Maak 13:27 - Kazambale lé Sebe Sauunu 1979

²⁷ Yé maa dan anlé lanjenu nwunvɔ lɛ yé munu lé maa wo si a va anzé nya, maa dan wo si lɛ tɛrɛsun ziɛn ta, é sia tɛrɛ glɛ sina fɔɔ yé é bɔ la glɛ sina yé maa wo zén ékeva.

Maak 13:27 ပူးပေါင်းရင်းမြစ်များ

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

Ézai 65:9

Maa dan Jakɔb kulu kɛlɛ lɛ, yé maa dan an zaragɔ kɛlɛ lɛ Juda punlazan do zé nya; munu lé maa wo si a va, tɛrɛ ’ko é dan kɛlɛ lɛ wozé nya, yé an wuozannu é dan nyana lɛ ana.

Zakari 2:6

Gakelebale léé: ’Ka fwi, ’ka fwi yirinwanazia tɛrɛ la. Naa, maa ka fwila fu sina ziɛn na. A zo lé Gakelebale a fe.

Matio 12:42

Webleyi nya, yirinwana bɛyilazia munu nwiinzan lé é ke le nya, é dan nwa lɛ bléyi ’ko vamunu ma, yé é we dɔ wo nwiin; naa, é si tɛrɛ glɛ sina Salomɔn lé wedɔɔle ’male we gi, yé ka ye, mi lé ’bɛ mini Salomɔn ta, ’bɛzan ana ’ko.

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

Matio 13:49

A zo duo lé é dan kɛlɛ lɛ tɛrɛla nyaabléyi va. Lanjenu é dan da lɛ weplekɛlɛmunu si lɛ mi tegelenu va,

Matio 24:22

Dé Bale ’ka yi kenu si lɛ a ta lo, mi do kpen ’ka dan si lɛ we gi lo, naa, munu lé Kazambale wo si a va ézé nya, wolé we ma lé é dan yi kenu si lɛ a ta.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Maak 13:20

Dé Mizambale ’ka kɔɔn yi kenu si lɛ a ta lo, ’té mi do kpen ’ka dan si lɛ we gi lo; naa, munu lé Kazambale wo si a va ézé nya, wolé we ma lé é yi kenu si a ta.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Maak 13:28

’Ka we ’ko dan bɔrɔyili ma yé ’ka a gi ’ma ma. Dé a bɛnu ’yi dɔ ’é gi yé é a nɛɛna, ka gi dɔɔ léé, lɛɛdabléyi bɔ é pu.

WENÉNÉ LÉ LUK A GYE (Évangile selon Luc) 16:22

Yé yee nyanégyɛzan ga, yé lanjenu a sia yé wo goan yé wa vɔ Abraam bɛ gi. ’Bɛ zuo yé fuablezan ga yé wo ’bɛ pa.

WENÉNÉ LÉ LUK A GYE (Évangile selon Luc) 18:7

Yé munu lé Bale wo si a va ézé nya, ’té woo siaan a lɛ bladi nyanadi, é ’ka dan wo nyanémunu lé we ble lɛ loo? É dan mɔn lɛ faa ’lɛ yé é wolé we blee?

WENÉNÉ LE JAN A GYE (Évangile selon Jean) 10:16

’Bla bɛnu a é ziin anzé nya, ’té wo ’ka gɔrɔ ’ko gi ’blanu nya lo. ’Bɛnu é ziin, é a lé an da wo nya; wo dan an dére ’ma lɛ yé wo dan kɛlɛ lɛ trubɛ do kpen nya yé ’blatabinzan é dan kɛlɛ lɛ do kpen.

WENÉNÉ LE JAN A GYE (Évangile selon Jean) 11:52

Yé a bɛn saa lé we ma kaan lo; naa, Kazambale lé nénu lé wo ke é nwɛɛnle fɛfaana, wo zénle ékeva yé ’wo kɛlɛ kɔlɛ do nya lé we ma lé é ziin.

Rom munu 8:33

Munu lé Kazambale wo si a va ézé nya, de ɛ dan we dɔ lɛ wo nwiin? Kazambale ɛ mi kɛla tegele.

Bélidɔwesɛbɛ Fiézan 30:4

Dé Gakelebale, kalé Bale ka bin fɔɔ la glɛ sinaoo, é dan go lɛ ka nagini lɛ ’bɛna, yé é dan ka zén lɛ ékeva.

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

2 Tɛsalɔnik munu 2:1

Bwenu, é sɔ an lɛ léé, maa we pla ka lɛ Kaazan Jézu Krist dale valé kaa zénle ékeva a va lé we ma.

2 Timoté 2:10

Bɛwemalé an ’wuo dɔa we faa wuo munu lé Bale wo si a va, wolé we ma, léé, sile we gi lé é ke Jézu Krist gi, é valé fua lé é ’ka nyaan lo, wo é ziin, ’wa ye.

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.