WENÉNÉ LÉ LUK A GYE (Évangile selon Luc) 9:11 - Kazambale lé Sebe Sauunu 1979

¹¹ Mi gu ’bɛ ’ma aan wo yé wo go a zuo. Jézu wo si yé é Kazambale plale mi nwiin lé we fe wo lɛ, yé é ziin, munu lé wo mawe ke bélile gi, é wo béli.

WENÉNÉ LÉ LUK A GYE (Évangile selon Luc) 9:11 ပူးပေါင်းရင်းမြစ်များ

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Matio 12:15

Naa, Jézu a gi dɔɔ aan wo, é si fɛkona. Mi gu blɛn go a zuo. Yé é gyɛgyɛmunu faa béli,

Matio 14:14

Jézu si ’yitagoro gi yé é mi gu ye, yé a nyanai zén wo ta, yé é wo va gyɛgyɛmunu béli.

Matio 21:31

Woo mi fié ’ko, a kyɛnzan ɛ é ti lé blibɔmawe kɛlɛɛ? Wa zi pa léé: A vininzan lé. Yé Jézu lé wo lɛ léé: Maa lé ka lɛ webozen nya léé, vagɔɔlisimunu valé gɔnéginilomu é dan wɔra lɛ Kazambale lé fla ka ’lɛ.

Matio 21:43

Amalé, maa lé ka lɛ léé: Kazambale é dan élé fuatɛrɛ si lɛ ka lee, yé é dan a nɔ lɛ bɛn bɛ lé, ’bɛ é dan a ma tɔnɔ nɔ lɛ a lɛ, ’bɛ lɛ.

WENÉNÉ LÉ LUK A GYE (Évangile selon Luc) 1:53

É lɔrɔgyɛmunu kan Yé é fuazannu pa zia lɔrɔ nya.

WENÉNÉ LÉ LUK A GYE (Évangile selon Luc) 5:31

Jézu kun wefele ma yé é lé wo lɛ léé: Munu lé we do kpen ’ka wo ma lo, wo mawe ’ka dɔtrɔ gi lo, naa, gyɛgyɛmunu ɛ mawe ke a gi.

WENÉNÉ LÉ LUK A GYE (Évangile selon Luc) 8:1

’Bɛ zuo Jézu gié kuru ’léénu valé wolé flanu ta Kazambale lé we fele valé Kazambale plale mi nwiin lé wenéné fele nya; ’té mi vu ta fié a a va,

WENÉNÉ LÉ LUK A GYE (Évangile selon Luc) 8:10

É lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ; naa, woo mi bɛnu zé fé gɔné vɔlenu nya, léé, dé wa nagini, wo ’ka a yé lo; dé wa ’ma, wo ’ka a gi maan lo.

WENÉNÉ LÉ LUK A GYE (Évangile selon Luc) 9:10

Nwunvɔzannu da aan wo wo pa gi Jézu va, wo ’wo zuo faa fe a lɛ. É wo si yé é go wo nya é yɛrama, fla do lé wa laama Bɛtsaida, a sɔnɔ.

WENÉNÉ LÉ LUK A GYE (Évangile selon Luc) 9:12

Yiri bɔ aan wo baa, mi vu ta fié bié yé wo lé Jézu lɛ léé: Kaa a bwi gi ’ko, amalé ’i munu pa zia, ’wo go flanu valé ’wo zi féinu ta yiakɔn valé fɛblele yele we gi.

WENÉNÉ LÉ LUK A GYE (Évangile selon Luc) 9:2

É wo nwunvɔ Kazambale plale mi nwiin lé we fele valé gyɛgyɛmunu bélile we gi.

WENÉNÉ LE JAN A GYE (Évangile selon Jean) 4:34

Jézu lé wo lɛ léé: Mi lé é an pa zia, alé blibɔmawe kɛlɛle koo, alé nyanama pale lɛsɔɔle koo, wo lé ke anlé fɛblele nya.

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

Kelewenu 28:31

Yé é Kazambale plale mi nwiin lé we fe wo lɛ yé é Mizan Jézu Krist lé we paa wo gi gɔrɔ la, yé mi do ’ka a yi ga lɛ a lee lo.

Rom munu 10:14

Mian wo bli ’ka a lɛ lo, wo ’bɛzan tɔ laama kaa? Yé mian wo ’ka alé we ’ma lɛ lo, wo bli vo ’bɛzan lɛ kaa? Yé dé wefezan ’ka lo, woo we maan kaa?

Rom munu 10:17

A zo lé blivole we lɛ éé sié we lé mi a maan, yee ɛ va. Yé we lé mi a maan, éé sié Krist dére ɛ va.

Rom munu 15:3

Yé é ziin, Krist ’ka ébozen sɔlɛwe kɛlɛ lɛ lo; naa, é a é gyɛle sɛbɛ gi ’ko zo, léé: Munu lé woo i sɔnɔan, maa lé wo an sɔnɔ.

2 Timoté 4:2

’i Kazambale dére fe; ’i dɔ a ta plɛplɛ bléyi faa va, dé é a bléyi zin nyaoo, dé é ’ka a nya looo, ’i dɔ a ta plɛplɛ; ’i we vɔ munu lɛ, ’i we pla wo lɛ, ’i kwa kuli wo ma. ’Bé kɛlɛ bli tiéé nya, ’té i we paan wo gi yifaama.

Ébrunu 4:16

Bɛwemalé kaa bié zinblin sɔnɔ bɔn gi kinile nya ma, a nyanai zénle kaa ta we gi, yé dé we bɔ kaa ma bléyian va, yé é zin kɛlɛ kaa lɛ yé é bɔ kaa va.