Maak 13:26 - Kazambale lé Sebe Sauunu 1979

²⁶ ’Bɛ zuo munu é dan maa blami Be ye lɛ dana latinu ta, plɛplɛ blɛn valé fua tagɔɔnle nya.

Maak 13:26 ပူးပေါင်းရင်းမြစ်များ

Matio 16:17

Jézu lé a lɛ léé: Jonas be Simɔn, izé a néné. Mi pla ’ka ’bɛ gɔɔn lɛ i lɛ lo, naa, an Ti lé é ke la gi, yee ɛ a nagɔɔn i lɛ.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 24:30

’Bɛ zuo maa blami Be zé tɔmase é dan bɔra lɛ la gi, yé tɛrɛ la bɛnnu faa é dan wuvɔ lɛ yé wo dan maa blami Be ye lɛ dana latinu ta plɛplɛ valé fua blɛn tagɔɔnle nya.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Maak 14:62

Jézu a zi pa a lɛ léé: Iin, maa lé. Yé ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

Maak 8:38

Naa, mian éé yara gya maa valé an dérenu lé we ma, bléyi ’ko vamunu lé wo ke pɛnpɛnnégyɛzannu valé wenyanékɛlɛzannu nya, wo méléna, dé maa blami Be da an Ti lé fuasan nya, é valé lanje sauunnu nya an va, yara é dan an gyɛ lɛ ’bɛzan lé we ma é ziin.

Maak 9:1

Jézu lé wo lɛ é ziin léé: Munu lé wo ke ’ko, wo va mi kenu ’ka dan ga lɛ lo fɔɔ yé wa ye léé, Kazambale a é plale munu nwiin plɛplɛ. Maa fe ka lɛ.

WENÉNÉ LÉ LUK A GYE (Évangile selon Luc) 21:27

’Bɛ zuo wo dan maa blami Be ye lɛ dana lati ta plɛplɛ valé fua blɛn tagɔɔnle nya.

Kelewenu 1:11

yé wo léé: ’Kaa Galilé munu, mɛwemalé ka dɔ la gi gininaa? Jézu bozen lé, wa si ka worona yé wo goan la gi, fɛan zo lé ka a ye gona la gi, a zo lé é dan da lɛ é ziin.

1 Tɛsalɔnik munu 4:16

Naa, dé tɔmase do bɔ, dé lanjenuzan siaa, dé Kazambale lé béli we, ’bɛ bléyi nya tɔɔn, ’té Mizan bozen é dan si lɛ la gi yé é zun, yé munu lé wo ga Krist gi, wo dan nwa lɛ é vinin.

2 Piɛri 1:16

Ko ’ka Kaazan Jézu Krist lé plɛplɛ valé a dale lé we fe lɛ ka lɛ dabli fiinnu vɔle nya lo, naa, ko alé fuasan blɛn ye kobo yuɛ nya.

Wegɔɔnle 1:7

Bé ye, é dan latinu ta. Mi faa é dan a ye lɛ, a fɔnmunu koo é ziin; tɛrɛ la bɛnnu faa é dan wuvɔ lɛ alé we ma. Iin. Amɛɛn.