Maak 13:22 - Kazambale lé Sebe Sauunu 1979

²² Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Maak 13:22 ပူးပေါင်းရင်းမြစ်များ

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 7:15

’Ka yuɛ pa kabo va viébalelayemunu lé we ma. Woo dan ka va bélé ’blanu zo, naa, wo bli a wo gi bélé lɔrɔgyɛ glau zo.

Maak 13:21

Dé mi do a fe ka lɛ léé: Krist a ’ko‐oo, é a mun‐oo, té ka bli é vo ’bɛ lɛ lo.

Maak 13:23

’Ka yuɛ pa kabozen va. Maa a faa fe ka lɛ a bɔle ’lɛ.

Maak 13:6

Naa, mi kiɛre é dan da lɛ an tɔ gi, ’té wa fé léé, ’wo ɛ ke Krist nya. Yé wo dan mi kiɛre gi saan lɛ ’wo ma.

WENÉNÉ LE JAN A GYE (Évangile selon Jean) 4:48

Jézu lé a lɛ léé: Dé ka ’ka gyɛzorowenu valé we blɛnblɛnnu kɛlɛle ye lɛ lo, ka bli ’ka vo an lɛ monomono lo.

Bélidɔwesɛbɛ Fiézan 13:1

Dé balelayezan do nwa ka méléna, ɛɛ, dé nyɛgyɛzan lé, dé tɔmase do léé, ɛɛ, dé we blɛnblɛn lé, dé é a fe ka lɛ yé a lɛ sɔɔ weboen nya, yé ’bɛ zuo é lé ka lɛ léé, kaa go bale bɛnu zuo, kaa wo bɔ, ’té ka ’ka balenu ’ko dɔɔa lo,

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

1 Jan 2:18

Né kiénénu, bléyi voéla lé é ke ’ko. Ka a ’ma léé, Kristmazan é dan da lɛ, yé sin, Kristmazannu kiɛre ana. Amalé ko a gi dɔɔ léé, bléyi voéla bɔ.

1 Jan 2:19

Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.

1 Jan 2:26

Maa we ’konu gyɛ ka lɛ ka ’wuo?-?sɛrɛzannu lé we ma.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.