WENÉNÉ LÉ LUK A GYE (Évangile selon Luc) 8:13 - Kazambale lé Sebe Sauunu 1979

¹³ Wo lé wo dia gɔlɛ ta, wa munu lé woo Bale dére maan yé wa sié gi nanale nya, wo nya; naa, wo suni ’ka goo baa lo, woo bli voo Bale dére lɛ bléyi sɛ nya, yé woo diaan mi gidanbléyi va.

WENÉNÉ LÉ LUK A GYE (Évangile selon Luc) 8:13 ပူးပေါင်းရင်းမြစ်များ

JOB (Job) 19:28

Ka lé ka ke a fena léé, ko kɛla kaa yé ko kelee? ’Té ka fé léé, alé nyané blele si abo va,

Wegɔnévɔlenu 12:12

Mi nyané bli éé bɔa fɛ lé mi nyané a sié, a ma, naa, mi tegelenu suni éé baan.

Wegɔnévɔlenu 12:3

Mi ’ka dɔa gligli wenyanékɛlɛle nya lo, naa, mi tegelenu ma ’ka dan nyɔɔn lɛ lo.

Ézai 58:2

Yifaama woo an naginian. É sɔ wo lɛ léé, wo an kɛlɛwenu dɔɔ. Woo we fé an lɛ bélé bɛn lé woo we tegele kɛla, ’té wo ’ka sɔn vɔa wolé Bale lé bélidɔwe ma lo, wo zo, yé wo léé, ’maa we gi bɔi é bɔina. É sɔ wo lɛ léé, ’wo bié ’wolé Bale ma.

Ézékiɛl 33:32

Yé bé ye, bii a wo yuɛ gi bélé lɛrɛvɔzan lé a dére ke néné, ’té éé lɛrɛvɔafɛnu gya é zua, a zo. Woo tɔné dɔa i dérenu lɛ, naa, wo ’ka wo ta tawoo lilo.

OZÉ (Osée) 6:4

Éfraim, maa kɛla i lɛ kaa? Juda, maa kɛla i lɛ kaa? Kalé Bale lé zi ta tawole a bélé lolugunu zo bladi; é a bélé fli lé éé bélié é kele, a zo.

WENÉNÉ LÉ LUK A GYE (Évangile selon Luc) 8:12

Wo lé wo zana zi sɔnɔ bɛ, wa munu lé woo we maan, wo nya; ’bɛ zuo yo éé dan, yé é Bale dére si wo bli gi, dé wo da wo bli vo a lɛ yé wo si we gi.

WENÉNÉ LÉ LUK A GYE (Évangile selon Luc) 8:14

A wɔlɛnu lé wo dia lélinu va, wa munu lé woo Bale dére maan, wo nya, yé dé wo go, tɛrɛ ’ko la gibɔrɔpalenu valé alé fuafɛnu valé alé ginanamawenu koo, woo dére tunuan wo bli gi, yé wo faa éé voo é pia nya.

WENÉNÉ LE JAN A GYE (Évangile selon Jean) 15:2

An bɛ faa lé wo ke an ma yé wo ’ka baan lo, éé wo kinié an ma, yé an bɛnu faa lé woo baan éé wo ma bɔié yé wo va ’é kɛlɛ é sésé, wo taa baale é ziin wo ma we gi.

WENÉNÉ LE JAN A GYE (Évangile selon Jean) 15:6

Dé mian é ’ka voo an gi lo, wa vulian béera bélé yilibɛ zo, yé ’é ga; ’bɛ zuo yé woo yee yilibɛnu sian yé woo wo vɔa kyɛ va, yé wo kyɛ é ble.

WENÉNÉ LE JAN A GYE (Évangile selon Jean) 5:35

Jan ɛ ke kyɛbɔ lé é ke bina ’té éé blé, a nya, yé ka a a va léé, ’wo gi é nana a san va bléyi do nya.

1 Korent munu 13:2

Yé dé an balelawefe blɛ yeoo, dé an we faa dɔɔoo, dé an weyɔɔlenu faa gi maan‐oo, dé an bli a é pale fɔɔ yé an gɔ blɛnnu soowɔlaan yé maa wo dɔ fɛ bɛnaoo, dé sɔlɛle ’ka an gi lo, ’té maa a fɛ pla nya.

1 Korent munu 15:2

’té ka si we gi a nya bɛ, maa a sele dɔa ka gi. Wenéné lé maa a fe ka lɛ bɛ, ka a kɛlɛna a yɛramaa? Dé ’bɛ kaan lo, ’té kalé blipale a we pla nya.

Galasi munu 3:1

Galasi munuoo, Galasi munu, ’tugyɛzannu! De ɛ ka gyɛ ’tu nyaa? Ka lé wo Jézu Krist bɔra ka yuɛ va é gyɛle yiliblan ta bɛ, de ɛ ka gyɛ ’tu nyaa?

Galasi munu 3:4

’Té kalé nyanéblele kɛlɛ we pla nyaa? É a é pla weboen nyaa?

Éfez munu 3:17

Krist ’é nyana ka bli gi ka bli vole a lɛ we ma ma; ka suni ’é wɔra sɔlɛle gi yé ka dɔ a gi gyéiin ma;

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

Kolɔs munu 2:7

ka suni ’é wɔra, ’ka tin a gi blɛn, ’ka dɔ gligli blipale gi, wenu lé wa pla ka lɛ, a yɛrama, yé ’ka Bale bɔ vɔ kiɛre.

1 Tɛsalɔnik munu 3:5

Amalé dé an ’ka bɔa we ’ko vole lɛ ’ko zo lo, an Timoté pa ka lɛ zia léé, dé kalé blipale a kaa? ’é da ’é a zuo fe an lɛ. Kana a an gi léé, dé migidanzan ka gi dan mii? yé nyanama lé ko pa, dé é vo é plaa?

1 Timoté 1:19

I bli ’é vo é pale yé té ilé wevasibli é we dɔ i nwiin lo. Mi kenu ’ka wo tɔné dɔ lɛ wolé wevasibli lɛ lo, yé wobo vuru Kazambale lé we gi.

Ébrunu 10:39

Naa, munu lé wo diéra yé wo san, kaa ’ka wo va mi kenu nya lo, naa, munu lé wo bli ke wo boen sile we gi lɛ, kaa a wo va mi kenu nya.

SEBE LÉ JAK A GYE (Épitre de Jacques) 2:26

Fɛan zo lé kɔlɛ lé a léli ’ka lo, é ke é gale, a zo duo lé blipale lé a kɛlɛwenu ’ka lo, é a é gale yee ɛ zo.

2 Piɛri 2:20

Dé tɛrɛlawe tiridɔlenu si munu lee Mizan, mi Bélizan Jézu Krist dɔɔle we ma, ’bɛ zuo dé wo ’bɛnu sia é ziin yé ’bɛnu wo kele, wo vobɛ voéla a naané é mini a vininzan ta.

2 Piɛri 2:22

É kɛlɛ wo lɛ wegɔnévɔle bozen ’ko yɛrama; wo léé: Blén nɔla ’é féé va é ziin, yé suruda lé wa zuru, é burula é ziin voli va.

1 Jan 2:19

Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.

SEBE LÉ JUD A GYE (Épitre de Jude) 1:12

Woo ka sɔle ka ke lɛ na fɛti tiri dɔa. Yara ’ka wo gya ka va fɛblele we ma lo, naa, wo kanle ’té ma lé wo ke. Wa bélé lafunu lé ’yi ’ka wo gi lo, ’té fu éé wo nyunuan bɛ, wo zo. Wa bélé yilinu lé, fɛ bɔra bléyi va, ’té wo poro ’ka lo, ’té wo ke é gale gɔnɔ fié, ’té wo suni ke é soowɔlale bɛ, wo zo.