Maak 12:6 - Kazambale lé Sebe Sauunu 1979

⁶ Abozen be do vo a lee é ziin; ’bɛ sɔ a lɛ é baba. É a nwunvɔ wo va é voéla yé é léé: Wo dan an be lɛdɔ lɛ a ma.

Maak 12:6 ပူးပေါင်းရင်းမြစ်များ

Wepélisiananu 22:12

Lanje léé: Té i bɛ mane né ma lo; té i we do kpen kɛlɛ a lɛ lo; naa, sin maa a gi dɔɔ léé, i kanaan Kazambale lee yé i ’ka i be wɔlɛ do kpen Izak nyané kɛlɛ lɛ an lɛ lo.

Wepélisiananu 22:2

Yé Kazambale léé: ’I be si; i be wɔlɛ do kpen lé é ke Izak nya, ’té é sɔ i lɛ é baba bɛ, bé si yé ’i goan Morija tɛrɛ la yé gɔnu va gɔ do lé maa dan a gɔɔn lɛ i lɛ, bé kyɛ ble an lɛ blɛ nya a nwiin.

Wepélisiananu 37:3

Izraɛl Jozɛfu yaa élé kwa ta gi, bɛwemalé a wea a lee é mini a be pɔnénu faa ta. Yé é varɔ nyɔɔzan do kini a lɛ.

Wepélisiananu 44:20

Yé ko léé, ko ti ana. É a kwakwa, yé ko zuané kiéné do ana, alé kwa ta né nya. Né ’ko bwe do a, yé é ga. Wo fiénu bu a do. É vo é do, yé a we a é ti lee.

Lɛrɛvɔ Sɛbɛ 2:12

’Ka a be tuu gyɛ ma, dé a bli é da nwa Yé ka zamagawo kalé zi ta, Naa, a bli éé flian é kele bélé kyɛblele zo. Munu faa lé woo paan a ta, wozé a néné.

Lɛrɛvɔ Sɛbɛ 2:7

Maa dan i dére zana dɔɔ lɛ; Gakelebale lé maa lɛ léé: I a an be nya, Maa i yaa kyɔ.

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

Matio 26:63

Naa, Jézu vo é tadɔle. Balebanmunu ’lɛzan lé a lɛ léé: Maa lé i lɛ Bale yuɛmalé tɔ gi léé, dé bii ɛ ke Kazambale Be Krist nya, ’bé fe ko lɛ.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

Maak 1:11

Yé Bale we fe la gi yé é léé: An Be, i sɔ an lɛ é baba; i va sɔlɛle a an gi blɛn.

Maak 12:5

Yé é mi yaazan pa zia yé wo ’bɛ gyɛ. ’Bɛ zuo yé é mi kiɛre pa zia é ziin, yé wa kenu bla yé wa kenu gyɛ.

Maak 12:7

Naa, féinwiinzannu lé ’wo ke lɛ léé: A zarablezan lé ke ’ko; ’ka da, kaa a gyɛ, yé a zara ’é vo kaazé nya.

Maak 9:7

Yé lafu tua wo nwiin, yé Bale we fe lafu gi yé é léé: Mi ’ko a an be lé é sɔ an lɛ é baba, a nya. ’Ka tɔné dɔ a lɛ.

WENÉNÉ LÉ LUK A GYE (Évangile selon Luc) 3:22

yé Léli Sauun zun a ta é kɔlɛ nya bélé plala zo. Yé wo dére do ’ma la gi yé é léé: An Be, i sɔ an lɛ é baba; i va sɔlɛle a an gi blɛn.

WENÉNÉ LÉ LUK A GYE (Évangile selon Luc) 9:35

Yé Bale we fe lafu gi yé é léé: Mi ’ko a an Be lé maa a si a va, a nya. ’Ka tɔné dɔ a lɛ.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 1:34

Yé maa a ye, yé maa a mawe fe léé, é a Kazambale Be nya.

WENÉNÉ LE JAN A GYE (Évangile selon Jean) 1:49

Natanaɛl lé a lɛ léé: Anzan, bii a Kazambale Be nya. Bii a Izraɛl munu nwiinzan blɛn nya.

WENÉNÉ LE JAN A GYE (Évangile selon Jean) 3:35

Be sɔ Ti lɛ, yé é we faa bɛ pa a lee.

WENÉNÉ LE JAN A GYE (Évangile selon Jean) 5:23

léé, fɛan zo lé woo an Ti tɔ bɔa, wo maa, a Be, tɔ bɔ a zo. Mi lé é ’ka maa Bale Be tɔ bɔa lo, an Ti lé é an pa zia, é ’ka ’bɛ tɔ bɔa lo.

Ébrunu 1:6

Yé é ziin, bléyian va lé élé né vininzan pa zia tɛrɛ la, é léé: Kazambale lé lanjenu faa a bɔ ma.

1 Jan 4:9

Fɛan zo lé kaa sɔ Kazambale lɛ, é a nagɔɔn ’ko zo: Kazambale é Be wɔlɛ do kpen pa zia tɛrɛ la, kaa bélile a ma we gi.

3 Jan 1:1

An béé wezan Gaius lé i sɔ an lɛ webozen nya, an we i va. Maa, léglizi gi mi segele, maa ɛ ke sɛbɛ ’ko pana i lɛ zia.