WENÉNÉ LÉ LUK A GYE (Évangile selon Luc) 9:26 - Kazambale lé Sebe Sauunu 1979

²⁶ Naa, mian é yara gya maa valé an dérenu lé we ma, yara é dan maa blami Be gyɛ lɛ ’bɛzan lé we ma, yian nya lé an dan da lɛ, maabozen koo, an Ti koo, lanje sauunnu koo, wolé fua gi, a yi nya.

WENÉNÉ LÉ LUK A GYE (Évangile selon Luc) 9:26 ပူးပေါင်းရင်းမြစ်များ

Ézai 53:3

Munu serele bo a ma yé wo sɔn vɔ a ma, Kleblezan lé, nyanéblezan lé, Bélé mi lé wo yara si a ta, a zo; Ko lɔlu plɛn a ma, yé é ’ka ko yuɛgi bɔ lɛ lo.

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Matio 26:64

Jézu a zi pa a lɛ léé: Yee lé bé fe bɛ. ’Bɛ ta loru, maa lé ka lɛ léé, é sia bléyi ’ko va, ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

Maak 8:38

Naa, mian éé yara gya maa valé an dérenu lé we ma, bléyi ’ko vamunu lé wo ke pɛnpɛnnégyɛzannu valé wenyanékɛlɛzannu nya, wo méléna, dé maa blami Be da an Ti lé fuasan nya, é valé lanje sauunnu nya an va, yara é dan an gyɛ lɛ ’bɛzan lé we ma é ziin.

WENÉNÉ LE JAN A GYE (Évangile selon Jean) 12:43

Naa, munu lé wo tɔbɔle sɔ wo lɛ é mini Kazambale lé wo tɔbɔle ta.

WENÉNÉ LE JAN A GYE (Évangile selon Jean) 5:44

Ka a ka ke tɔ bɔna, yé Kazambale lé ’bɛ ke Bale nya é do kpen, ka ’ka a va léé, ’bɛ é ’wo tɔ bɔ lo; ka bɔa ka bli vole lɛ an lɛ kaa?

Kelewenu 10:22

Wo lé a lɛ léé: Kɔɔnéi lé ke sunyayɔsoru ’lɛzan nya, mi tegele lé éé kanaan Bale lee, a nya, ’té Juifinu faa ke a ma we zin fena bɛ, Bale we fe a lɛ lanje sauun do lɔlu nya léé, ’é mi nwunvɔ i laana léé, ’i go alé kɔn ’léé, yé ’é i dérenu ’ma. Amalé ko da.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

2 Korɛnt Munu 12:10

Bɛwemalé an tɔɔtɔɔnu koo, an sɔnɔle koo, diri kinile an lɛ koo, nyanéblele koo, kleblele koo, an dɔle wo wuo Krist lé we ma é a an ginanawe nya; naa, dé maa a tɔɔtɔɔ, ’té maa a plɛplɛ.

Galasi munu 6:14

Naa, dé é a maa nya, dé é ’ka Kaazan Jézu Krist lé yiliblan lé we nya lo, ’té an ’ka anbo ze vɔa we do kpen gi lo. A nya lé tɛrɛlafɛnu ga yiliblan ta an vazia, bélé fɛan zo lé an ga yiliblan ta tɛrɛlafɛnu vazia, a zo.

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

2 Timoté 2:12

dé ko yara pa alé we kɛlɛle ta, ko dan pla lɛ munu nwiin a va; dé ko sɔn vɔ a ma, yee é ziin, é dan sɔn vɔ lɛ ko ma.

Ébrunu 11:26

A sɔnɔ lé wa wo Krist lé we ma, é a ye fuafɛ blɛn nya é mini Éjipiti fuafɛnu ta, naa, a bli a é gooli lɛ tegele.

Ébrunu 13:13

Bɛwemalé, kaa go a va fla nwun zi mi; yaragyɛwe lé é ’wuo dɔ a wuo, kaa ’wuo dɔ yee duo wuo ma.

SEBE LÉ JUD A GYE (Épitre de Jude) 1:14

Wolé we ma lé Énɔk lé é ke Adam kulu sɔrafiézan nya, é balelawe fe léé: Ka yua bɛ, Mizambale da, ’é zuo lé élé munu ’léé kiɛre kiɛre nya,

Wegɔɔnle 1:7

Bé ye, é dan latinu ta. Mi faa é dan a ye lɛ, a fɔnmunu koo é ziin; tɛrɛ la bɛnnu faa é dan wuvɔ lɛ alé we ma. Iin. Amɛɛn.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 3:5

Mian we ’ko ’wuo vo a lɛ, wo dan sɔ fu zén lɛ a ta; yé maa ’ka dan a tɔ fwi lɛ mi bélilenu tɔgyɛla sɛbɛ gi lo, yé maa dan a tɔ bɔra lɛ an Ti valé élé lanjenu yara.