Maak 12:24 - Kazambale lé Sebe Sauunu 1979

²⁴ Jézu a zi pa wo lɛ léé: Ka ’ka Kazambale lé sɛbɛnu dɔɔa lo, yé ka ’ka Kazambale lé plɛplɛ dɔɔa lo, ’té ka ’ka saan loo?

Maak 12:24 ပူးပေါင်းရင်းမြစ်များ

Wepélisiananu 18:14

Gakelebale kelewe aa? Bléyi lé maa a dɔ, maa dan da lɛ ’bɛ bléyi nya i va, bléyi ’ko bɛ nya, lɛɛ bɛ gi, yé Sara é dan né yaa lɛ gɔné nya.

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Ézai 26:19

Amalé, ’ilé migalenu vuo ma; ’I anlé migalenu nwa ma. Ka lé ka ke vun va, ’ka vuo, ka gi ’é nana, Naa, Bale lé fli a mivoéyuɛma fli nya, Yé é dan vɔ lɛ migalenu ta.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Jérémi 32:17

Aa, Mizan Gakelebale, bé ye, i lanu valé tɛrɛ kɛlɛ ilé plɛplɛ blɛn valé i bɛ plɛplɛ nya; i givuruwe do kpen ’ka lo.

Daniɛl 12:2

Munu lé wo ke yiɛna vun gi, wo va mi kiɛre é dan vuo lɛ, vole é yuɛma lé a glɛ ’ka lo, é dan kɛlɛ lɛ wo va mi kenu zé nya; serelebole valé yaragyɛwe lé é ’ka nyaan lo, é dan kɛlɛ lɛ wo va mi kenu zé nya.

OZÉ (Osée) 13:14

Maa dan wo si lɛ gamunu nyanana lé plɛplɛ lee; maa dan wo si lɛ ga boen lee. Gaoo ga, ilé bawurumagyɛ a kyɛɛn? Gamunu nyanana, ilé mi guru zanale a gi a kyɛɛn? Naa, maa ’ka wo bli nɔlale yé lo.

OZÉ (Osée) 6:2

É dan ko béli lɛ yi fié gi, a yi yaazan nya é dan ko nwa lɛ, yé ko dan vo lɛ é yuɛma a va.

OZÉ (Osée) 6:6

An lɔrɔ pale sɔ an lɛ, naa, an banle ’ka sɔa an lɛ lo; dé mi an dɔɔ, ’bɛ sɔ an lɛ é mini an banwi lé wa kyɛ blé, a ta.

OZÉ (Osée) 8:12

Dé maa anlé bélidɔwe sɔnné faa gyɛ a lɛoo, éé a yé bélé bɛn bɛ lé we zo.

Matio 22:29

Jézu lé wo lɛ léé: Ka ’ka Kazambale lé sɛbɛnu dɔɔa lo, yé ka ’ka Kazambale lé plɛplɛ dɔɔa lo, amalé ka saan.

Maak 10:27

Jézu wo nagini yé é léé: Munu ’ka bɔa a kɛlɛle lɛ lo, naa, Kazambale ɛ bɔalɛ. Kazambale éé bɔa we faa kɛlɛle lɛ.

Maak 12:23

Gamunu nwabléyi va, lezan é dan kɛlɛ lɛ a kyɛn ɛ na nyaa? Naa, woo sɔrafié faa na lé é ke a nya.

Maak 12:25

Gamunu nwabléyi va gɔnénu ’ka dan le si lɛ lo; yé lomu ’ka dan bo si lɛ lo, naa, wo dan kɛlɛ lɛ bélé lanjenu lé wo ke la gi, wo zo.

WENÉNÉ LÉ LUK A GYE (Évangile selon Luc) 1:37

Naa, we do kɛlɛle ’ka Kazambale keleé lo.

WENÉNÉ LE JAN A GYE (Évangile selon Jean) 20:9

Naa, we lé é ke é gyɛle Kazambale lé sɛbɛ gi léé, é a lé Jézu é nwa gamunu va, wo ’ka tan ’bɛ gi ’ma lɛ lo.

WENÉNÉ LE JAN A GYE (Évangile selon Jean) 5:39

É a ka gi léé, vole é yuɛma lé a glɛ ’ka lo, a ’wuo a Kazambale lé sɛbɛ nya, amalé ka ke a gi kulina. Kazambale lé sɛbɛ ’ko, ’bɛ ɛ an gɔɔn‐an ka lɛ.

Kelewenu 17:11

Juifinu ’ko, ’bɛnu bli a é zima é mini Tɛsalɔnik munu zé ta. ’Bɛnu dére ’ko nyi si é kele yé ’bɛnu vo Bale lé sɛbɛ gi ginina yi do do ma, we lé wa fena ’wo lɛ, dé weboen léé? yé wa ye.

Rom munu 15:4

Yé we faa lé wa gyɛ é kyɛn sɛbɛ gi, wa gyɛ we paale kaa gi we ma, léé, kaa bli ’é kɛlɛ we lɛ. Dé kaa bli kɛlɛ tiéé, ’té Kazambale lé sɛbɛ éé kaa tɔrɔ paan, ’bɛna lé kaa bli é dan kɛlɛ lɛ we lɛ.

Éfez munu 1:19

kaa lé kaa bli paan a lɛ, Kazambale a plɛplɛ é baba kaa mawe kɛlɛna fɛan zo koo, yé ka a dɔɔ.

Filip munu 3:21

É dan kaa kɔlɛ ple tavɔɔ lɛ, plɛplɛ lé éé fɛnu faa plaan ’é wuo a nya bɛ, yee plɛplɛ duo nya, yé é kaa kɔlɛ kɛlɛ bélé ézé kɔlɛ bile planplan zo.