WENÉNÉ LÉ LUK A GYE (Évangile selon Luc) 8:47 - Kazambale lé Sebe Sauunu 1979

⁴⁷ Lezan a ye aan wo léé, é ta bɔra, é da gligli nya é gi, yé é dia a gane wuo yé wean ma lé é bɛ mane a ma koo, yé bɛan zo lé é béli é nya do koo, é ’bɛ gi fe munu faa lɛ.

WENÉNÉ LÉ LUK A GYE (Évangile selon Luc) 8:47 ပူးပေါင်းရင်းမြစ်များ

Lɛrɛvɔ Sɛbɛ 2:11

’Ka Gakelebale bɔ kanale nya, Ka gi ’é nana manyɔɔnle nya ma.

Lɛrɛvɔ Sɛbɛ 38:9

Anlé plɛplɛ ’ka lo, an wi faa a é sole é ke ’léé. An zuru vɔle bɛ nyané we ma an dunnulenu éé bɔraan an ’léé.

Lɛrɛvɔ Sɛbɛ 66:16

Ka faa lé ka kanaan Bale lee, ’ka da, ’ka tɔné dɔ, Yé we lé é a kɛlɛ an boen lɛ, maa dan a zuo fe lɛ.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

OZÉ (Osée) 13:1

Éfraim lé wefedére éé kana zén‐é mi gi turu; é a Izraɛl va mi blɛn nya. Naa, é we dɔ ébo nwiin Baal lé we ma, yé a bɛn ’ka é dɛrɛ lo.

OZÉ (Osée) 5:3

Maa Éfraim dɔɔ, Izraɛl munu ’ka é yɔɔle an lee lo; Éfraim, sin, i kɛlɛ bɔrɔdɛ kɛlɛzan nya, yé Izraɛl munu wobo tiri dɔ.

Abaku 3:16

Maa ’ma, yé an bɔn gi kɛlɛ wɛwɛwɛ. An dére ’ko ’ma tɔɔn, an lɔlunu nyɔɔn, An wɔlɛnu éé yaan an gi, Yé an powuonu vo tɔɔtɔɔ. É a lé an we tɔntɔn bɔyi lɛbɛn an ta nya é dɔle, Yian nya lé yaamitazan é dan nwa lɛ yé é go guli dan migɔnɔnu ma, a yi nya.

Matio 28:8

Wo si gɔlɛkoro ’léé é kele, kanale valé gi nanale blɛn nya, yé wo vlan si we ’ko zuo fele a zuomunu lɛ we ma.

Maak 5:33

Lezan kana é baba, yé gligli zén a gi. Wean é kɛlɛ a kɔlɛ gi, é a gi dɔɔ. Yé é da yé é dia a gane wuo, yé é webozen faa fe a lɛ.

WENÉNÉ LÉ LUK A GYE (Évangile selon Luc) 8:46

Naa, Jézu léé: Gba, té ka fe ’bɛ zo lo. Mi do é bɛ mane an ma, naa, maa a gi dɔɔ léé, anlé plɛplɛ do nyanama pa.

WENÉNÉ LÉ LUK A GYE (Évangile selon Luc) 8:48

Jézu lé a lɛ léé: An lu, ilé blipale ma lé i béli; ’i go drɔɔ ma.

Kelewenu 16:29

Bokɔnzan kyɛbɔ ma laa, yé é wɔra é kele yé é dia é manyɔɔnle nya Pɔl valé Silas wuo.

1 Korent munu 2:3

Maabozen, dé maa a ka va, maa a tɔɔtɔɔ, ’té an kanaan, ’té gligli éé zén‐é an gi é baba.

2 Korɛnt Munu 7:15

Ka mi lɛdɔma fɛan zo bɛ, yé ka Tite si kalé bɛn nya kanale valé gligli nya ka gi fɛan zo bɛ, dé a sele dɔ Tite gi ka va sɔlɛle kɛlɛ a bli gi blɛn.

Filip munu 2:12

An blibɔmamunu, ka an lɛdɔama yifaama fɛan zo é vinin bɛ, sin, é a lé ka nyanama pa ka bɔle ka sile we gi ’wuoplana we ma, kanale valé manyɔɔnle nya. Té ka a kɛlɛ an yuɛ va saawo lo; naa, sin, bléyian va lé maa ’ka ka va lo, kalé a kɛlɛle gi ’é gyɛ ma.

Ébrunu 12:28

Naa fuatɛrɛ lé ke kaazé nya, ’bɛ ma ’ka dan nyɔɔn lɛ lo, amalé kaa Bale bɔ vɔ yé kaa bɔ a bɔbɛ lé é sɔ a lɛ, a nya, a lɛdɔmale valé kanale a lee nya.

1 Samuɛl 16:4

We lé Gakelebale a fe Samuɛl lɛ é a kɛlɛ yé é go Bɛtléɛm. Fla mi segelenu da a va kana nya wo gi yé wo léé: I da ginanawe ɛ fe lɛɛ?