WENÉNÉ LÉ LUK A GYE (Évangile selon Luc) 9:44 - Kazambale lé Sebe Sauunu 1979

⁴⁴ ’Kaanu, ’ka tɔné dɔ we ’ko lɛ é zima ma: wo dan maa blami Be pa lɛ munu lee.

WENÉNÉ LÉ LUK A GYE (Évangile selon Luc) 9:44 ပူးပေါင်းရင်းမြစ်များ

2 Samuɛl 24:14

David a zi pa Gad lɛ léé: Anlé nyané a blɛn! Gakelebale ’é kolé we ble ma, naa, a nyanai éé zén‐é é baba; té munu é kolé we ble lo.

Matio 16:21

É sia ’bɛ bléyi va, Jézu kun we gɔɔnle ma wo lɛ, yé é léé: É a lé an go Jérusalɛm, é a lé an nyané ble mi segelenu valé Balebanmunu segelenu valé sɛbɛgifemunu lee; é a lé wo an gyɛ yé yi fié a yaazan nya yé an nwa gamunu va.

Matio 26:2

Ka a gi dɔɔ léé, Taboyi lé fɛti yi vo fié yé wo dan maa blami Be pa lɛ munu lee, an gyɛle yiliblan ta we gi.

Maak 8:31

Yé é kun we paale ma wo gi yé é léé: É a lé maa blami Be, an nyané ble é baba; é a lé mi segelenu koo, Balebanmunu segelenu koo, sɛbɛgifemunu koo, ’wo sɔn vɔ an ma; é a lé ’wo an gyɛ, yé yi fié a yaazan nya yé an nwa gamunu va.

Maak 9:31

Yé é we paa é zuomunu gi, yé é lé wo lɛ léé: Wo dan maa blami Be pa lɛ munu lee, yé wo dan an gyɛ lɛ, yé dé wo an gyɛ faa, yi fié a yi yaazan nya an dan nwa lɛ é ziin.

WENÉNÉ LÉ LUK A GYE (Évangile selon Luc) 1:66

Munu faa lé wo we ’konu ’ma, wo vo a bɔrɔna wo bli gi, a fele nya léé: Né ’ko é dan kɛlɛ lɛ mɛ fɛ nyaa? Weboen nya, Mizambale bɛ zin a a ta.

WENÉNÉ LÉ LUK A GYE (Évangile selon Luc) 18:31

Jézu mi vu ta fié bié ’é sɔnɔ yé é lé wo lɛ léé: Ka ye, kaa a gona Jérusalɛm yé we faa lé balelayemunu a gyɛ maa blami Be lé we ma, a lɛ é dan sɔɔ lɛ.

WENÉNÉ LÉ LUK A GYE (Évangile selon Luc) 2:19

Mari we ’konu faa ta dɔ é bli gi, ’té éé wo bɔrɔan é bɔn‐in.

WENÉNÉ LÉ LUK A GYE (Évangile selon Luc) 2:51

’Bɛ zuo é go wo va Nazarɛt, yé é pla wo wuo. We ’konu faa vo a bu bli gi.

WENÉNÉ LÉ LUK A GYE (Évangile selon Luc) 24:44

A zuo yé é lé wo lɛ léé: Bléyian va lé maa ke yi la ka va, maa a fe ka lɛ léé, we lé wa gyɛ an ma we nya Moizi lé bélidɔwe koo, balelayemunu lé sɛbɛnu koo, lɛrɛvɔ sɛbɛ koo, wo gi, é a lé wo faa lɛ é sɔɔ. Yeean é kɛlɛ ’ko loo?

WENÉNÉ LÉ LUK A GYE (Évangile selon Luc) 9:22

Yé é we taa fe léé: É a lé maa blami Be, an nyané ble é baba; é a lé mi segelenu koo, Balebanmunu segelenu koo, sɛbɛgifemunu koo, wo sɔn vɔ an ma; é a lé wo an gyɛ yé yi fié a yaazan nya yé an nwa gamunu va.

WENÉNÉ LE JAN A GYE (Évangile selon Jean) 16:31

Jézu lé wo lɛ léé: Ka dɔ sin ’bɛ taa?

WENÉNÉ LE JAN A GYE (Évangile selon Jean) 16:4

Maa we ’konu fe ka lɛ léé, dé a bléyi bɔ, yé a sele ’é dɔ ka gi léé, maa wo fe ka lɛ. A pélisiana, ’té maa a ka va, bɛwemalé maa ’ka a fe lɛ ka lɛ ’bɛ bléyi va lo.

WENÉNÉ LE JAN A GYE (Évangile selon Jean) 19:11

Jézu lé a lɛ léé: Dé wo ’ka a se kɛlɛ lɛ i lɛ lagi loru lo, i ’ka bɔa we do kpen kɛlɛle lɛ an lɛ lo. Bɛwemalé, mi lé é an nɔ i lɛ, alé wenyané blɛn mini izé ta.

Kelewenu 2:23

we lé Bale a kɛlɛ é kyɛn, é valé ébo dɔɔwe yɛrama lé wo Jézu ’ko pa ka lee, yé ka a nɔ mi nyanénu lɛ léé, ’wa blin yili la.

Ébrunu 2:1

Bɛwemalé, wenu lé kaa wo ’ma, é a lé kaa wo kɛlɛ kaa bli faa nya, dé wo da saan kaa gi.