WENÉNÉ LÉ LUK A GYE (Évangile selon Luc) 8:24 - Kazambale lé Sebe Sauunu 1979

²⁴ Wo bié yé wo Jézu vuo a fele nya léé: Kozan, kozan, ga lé ko wo ’ko! Yé Jézu vuo yé é we fe fu valé ’yi nwalenu lɛ yé ’bɛnu dɔ flee yé fɛ faa vo drɔɔɔ.

WENÉNÉ LÉ LUK A GYE (Évangile selon Luc) 8:24 ပူးပေါင်းရင်းမြစ်များ

Lɛrɛvɔ Sɛbɛ 65:7

Bale lé plɛplɛ nya lé éé gɔnu dɔa gligli Yé plɛplɛ a a gyɛn kyɛsidi nya.

Ézai 50:2

An da, mɛmalé mi do kpen ’ka an si lɛ zia loo? An mi laa, mɛmalé mi do kpen ’ka we lɛ loo? An bɛ ’ka sɔa mi tabole nya loo? Plɛplɛ ’ka an lee yé maa mi so we lee loo? An bon‐ɛn‐an wɛyi nya yé é béli, Maa yuunu kɛla nyéné’saa nya; ’Yi ’ka lo, amalé wo va pɔnu é zamaga wo ’yiminilɔrɔ nya, Yé wo vɔn.

Jérémi 5:22

Gakelebale léma: Ka ’ka kanaan an lee loo? Ka ma ’ka nyɔɔn‐an an ’lɛ loo? Maa ɛ wɛyi glɛ dɔ nyéné nya, a glɛ lé wɛyi ’ka bɔa a kinile lɛ monomono lo, yee lé. Dé é fɔrɔoo, plɛplɛ ’ka a lee lo, dé é gi gunu oo, é ’ka a kinié lo.

Naum 1:4

Éé bon‐ɛn‐an wɛyi nya yé ’bɛ éé bélié é guru gi. Éé yuunu faa bélié; Bazan tɛrɛ la valé Kaamɛl gɔnu éé kɛla tɔɔtɔɔ, Liban tɛrɛ la lu vwinu ma éé yuruan.

Matio 14:30

Naa, é a ye léé, fu a giéna plɛplɛ yé kana zén a gi. É ke aan wo gona ’yi wuo, é siaa plɛplɛ léé: Mizan, ’i an si we gi!

Matio 8:25

A zuomunu go a vuo lɛ yé wo léé: Mizan, ’i bɔ ko va, ga lé ko wo ’ko.

Maak 4:39

É vuo aan wo, yé é siaa fu ta, yé é lé wɛyi lɛ léma: ’I dɔ. ’I vo flee. Yé fu dɔ, yé fɛ faa vo drɔɔ.

WENÉNÉ LÉ LUK A GYE (Évangile selon Luc) 4:35

Jézu we gyɛ a lɔlu la yé é léé: ’I tadɔ. ’I si mi ’ko gi. Yé yo a dia zén‐ékevamunu méléna yé é si a gi yé é ’ka we do kɛlɛ lɛ a lɛ lo.

WENÉNÉ LÉ LUK A GYE (Évangile selon Luc) 4:39

É bua a nwiin yé é siaa a kɔlɛ gi kyɛ dɔle ta yé a kɔlɛ gi kyɛ dɔle si a ma. A bléyi duo nya é nwa yé é fɛ nɔ wo lɛ.

WENÉNÉ LÉ LUK A GYE (Évangile selon Luc) 5:5

Simɔn a zi pa a lɛ léé: Anzan, ko tu kini nyanama pale nya yé ko ’ka we do kpen ye lɛ lo, naa, i dére ta lé an dan séli nwɛɛn lɛ.

WENÉNÉ LÉ LUK A GYE (Évangile selon Luc) 8:25

A zuo é lé wo lɛ léé: Kalé blipale a kyɛɛn? Kana zén wo gi yé wo gi vuru yé wo lé ’wo ke lɛ léé: Mi kaa lé ke ’ko, yé éé we fé fu valé ’yi boen lɛ, ’té wa lɛdɔamaa?