WENÉNÉ LÉ LUK A GYE (Évangile selon Luc) 7:39 - Kazambale lé Sebe Sauunu 1979

³⁹ Farizimi lé é Jézu laa, é ana ye aan wo, é lé é bli gi léé: Dé é vo léé, mi ’ko a balelayezan nya, ’té le ’ko lé ’bɛ é bɛ mane a ma bɛ, ’té dé le kaa léé? ’té é ’bɛ dɔɔ yé ’é a gi dɔɔ léé, é a wenyané kɛlɛ le nya.

WENÉNÉ LÉ LUK A GYE (Évangile selon Luc) 7:39 ပူးပေါင်းရင်းမြစ်များ

2 Minwiinzannu 5:20

Bale lé mi Élizé wuozan Géazi lé é bli gi léé: Anzan Siri mi Naaman ’ko vo yé fɛ lé é da a nya, é ’ka a si lɛ a lee lo; Gakelebale a é yuɛma. Maa dan vlan buru lɛ a zuo yé maa dan fɛ ke si lɛ.

Wegɔnévɔlenu 23:7

Naa, fɛan zo lé a bɔn‐in bɔrɔle ke, a zo duo lé yeebozen ke. É dan a fe lɛ i lɛ léé: ’I fɛ ble, ’i fɛ mini, ’té a bli ’ka i va lo.

Ézai 65:5

Yé wo léé: ’I si ko ma, té i bié ko ma lo, ko a tegele. ’Bɛ zo wenu bɛ, woo ’naan an yuɛ ma bélé kyɛgoi zo, bélé kyɛ lé éé blé yifaama, a zo.

Matio 20:16

’Ko zo lé mi voélazannu é dan kɛlɛ lɛ mi vininzannu nya, yé mi vininzannu é dan kɛlɛ lɛ mi voélazannu nya.

Matio 21:11

Mi gunu léé: Balelayezan Jézu lé; é si Nazarɛt, Galilé tɛrɛ la.

Maak 7:21

Naa, gibɔrɔle naané koo, leginile valé gɔnéginile koo, pɛnpɛnnégyɛle koo, mi gyɛle koo, kyeenwole koo, bli bɔle gɔɔli ma koo, wenyané koo, dabliwe koo, we vɔnle koo, yuɛ bɔle mi bɛ lé fɛ ma koo, mi tɔ sɛrɛle koo, boblɛn koo, ’tugyɛwe koo, wenaané faanu ’ko, woo ɛ sié mi gi, yé woo ɛ mi tiri dɔa.

WENÉNÉ LÉ LUK A GYE (Évangile selon Luc) 12:17

Yé é ’wuo gi bɔrɔ yé é léé: Maa kɛla kaa? Naa, anlé féifɛnu zénna ’ka lo.

WENÉNÉ LÉ LUK A GYE (Évangile selon Luc) 15:2

Yé Farizimunu valé sɛbɛgifemunu gun gyɛ a ma yé wo léé: Mi ’ko éé wenyanékɛlɛzannu sié ’té éé fɛ blé wo va.

WENÉNÉ LÉ LUK A GYE (Évangile selon Luc) 16:3

A leezan lé é bli gi léé: Sin, anzan a an nwana élé fɛnu ta; maa dan a kɛlɛ lɛ kaa? An nyanama pa an bɛ nyaa? An ’ka bɔa ’bɛ lɛ lo. An go doro paa? ’Bɛ an gya yara nya.

WENÉNÉ LÉ LUK A GYE (Évangile selon Luc) 18:4

Gɔnɔ kiɛre nya é ’ka a nyi si lɛ lo. Naa, ’bɛ zuo é lé é bli gi léé: Dé an ’ka kanaan Bale lee looo, dé mi do kpen lé we ’ka an yuɛ gi bɔa looo,

WENÉNÉ LÉ LUK A GYE (Évangile selon Luc) 3:8

We lé ka kɛla yé ’bɛ a gɔɔn léé, ka bli nɔla, ’ka ’bɛ kɛlɛ, yé té ka kun a fele ma ka bli gi léé, Abraam a ’wo tra nya, lo. Naa, maa lé ka lɛ léé, Kazambale é bɔalɛ léé, é gɔlɛ ’konu kinin Abraam gɔnɔlazannu nya.

WENÉNÉ LÉ LUK A GYE (Évangile selon Luc) 7:16

Kana zén munu faa gi yé wo Kazambale tɔ bɔ a fele nya léé: Balelayezan blɛn bɔra ko méléna, yé Kazambale da élé munu va.

WENÉNÉ LÉ LUK A GYE (Évangile selon Luc) 7:37

Yé fla ’ko la wenyané kɛlɛ le a ’ma aan wo léé, é a fɛblele zi Farizimi lé kɔn gi, é da gɔlɛfukuo nya é fanle lasikɔrɔ nya.

WENÉNÉ LÉ LUK A GYE (Évangile selon Luc) 7:38

É dɔ Jézu zuo a gane sɔnɔ. É kun wuvɔle ma; yé é a gane ma zuru é yuɛyi nya yé é a ma boo é nwun nya, yé é pwɛpwɛ vɔ a gane ma yé é lasikɔrɔ zén a gane ma.

WENÉNÉ LÉ LUK A GYE (Évangile selon Luc) 7:40

Jézu we fe a lɛ yé é léé: Simɔn, é sɔ an lɛ léé, an we do fe i lɛ. É lé a lɛ léé: Anzan, ’bé fe.

WENÉNÉ LE JAN A GYE (Évangile selon Jean) 4:19

Lezan lé a lɛ léé: Mizan, maa a ye léé, bii a balelayezan nya.

WENÉNÉ LE JAN A GYE (Évangile selon Jean) 7:12

Mi gu worona munu vo za kiɛre vɔna a ta. Mi kenu léé: Mi zin lé. Yé a kenu léé: Gba, é a munusaanzan nya.

WENÉNÉ LE JAN A GYE (Évangile selon Jean) 9:24

Mi lé a yuɛnu ke turu é ’wiile, Farizimunu a laa a gɔnɔ fiézan nya yé wo léé: ’I Kazambale tɔ bɔ. Ko gi dɔɔ léé, mi ’ko a wenyanékɛlɛzan nya.