Maak 12:14 - Kazambale lé Sebe Sauunu 1979

¹⁴ Yé wo da yé wo lé a lɛ léé: Kozan, ko a gi dɔɔ léé, i wezen fé, yé mi bɛnu lé we ’ka i yuɛ gi bɔa lo, yé i ’ka mi ginian é kɔlɛ ma lo, yé i Kazambale lé zi gɔɔn‐an munu lɛ webozen yɛrama. A se a munu lɛ léé, wo gɔɔli banwo Sézaa lɛ laa? té wa banwo loo? É a lé ko a banwo laa? té ko a banwo loo?

Maak 12:14 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 18:13

Misé a zi pa léé: Gakelebale a é yuɛma. We lé anlé Bale é dan a fe lɛ, yee lé maa dan a fe lɛ.

2 Minwiinmunu lé Wezuofe Sɛbɛ 19:7

Sin, kanale Bale lee ’é kɛlɛ ka gi ma. ’Ka yuɛ pa ka kɛlɛwenu va, naa, weple do kpen ’ka Gakelebale, kolé Bale gi lo; é ’ka mi naginian é kɔlɛ ma lo, yé é ’ka dɔa mi zuo é leefɛ ma lo.

Néémi 9:37

Kolé wenyanénu lé we ma, minwiinzan blɛnnu lé i ko pla wo wuo, tɛrɛ tafɛnu gi gyɛ wozé nya. Woo plaan ko nwiin wolé blibɔmale yɛrama, ko kɔlɛnu koo, kolé winu koo, ko nwiin, yé ko a nyané blɛn blena.

Lɛrɛvɔ Sɛbɛ 120:2

Gakelebale, ’i an si munu lé woo viéwoo, wo lee, Munu lé woo dabli kɛla wo nɛnɛ nya, ’i an si wo lee.

Lɛrɛvɔ Sɛbɛ 55:21

Munu lé wo ke wo nya drɔɔ bɛ, éé bɛ nwaan wo ma, Gipawe lé wa kɛlɛ, é a sɛrɛ;

Jérémi 42:20

Ka a gi kɛlɛna kabozen lɛ. Naa, ka an pa zia Gakelebale kalé Bale va, a fele nya léé: ’I go kolé muun nya Gakelebale kolé Bale va. We faa lé Gakelebale kolé Bale é dan a fe lɛ, bé fe ko lɛ yé ko dan a kɛlɛ lɛ.

Misé 3:8

Naa, dé é a maa nya, maa a plɛplɛ é baba, yé Gakelebale Léli a an ta; we tegele a an gi, yé an fuu a an ta, Jakɔb lé wenyané blɛn gɔɔnle é lɛ we ma, ’bɛ valé Izraɛl lé wenyané gɔɔnle é lɛ we ma.

Matio 22:16

Farizimunu ’wozé munu valé Érɔd zuo munu nwunvɔ a va yé ’bɛnu lé a lɛ léé: Kozan, ko a gi dɔɔ léé, i wezen fé yé i Kazambale lé zi ta tawole paan munu gi webozen yɛrama; mi bɛnu lé we ’ka i yuɛ gi bɔa lo, yé i ’ka mi naginian é kɔlɛ ma lo.

Matio 22:17

Naa, é dɔ i gi kaa? A se a munu lɛ léé, ’wo gɔɔli banwo Sézaa lɛ laa, té wa banwo loo? ’Bé fe ko lɛ.

Maak 12:13

Yé mi segelenu Farizimi kenu valé Érɔd zuo mi kenu nwunvɔ Jézu va, léé, ’wo dia a zi yé abo dére a kun we nya.

Maak 12:15

Jézu wolé wobo drɔle dɔɔ, yé é lé wo lɛ léé: Mɛmalé ka an gi daan? ’Ka da dénié do nya maa a ye.

Maak 14:45

Judas bɔ aan wo tɔɔn, é bié Jézu ma yé é léma: Anzan. Yé é a tuu gyɛ.

WENÉNÉ LÉ LUK A GYE (Évangile selon Luc) 20:22

A se a ko lɛ léé, ko gɔɔli banwo Sézaa lɛ laa, té ko a banwo loo?

WENÉNÉ LÉ LUK A GYE (Évangile selon Luc) 23:2

Wo kun we dɔle ma a nwiin yé wo léé: Ko bɔ mi ’ko ma kolé munu gi pana léé, ’wo nwa minwiinzan blɛn ma, a fele nya léé, té wo gɔɔli banwo Sézaa lɛ lo, yé é léé, yeebozen ɛ ke Krist nya, minwiinzan nya.

WENÉNÉ LE JAN A GYE (Évangile selon Jean) 7:18

Mi lé é ke we fena ébo dére nya abozen tɔbɔle lé é ke a ginina; naa, mi lé é ke é nwunvɔzan tɔbɔle ginina, ’bɛzan lé wefele a tegele yé weple do kpen ’ka ’bɛzan gi lo.

Rom munu 13:6

We ’ko duo ma lé ka lɛnpo banwoo. Minwiinmunu a Kazambale wuozannu lé wo yara ke é pale nyanama ’ko ta, wo nya.

2 Korɛnt Munu 2:17

Naa, ko ’ka Kazambale dére vɔɔan vié nya lo, bélé fɛan zo lé mi kiɛre a kɛla, a zo lo. Ko a Krist lé munu nya yé ko a fé tegele, Kazambale dére nya, Kazambale yuɛ va.

2 Korɛnt Munu 2:2

Naa, dé an ka bli gi kyɛ dɔa, de ɛ bɔa an gi nanale lɛɛ? ’Té dé é ’ka mi lé maa a gi kyɛ dɔa, ’bɛzan nya lo.

2 Korɛnt Munu 4:1

Ko nyanama ’ko ye Bale lé nyanai zénle ko ta nya, amalé dé ko a pana ko fuu ’ka sié ko ta lo.

2 Korɛnt Munu 5:11

Ko kanale Mizan lee gi dɔɔ, bɛwemalé ko a kwa kulina léé, ko munu bɔn gi kini; naa, Kazambale ko dɔɔ é zima, yé an bli a a lɛ léé, ka bli gi mi, ka ko dɔɔ é ziin.

2 Korɛnt Munu 5:16

Bɛwemalé, é sia bléyi ’ko va, ko ’ka mi do kpen dɔɔa mi nya tɛrɛlamunu lé midɔɔbɛ nya lo, yé dé ko Krist dɔɔ tɛrɛlamunu lé midɔɔbɛ nya é kyɛn, lao ko ’ka a dɔɔa é dɛrɛ ’bɛ bɛ gi lo.

Galasi munu 1:10

Yé lao, maa a a va léé, munu ɛ an ye mi zin nya laa, taa, Bale ɛ an ye mi zin nyaa? Taa, maa a kwa kulina léé, anlé we é sɔ munu lɛɛ? Dé maa a tan kwa kulina léé, anlé we é sɔ munu lɛ, ’té maa ’ka kɛla kɔɔn Krist wuozan nya lo.

Galasi munu 2:6

Munu lé wo ke zilɛzannu nya bɛ, dé wolé we a kaa? ’bɛ ’ka an yuɛ gi bɔa lo, Kazambale ’ka mi naginian é kɔlɛ ma lo; maa léé, zilɛzan ’konu, wozé Wenéné fele ’ka anzé taa pa lɛ lo.

Bélidɔwesɛbɛ Fiézan 16:19

Té ka we tegele bɛ gi plɛn lo; té ka dɔ mi zuo é leefɛ ma lo, té ka fɛ si munu lee weblele we gi lo, naa, éé wedɔɔmunu yuɛ ’wiié yé éé mi tegelenu dére sɛra.

1 Tɛsalɔnik munu 2:4

Naa, Kazambale a ye léé, a yara lé é Wenéné fele bɛ pa ko lee, bɛwemalé ko we fé. Ko ’ka kwa kulina léé, kolé we ’é sɔ munu lɛ lo; naa, Kazambale lé é ko bli gi ginian, ko a a va léé, kolé we ’é sɔ yee ɛ lɛ.