we lɛdɔ a gi kyɛ plɛplɛ lé wa laama jéɛna, a va.

Maak 1:44

’I yuɛ pa ibozen va. Té i we do kpen fe mi do lɛ lo. ’I go ibo nagɔɔn Balebanzan lɛ, yé fɛ lé Moizi a nɔle béli dɔ, bé banwo, yé é kɛlɛ munu lɛ i bélile tɔmase nya.

Maak 13:5

Yé Jézu kun wefele ma wo lɛ, yé é léma: ’Ka yuɛ pa kabozen va, té mi do kpen é ka gi saan ka ma lo.

Maak 13:8

Bɛn do é dan nwa lɛ bɛn do ma, yé bɛntɛrɛ do é dan nwa lɛ bɛntɛrɛ do ma; tɛrɛ ma é dan nyɔɔn lɛ fɛ kena, yé lɔrɔ é dan dɔ lɛ. ’Bɛ a nyanéblelenu pélisiana nya é pla.

Maak 6:11

Dé fɛdona munu ’ka ka si lɛ bɛn nya lo, yé wo ’ka ’wo tɔné dɔ lɛ ka lɛ lo, ’ka si ’bɛna, yé ’ka wo ma we fe wolé fla vungoi puole nya ka gane ma.

WENÉNÉ LÉ LUK A GYE (Évangile selon Luc) 9:5

Dé munu ’ka ka bɛn si lɛ lo, ’ka si fla ’ko la yé ’ka wo ma we fe wolé fla vungoi puole nya ka gane ma.

WENÉNÉ LE JAN A GYE (Évangile selon Jean) 15:20

Dére lé maa a fe ka lɛ, a sele ’é dɔ ka gi; maa fe kɔɔn ka lɛ léé, mi wuozan ’ka minié ézan lɛ lo. Dé wo nyané pa an ta, wo dan nyané pa lɛ é ziin ka ta; dé wo tawo an dére ta, wo dan tawo lɛ é ziin ka dére ta.

WENÉNÉ LE JAN A GYE (Évangile selon Jean) 16:2

Wo dan ka bɔra lɛ bazorokɔnnu gi; yé é ziin bléyi do é dan bɔ lɛ, ’bɛna dé miomian é ka gyɛ é dan dɔ lɛ a gi léé, ’é a Kazambale bɔna.

Kelewenu 21:11

yé ’bɛ bɔ ko ma. É Pɔl lé kyɛsidi si, yé ébo ganenu valé ébo bɛnu yere a nya yé é léé: We lé Léli Sauun a fe, yee lé é ke ’ko: Mi lé é ke kyɛsidi ’ko zan nya, fɛan zo lé maa anbo yere ’ko, a zo duo lé Juifinu é dan azan yere lɛ Jérusalɛm yé wo dan a pa lɛ bɛn bɛnu lee.

Kelewenu 7:54

Wo dére ’konu ’ma aan wo, wo bli fli é baba yé wo vo wo suiɛ dɔrana é ke la a za nya.

Kelewenu 9:16

É dan nyané ble lɛ an tɔ ma fɛan zo, maa dan ’bɛ gɔɔn lɛ a lɛ.

Filip munu 1:29

Naa, Bale blɛ kɛlɛ ka lɛ Krist pli zi, léé, ka bli ’é vo Krist lɛ, yé ’bɛ saa kaan lo; ’bɛ ta loru, é blɛ kɛlɛ ka lɛ léé, ka nyané ble Krist lé we ma.

2 Tɛsalɔnik munu 1:5

We ’ko a gɔɔn tɔmase nya léé, Kazambale éé mi vaboo é zua, yé é a ye léé, a yara a ka yara léé, ka kɛlɛ Kazambale lé fuatɛrɛ la munu nya, amalé ka ke nyané blena bɛ.

2 Jan 1:8

’Ka yuɛ pa kabozen va, dé kalé nyanama ma tɔnɔ é da san ka lee, naa, ’wo ka gooli lɛ sɔɔ ma.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.