Maak 10:17 - Kazambale lé Sebe Sauunu 1979

¹⁷ Dé Jézu a zi siana, gɔné do da vlan nya a va, yé é zun é powuo la a ’lɛ, yé é we laa a lee léé: Anzan zin, maa kɛla kaa yé an vo é yuɛma lɛɛfaama yé a glɛ ’ka dɔa loo?

Maak 10:17 ပူးပေါင်းရင်းမြစ်များ

Daniɛl 6:10

Daniɛl a ’ma aan wo léé, wo bélidɔwe ’ko gyɛ, é go élé kɔn gi kɔn ta loru kɔnmi lé alé fɛnɛtinu lɛ ke é sole Jérusalɛm vazia, a gi; yé yi do gɔnɔ yaa éé zunwo é powuo la, ’té éé bazoroan, ’té élé Bale tɔ zin fé bélé fɛan zo lé éé a kɛla é kyɛn, a zo.

Matio 17:14

Wo bɔ aan wo mi gu sɔnɔ, mi do da yé é powuo zun Jézu ’lɛ, yé é léé:

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 28:8

Wo si gɔlɛkoro ’léé é kele, kanale valé gi nanale blɛn nya, yé wo vlan si we ’ko zuo fele a zuomunu lɛ we ma.

Maak 1:40

Pantɛngyɛzan do da Jézu va; yé é powuo zun tɛrɛ va, yé é we fe a lɛ dunu vɔ ma dére nya léé: Dé é sɔ i lɛ, i bɔalɛ, yé i pantɛn si an ma.

Maak 10:18

Yé Jézu lé a lɛ léé: Mɛmalé i maa laan mi ziin? Kazambale do kpen ɛ ke é zin.

Maak 12:14

Yé wo da yé wo lé a lɛ léé: Kozan, ko a gi dɔɔ léé, i wezen fé, yé mi bɛnu lé we ’ka i yuɛ gi bɔa lo, yé i ’ka mi ginian é kɔlɛ ma lo, yé i Kazambale lé zi gɔɔn‐an munu lɛ webozen yɛrama. A se a munu lɛ léé, wo gɔɔli banwo Sézaa lɛ laa? té wa banwo loo? É a lé ko a banwo laa? té ko a banwo loo?

Maak 9:25

Jézu a ye aan wo léé, mi faa a dana ’é va, é siaa yo tiridɔle ta, yé é léé: Bii bobogyɛ yo lé i mi gya bobo nya ’té i mi tɔné ’wiié, ’i si né ’ko gi, té i wɔra a gi é dɛrɛ lo.

WENÉNÉ LÉ LUK A GYE (Évangile selon Luc) 10:25

Bélidɔwedɔɔzan do nwa yé é Jézu gi dan a fele nya léé: Anzan, maa kɛla kaa yé an vo é yuɛma lɛɛfaama yé a glɛ ’ka dɔa loo?

WENÉNÉ LE JAN A GYE (Évangile selon Jean) 3:2

É da Jézu va é béli, yé é lé a lɛ léé: Anzan, ko a gi dɔɔ léé, bii a wepaamigizan lé é si Kazambale va, a nya. Gyɛzorowenu lé bé kɛla ’ko, dé Kazambale ’ka mi va lo, é ’ka bɔa wo kɛlɛle lɛ lo.

WENÉNÉ LE JAN A GYE (Évangile selon Jean) 5:39

É a ka gi léé, vole é yuɛma lé a glɛ ’ka lo, a ’wuo a Kazambale lé sɛbɛ nya, amalé ka ke a gi kulina. Kazambale lé sɛbɛ ’ko, ’bɛ ɛ an gɔɔn‐an ka lɛ.

WENÉNÉ LE JAN A GYE (Évangile selon Jean) 6:40

An Ti lé blibɔmawe lé é ke ’ko: dé miomian é an ye a Be nya, yé a bli vo an lɛ, vole é yuɛma lé a glɛ ’ka lo, é wɔra ’bɛ gi, yé maa dan a nwa lɛ gamunu va yi voélazan nya.

Kelewenu 16:30

É wo bɔra yé é léé: Anzannu, maa kɛla kaa yé an si we gii?

Kelewenu 2:37

Wo we ’ko ’ma aan wo, é zun wo bli ma yé wo lé Piɛri valé nwunvɔmunu bɛnu lɛ léé: Ko bwenu, ko kɛla kaa?

Kelewenu 20:32

Laona, an ka vo Kazambale lee, é valé alé zin dére lee; mi lé é bɔalɛ, é ka tin yé é tɔnɔfɛ nɔ ka lɛ é va, munu faa lé é wo pa é yɛrama, wo va bɛ, maa ka vo ’bɛzan lee.

Kelewenu 9:6

’I nwa, ’i bɔra fla, yé wean é a lé bé kɛlɛ, wo dan a fe lɛ i lɛ ’bɛna.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Rom munu 6:23

Yé wenyané ma ban lé ke ga nya, naa, Kazambale lé blɛ pla lé ke vole é yuɛma lé a glɛ ’ka lo, a nya, Kaazan Jézu Krist gi.

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,

Tite 3:7

dé é ko kɛlɛ tegele élé zin ma faa yé ko bli ’é kɛlɛ vole é yuɛma lé a glɛ ’ka lo, a yele lɛ.

Ébrunu 1:14

Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

1 Piɛri 1:4

É ziin, é kaa yaa é dɛrɛ kaalé tɔnɔ blele we gi. Tɔnɔ ’ko ’ka sɛra lo, a tiri ’ka dɔa lo, a ma ’ka yuruan lo yé a ta a é dɔle la gi kazé nya.

1 Jan 2:25

We lé Jézu a ma blivolɛdére fe kaa lɛ, yee lé é ke ’ko: kaa dan vo lɛ é yuɛma lɛɛfaama, a glɛ ’ka lo.