Maak 12:2 - Kazambale lé Sebe Sauunu 1979

² Dé dɔrɔporo sobléyi pa, é ’é wuozan do pa zia féinwiinzannu va, léé, ’é go ’ézé si wo va.

Maak 12:2 ပူးပေါင်းရင်းမြစ်များ

2 Minwiinzannu 17:13

Gakelebale we pla Izraɛl valé Juda lɛ élé balelayezannu faa valé fɛnayezannu faa lɔlu nya, yé é lé wo lɛ léé: ’Ka si kalé zi naané ta, ’ka tawo anlé bélidɔwe yɛrama, ’ka an déretawe kɛlɛ, yé bélidɔwe lé maa a fe ka tranu lɛ yé maa a pa ka lɛ zia an wuozannu balelayezannu nya, ’ka a faa kɛlɛ tegele.

2 Minwiinmunu lé Wezuofe Sɛbɛ 36:15

É sɔ Gakelebale wo tranu lé Bale lɛ léé, ’é élé munu valé ébozé nyanana tadɔ, amalé éé munu nwunvɔa wo va yifaama, léé, ’wo ’élé we pla wo lɛ.

Ezidras 9:11

’té bii a nɔ ko lɛ i wuozannu balelayezannu nya, a fele nya léé: Tɛrɛ lé ka dan go lɛ a ta, a kɛlɛle kazé nya we ma bɛ, munu a tiri dɔ we tiridɔlenu nya, é sia a glɛ do ma yé é bɔ a glɛ koɛ ma, wa fan bozowenu valé wolé we tiridɔlenu kɛlɛle nya.

Lɛrɛvɔ Sɛbɛ 1:3

É a bélé yili lé wa suru ’yi lé éé yoroan, a sɔnɔ, ’Té éé poro baan é poro baa bléyi va, ’Té a laanu ma ’ka yuruan monomono lo, a zo: We faa lé éé a kɛla, a nyian é dan wo lɛ a ma.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 44:4

Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

Misé 7:1

Yiba! Mɛ nyanainya we ɛ bɔ an ma a zoo? Maa a bélé mi lé é go féi gɔi, a zo, bélé mi lé é go dɔrɔ gɔi, a zo. Dɔrɔporo do kpen ’ka lo; bɔrɔyili poro lé an bli bɔ a ma, a do kpen ’ka lo.

Zakari 7:7

Bléyian va lé munu a é nyanale Jérusalɛm woboma duaa, é valé é zi flanu nya, ’té munu a é nyanale yirinwana bɛyilazia fɛna pɛblɛɛna, we lé Gakelebale a fe balelayemunu vininnu lɔlu nya ’bɛ bléyi va, ka ’ka a gi dɔɔa loo?

Matio 21:34

Dé dɔrɔporo sobléyi pa é ’é wuomunu nwunvɔ élé féinwiinzannu va élé féi dɔrɔporo sile we ma.

Maak 12:1

’Bɛ zuo Jézu kun gɔnénu vɔle ma wo lɛ. Gɔnézan do dɔrɔféi pa. É gɔrɔ bo a zi, yé é dɔrɔ borona kɛlɛ yé é dɔtafɛ kɛlɛ féi naginile we ma. A zuo é a bɛ pa féinwiinzannu lee, léé, ’wa guli wo nya, yé é si tɛrɛ ’ko la.

Maak 12:3

Yé wa kun, yé wa bla, yé wa bin é lee koro nya.

WENÉNÉ LÉ LUK A GYE (Évangile selon Luc) 12:48

Naa, mi lé é ’ka a gi dɔɔa lo, yé wenu lé é a lé wa bla a ma, yé é wo kɛlɛ bɛ, wo dan a bla lɛ sɛ. Mi lé wo fɛ nɔ a lɛ kiɛre, a lee lé wo dan fɛ kiɛre laa lɛ, yé wo dan a taa laa lɛ, mi lé wo fɛ kiɛre bɛ pa a lee, ’bɛzan lee.

WENÉNÉ LÉ LUK A GYE (Évangile selon Luc) 20:10

Dé dɔrɔporo sobléyi bɔ, é ’é wuozan do pa zia féinwiinzannu va, wolé féifɛ ke nɔle a lɛ we gi. Naa, féinwiinzannu a bla yé wa pa zia é lee koro nya.

Ébrunu 1:1

É kyɛn Kazambale we fe kaa tranu lɛ gɔnɔ kiɛre valé bɛ kiɛre ma, balelayemunu lɔlu nya.