WENÉNÉ LÉ LUK A GYE (Évangile selon Luc) 8:15 - Kazambale lé Sebe Sauunu 1979

¹⁵ Yee lé é dia tɛrɛ zima ta, wa munu lé woo dére maan bli tegele valé bli zin nya, wo nya, yé éé voo wo gi, ’té wo wɔlɛ éé baan yarapalale nya.

WENÉNÉ LÉ LUK A GYE (Évangile selon Luc) 8:15 ပူးပေါင်းရင်းမြစ်များ

Lɛrɛvɔ Sɛbɛ 119:11

Maa i dére paan an bli gi, Té an wenyané kɛlɛ i ma lo we gi.

Lɛrɛvɔ Sɛbɛ 51:10

’I ginanale valé fɛti kɛlɛle vun we, maa ’ma, Yé an wɔlɛnu lé i wo yéli bɛ, ’wo dɔ é ke ’léé yé an gi ’é nana ma;

Wegɔnévɔlenu 3:1

An be, té i gi é san anlé wepaale ma lo, yé anlé bélidɔwenu ’é vo i bli gi ma;

Jérémi 15:16

Maa i dérenu ye yé maa wo ble; i dérenu a an bli gi néné yé woo an gi nanaan; naa, Gakelebale, lai sunyanu lé Bale, wo i tɔ laan an ta.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 32:29

Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.

Matio 24:13

Naa, mian éé yara paan anlé we kɛlɛle ta fɔɔ yé é bɔ a ’wuo plana, ’bɛzan é dan si lɛ we gi.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LÉ LUK A GYE (Évangile selon Luc) 6:45

Mi zin éé fɛ zimanu sié é bli gi fɛwezan zimanu va, yé mi naané éé fɛ naanénu sié élé fɛwezan naanénu va; naa, we lé éé mi bli faan, yee ɛ bɔraan a ’léé.

WENÉNÉ LÉ LUK A GYE (Évangile selon Luc) 8:14

A wɔlɛnu lé wo dia lélinu va, wa munu lé woo Bale dére maan, wo nya, yé dé wo go, tɛrɛ ’ko la gibɔrɔpalenu valé alé fuafɛnu valé alé ginanamawenu koo, woo dére tunuan wo bli gi, yé wo faa éé voo é pia nya.

WENÉNÉ LÉ LUK A GYE (Évangile selon Luc) 8:16

Mian éé kyɛbɔ bié yé é a wɔra bɔ wuo, dé ’bɛ kaan lo yé é a wɔra yialafɛ wuo, ’bɛzan ’ka lo; naa, éé a dɔraan kyɛbɔ dɔrana, munu lé woo wɔraan, wolé a san yele we gi.

WENÉNÉ LE JAN A GYE (Évangile selon Jean) 14:15

Dé an sɔ ka lɛ, ’ka anlé bélidɔwenu kɛlɛ ma.

WENÉNÉ LE JAN A GYE (Évangile selon Jean) 15:10

Dé ka anlé bélidɔwenu kɛla, ka dan vo lɛ anlé sɔlɛle gi, bélé fɛan zo lé maa an Ti lé bélidɔwenu kɛlɛ yé maa vo alé sɔlɛle gi, a zo.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Rom munu 6:22

Naa, sin ka si wenyané lee yé ka kɛlɛ Kazambale lé luu nya, ’té ka ma tɔnɔ lé ke kɛlɛle sauun nya yé a ’wuoplana lé é ke vole é yuɛma lé a glɛ ’ka lo, a nya.

Rom munu 7:18

Maa a gi dɔɔ léé, wezin do kpen ’ka an gi lo, ’bɛ gi léé, an dɔbɛ kyɛn gi lo; an bli bɔ wezin kɛlɛle ma, naa, a kɛlɛ plɛplɛ ’ka an lee lo.

Rom munu 7:4

A zo duo lé, an bwenu, ka é ziin, ka kɛlɛle Krist kɔlɛ va lé we ma lé ka ga bélidɔwe vazia, ka kɛlɛlɛ mi bɛ zé nya we ma, mian é nwa gamunu va, ka kɛlɛlɛ ’bɛzan zé nya we ma, Kazambale lé tɔnɔ yele kaa ma we gi.

Rom munu 8:25

Naa, kaa bli a fɛan kaa ’ka a yé lo, a lɛ, amalé kaa a a lɛbɛnna bli tiéé nya.

1 Korent munu 7:19

Dé wo mi gane dɔoo, dé wo ’ka a gane dɔ lɛ looo, ’bɛ ’ka we do nya lo; Kazambale lé bélidɔwe kɛlɛle ɛ ke we blɛn nya.

Éfez munu 2:8

Bale lé zin ma lé é ka si we gi, ka blipale a lɛ we ma, yé we ’ko ’ka si lɛ ka va lo; Kazambale lé blɛ lé.

Bélidɔwesɛbɛ Fiézan 30:6

Gakelebale, kalé Bale é dan ka valé kalé nénu bli si lɛ wenyané lɛ, yé ka dan Gakelebale, kalé Bale lɔrɔ pa lɛ ka bli faa valé ka boen faa nya, ka vole é yuɛma we ma.

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

Kolɔs munu 1:6

Wenéné ’ko, é bɔ ka va, é a tɛrɛ la fɛfaana, ’té a tɔnɔ éé kɛla a ma yé ’té a gi éé gya bélé fɛan zo lé é a kɛlɛna ka va, a zo. É sia yian nya lé ka Kazambale lé zin lé we ’ma yé ka a dɔɔ webozen nya, a yi ma, we ’konu a nyanama pana ka va.

Ébrunu 10:36

We lé ke ka mawe nya, yee lé ke léé, ’ka kɛlɛ yarapawelazannu nya, yé dé ka Kazambale lé blibɔmawe lɛ sɔɔ faa yé fɛ lé Kazambale a fe léé, é dan a nɔ lɛ ka lɛ, yé é a nɔ ka lɛ.

Ébrunu 2:1

Bɛwemalé, wenu lé kaa wo ’ma, é a lé kaa wo kɛlɛ kaa bli faa nya, dé wo da saan kaa gi.

SEBE LÉ JAK A GYE (Épitre de Jacques) 1:4

Yé é a lé bli tiéé é kɛlɛwe lɛ sɔɔ ka gi, gun sile ka ma valé ka tinle we gi, ’té we do kpen ’ka vuruan ka ma lo.

1 Jan 2:3

Dé ko Jézu lé bélidɔwenu kɛla, ’bɛna lé ko gi dɔɔ léé, ko Jézu dɔɔ.