Maak 10:33 - Kazambale lé Sebe Sauunu 1979

³³ Ka ye, kaa a gona Jérusalɛm yé wo dan maa blami Be pa lɛ Balebanmunu segelenu valé sɛbɛgifemunu lee. Wo dan ga dɔ lɛ an nwiin, yé wo dan an nɔ lɛ bɛn bɛnu lɛ,

Maak 10:33 ပူးပေါင်းရင်းမြစ်များ

Ézai 53:3

Munu serele bo a ma yé wo sɔn vɔ a ma, Kleblezan lé, nyanéblezan lé, Bélé mi lé wo yara si a ta, a zo; Ko lɔlu plɛn a ma, yé é ’ka ko yuɛgi bɔ lɛ lo.

Matio 16:21

É sia ’bɛ bléyi va, Jézu kun we gɔɔnle ma wo lɛ, yé é léé: É a lé an go Jérusalɛm, é a lé an nyané ble mi segelenu valé Balebanmunu segelenu valé sɛbɛgifemunu lee; é a lé wo an gyɛ yé yi fié a yaazan nya yé an nwa gamunu va.

Matio 26:66

Wo léé: A ga yara lé!

Matio 27:2

Wo bale vɔ a ma yé wo goan yé wa nɔ gbɔrɔnama Pɔns Pilat lɛ.

Maak 14:64

Ka sɔnɔ dére ’ma sin a ta. É dɔ ka gi kaa? Yé wo faa léé: ’Wa ’gyɛ, wa gyɛ, ’wa ’gyɛ!

Maak 15:1

Bladi tutu, Balebanmunu segelenu koo, mi segelenu koo, sɛbɛgifemunu koo, mi bɛnu lé ke webolikinimunu nya, wo koo é ziin, wo kun wo va weblele ma. Dé wo bale vɔ Jézu ma faa wo goan yé wa nɔ Pilat lɛ.

Maak 8:31

Yé é kun we paale ma wo gi yé é léé: É a lé maa blami Be, an nyané ble é baba; é a lé mi segelenu koo, Balebanmunu segelenu koo, sɛbɛgifemunu koo, ’wo sɔn vɔ an ma; é a lé ’wo an gyɛ, yé yi fié a yaazan nya yé an nwa gamunu va.

Maak 9:12

Jézu a zi pa wo lɛ léé: Éli é dan da lɛ é vinin, weboen nya. É dan wenu faa dɔ lɛ wo dɔbɛ gi é ziin. Yé mɛmalé wo maa blami Be lé we gyɛ sɛbɛ gi léé, é a lé an nyané ble é baba yé wan ye boami nyaa?

Maak 9:31

Yé é we paa é zuomunu gi, yé é lé wo lɛ léé: Wo dan maa blami Be pa lɛ munu lee, yé wo dan an gyɛ lɛ, yé dé wo an gyɛ faa, yi fié a yi yaazan nya an dan nwa lɛ é ziin.

WENÉNÉ LÉ LUK A GYE (Évangile selon Luc) 23:21

Naa, wo siaa léé: ’Bé gyɛ yili la! ’Bé gyɛ yili la!

WENÉNÉ LÉ LUK A GYE (Évangile selon Luc) 9:22

Yé é we taa fe léé: É a lé maa blami Be, an nyané ble é baba; é a lé mi segelenu koo, Balebanmunu segelenu koo, sɛbɛgifemunu koo, wo sɔn vɔ an ma; é a lé wo an gyɛ yé yi fié a yaazan nya yé an nwa gamunu va.

WENÉNÉ LE JAN A GYE (Évangile selon Jean) 18:28

Wo si Jézu nya Kaifu va, yé wo go a nya weblekɔn gi é bladi. Wobozen ’ka wɔra lɛ weblekɔn gi lo, dé wo da Taboyi sɔnné sɛrɛ yé wo ’ka bɔa Taboyi lé fɛ blele lɛ lo.

WENÉNÉ LE JAN A GYE (Évangile selon Jean) 18:32

Wo we ’ko fe, we lé Jézu a fe é kyɛn léé, é dan ga lɛ fɛan zo, a lɛ sɔɔle we ma.

WENÉNÉ LE JAN A GYE (Évangile selon Jean) 19:11

Jézu lé a lɛ léé: Dé wo ’ka a se kɛlɛ lɛ i lɛ lagi loru lo, i ’ka bɔa we do kpen kɛlɛle lɛ an lɛ lo. Bɛwemalé, mi lé é an nɔ i lɛ, alé wenyané blɛn mini izé ta.

Kelewenu 13:27

Naa, Jérusalɛm munu valé wo nwiinmunu wo ’ka Jézu dɔɔ lɛ lo. Balelayemunu dére lé, wa ta fé flinyi faa nya, wo ’ka ’bɛ gi ’ma lɛ lo yé wo yee sɛbɛgiwe lɛ sɔɔ we dɔle Jézu nwiin nya.

Kelewenu 20:22

Yé lao, ka ye, Kazambale Léli an nyunu léé, ’an go Jérusalɛm. Wean é dan bɔ lɛ an ma ana mi, maa ’ka a gi dɔɔa lo.

SEBE LÉ JAK A GYE (Épitre de Jacques) 5:6

Ka ga dɔ mi tegele nwiin, yé ka a gyɛ, yé é ’ka nyana vɔ lɛ lo.